Fréttir

Sektaður fyrir að geyma lík for­eldranna í frysti í ára­tugi

Dómstóll í Finnlandi dæmdi karlmann á níræðisaldri til þess að greiða á þriðja hundrað þúsund króna í sekt fyrir að raska gröfum. Maðurinn og bróðir hans geymdu lík foreldra sinna í frysti í rúm þrjátíu ár.

Erlent 12.10.2026 08:49

Steinunn kjörin næsti forseti Alþjóðasamtaka lækna

Steinunn Þórðardóttir, formaður Læknafélags Íslands, var um helgina kosin næsti forseti Alþjóðasamtaka lækna, World Medical Association (WMA), fyrir tímabilið 2027–2028. Steinunn greinir frá þessu á Facebook-síðu sinni en hún sótti aðalfund samtakanna í liðinni viku.

Innlent 12.10.2026 07:39

Þrettán þúsund hafa skrifað undir

Rúmlega þrettán þúsund manns hafa skrifað undir áskorun til stjórnvalda um verndun Seyðisfjarðar og verða undirskriftalistar afhentir Jóhanni Páli Jóhannssyni umhverfis-, orku- og loftslagsráðherra í dag klukkan ellefu.

Innlent 12.10.2026 07:22

Skúrir og rigning en léttir til er líður á daginn

Skil fóru yfir landið í nótt með hvassviðri og stormi sem fara norður af landinu um hádegisbil. Í dag og á morgun er spáð skúrum en á miðvikudag er von á annari lægð og þá er spáð snjókomu fyrir norðan. 

Veður 12.10.2026 07:20

Alls ekki á móti því að fólk hafi það gott

Seðlabankastjóri segir innlendar hækkanir á þjónustu og launum hafa mest áhrif á verðbólguna núna. Stýrivextir séu biturt meðal og ekki með glöðu geði sem þeim er beitt. Það sé rétt hjá verkalýðshreyfingunni að stýrivextir leggist misjafnlega á ólíka hópa en staðan sé að einhverju leyti afleiðing af þeirra eigin gjörðum. Rangar ákvarðanir hafi mögulega verið teknar í Seðlabankanum sem í raun reyni að reka velferðarstefnu.

Innlent 12.10.2026 07:00

Hóta að stöðva vopnakaup fyrir Úkraínu

Bandaríkjamenn eru sagðir hafa hótað því að hætta að deila upplýsingum með Úkraínumönnum og að meina ríkjum Evrópu að kaupa vopn og flugskeyti í loftvarnarkerfi Úkraínu. Það verði gert ef Úkraínumenn hætti ekki árásum á olíuvinnsluinnviði í Rússlandi.

Erlent 12.10.2026 06:57

Réðust á dreng og tóku af honum hlaupahjól

Tveir ungir drengir réðust að einum dreng á svipuðum aldri í Hafnarfirði í gær. Þeir neyddu hann af hlaupahjóli sem hann var á og tóku það af honum ófrjálsri hendi, samkvæmt lögreglu. Drengirnir og hjólið fundust þó skömmu síðar.

Innlent 12.10.2026 06:22

Vonast til að leysa ráð­gátuna um hvarf Ameliu Ear­hart

Hópur vísindamanna er nú á leið til Nikumaroro-eyju á Kyrrahafi í þeirri von um að leysa ráðgátuna um Ameliu Earhart. Earhart hvarf sporlaust þegar hún gerði tilraun til þess að verða fyrst allra að fljúga umhverfis jörðina árið 1937.

Erlent 11.10.2026 23:45

Tígris­dýrið verður ekki af­lífað

Tígrisdýrið Altai sem varð manni að bana í dýragarði eftir að hann fór inn á afgirt svæði dýrsins í gær verður ekki aflífað.

Erlent 11.10.2026 22:20

Myndir frá Austur­velli: „Fokkið ykkur úr firðinum“

Fjöldi fólks kom saman til að mótmæla sjókvíaeldi Kaldavíkur á Seyðisfirði í dag, bæði á Seyðisfirði og í Reykjavík en mótmælin fóru fram samtímis. Breiður hópur náttúruverndarsamtaka stóð fyrir mótmælunum. 

Innlent 11.10.2026 21:53

Nýr meiri­hluti í Suðurnesjabæ

Samfylkingin og Framsókn hafa náð samkomulagi um myndun nýs meirihluta í bæjarstjórn Suðurnesjabæjar. Meirihluti Sjálfstæðisflokks og Samfylkingar sprakk á sunnudaginn síðastliðinn eftir fjögurra mánaða samstarf. 

Innlent 11.10.2026 20:55

Rússar ráðist á orkuinnviði þrátt fyrir yfir­lýsingu Trumps

Rússar hafa gert árásir á orkuinnviði í Úkraínu eftir yfirlýsingu Bandaríkjaforseta um orkuvopnahlé milli ríkjanna tveggja, að sögn Úkraínuforseta. Þrír hið minnsta eru látnir í borginni Karkív og tuttugu særðir.

Erlent 11.10.2026 20:15

„Við erum ekkert að biðja um ein­hverja sér­með­ferð“

Unnur Brá Konráðsdóttir, sveitarstjóri í Borgarbyggð, hefur kært menntamálaráðuneytið og Miðstöð menntunar og skólaþjónustu fyrir að neita að afhenda sveitarfélaginu niðurstöður úr PISA-könnunum. Hún segir það skjóta skökku við að ráðuneytið afhendi stærstu sveitarfélögunum slíkar upplýsingar en ekki minni sveitarfélögum á landsbyggðinni.

Innlent 11.10.2026 19:21

Brotist inn í tvö fyrir­tæki

Lögreglunni á höfuðborgarsvæðinu bárust tvær tilkynningar um innbrot á svipuðu svæði miðsvæðis í Reykjavík í dag. Málin eru bæði í rannsókn.

Innlent 11.10.2026 18:12

Fær auka­dag til stjórnar­myndunar

Magdalena Andersson, leiðtogi jafnaðarmanna í Svíþjóð, fær einn aukadag til stjórnarmyndunarviðræðna en hún átti upphaflega að skila skýrslu til forseta þingsins á morgun.

Erlent 11.10.2026 17:47

Akra­nes og Akur­eyri dæmi þar sem hættan sé raun­veru­leg

Þingmaður Framsóknarflokksins segir að stjórnvöld megi ekki sofa á verðinum þegar kemur að sjóvörnum. Niðurskurður til málaflokksins skjóti skökku við í ljósi hækkunar sjávar og aukinnar sjávarflóðahættu. Ísland sé á flæðiskeri statt.

Innlent 11.10.2026 17:22

Of snemmt að segja til um hvernig eldurinn kom upp

Betur fór en á horfðist þegar eldur kom upp í kerskála í álverinu í Straumsvík um hádegisbil í gær. Forstjóri Rio Tinto segir starfsmenn hafa brugðist hárrétt við, eldsupptök eru enn ókunn.

Innlent 11.10.2026 17:02

Hafi verið beggja vegna borðsins

Deildarstjóri fiskeldisdeildar Matvælastofnunar segir fyrrverandi starfsmann Fiskeldis Austfjarða ekki hafa komið að áhættumati vegna fyrirhugaðs eldis félagsins í Seyðisfirði. Honum hafi aðeins verið beint tiltekinni spurningu um staðal fyrir eldisbúnað. Katrín Oddsdóttir lögmaður gagnrýnir að leitað hafi verið til hans þrátt fyrir reglu um að hann kæmi ekki að málinu.

Innlent 11.10.2026 15:32

Kom af fjöllum eftir til­kynningu Trump um orku­vopna­hlé

Vólódímír Selenskí Úkraínuforseti kom af fjöllum þegar tilkynning barst frá Donald Trump um að Bandaríkin og Úkraína hefðu samþykkt orkuvopnahlé í stríðinu. Hvorki stjórnvöld í Kænugarði né Moskvu hafa tjáð sig opinberlega um málið.

Erlent 11.10.2026 15:22

„Þetta var al­gjör­lega magnað“

Júlíus Garðar Þorvaldsson áhugaljósmyndari segist ekki hafa vitað hvaðan á sig stóð veðrið þegar hann rak augun í stóra grindhvalavöðu úti við ströndina við Hólmavík. Hann dreif sig út á bát og náði myndbandi af vöðunni.

Innlent 11.10.2026 14:52

Nýtt flóð í Nepal hreif með sér brýr og hús

Fimm er saknað og um fimmtíu var bjargað eftir skyndiflóð í ánni Budhi Gandaki í Nepal. Á myndbandi sést þar sem flóðið ryður niður húsum og brú úr vegi sínum en um fimmtán hundruð létust í flóðum í landinu í síðasta mánuði.

Erlent 11.10.2026 14:33