Tónlist

Tónlist

Fréttir af innlendum og erlendum tónlistarmönnum, uppákomum og myndböndum.

Fréttir í tímaröð

Fréttamynd

Um­deildum K-Pop stjörnum skipt út í Hörpu

Skipuleggjendum K-Pop Infinity tónleika sem áttu að fara fram í Eldborgarsal Hörpu sunnudaginn 19. apríl hafa ákveðið að skipta út listamönnunum þar sem atriðið þykir ekki hafa staðist væntingar. Sýningin hefur fengið harða útreið í fjölmiðlum í Svíþjóð þar sem sársvekktir foreldrar hafa farið fram á að fá endurgreiðslu.

Lífið
Fréttamynd

Ekki er allt sem sýnist í Dimmu

Hljómsveitin Dimma segir fullyrðingar tónlistarmannsins Stefáns Jakobssonar, Stebba Jak, um að bassaleikarinn Silli Geirdal og eiginkona hans hafi sett sig upp á móti honum, vera ósannar. Þetta segir í færslu sem birt var í dag á Facebook-síðu hljómsveitarinnar Dimmu en Stefán hætti sem söngvari hljómsveitarinnar eftir fimmtán ára skeið nú í vikunni.

Tónlist
Fréttamynd

Sau­tján þúsund miðar seldir á Kaleo

Nánast uppselt er á stórtónleika hljómsveitarinnar Kaleo á Þingvöllum í sumar. Í tilkynningu sem Jakob Frímann Magnússon tónleikahaldari sendi frá sér kemur fram að af þeim tuttugu þúsund miðum sem séu í boði hafi sautján þúsund þegar verið seldir.

Tónlist
Fréttamynd

Segir Stefán hafa gert at­lögu að frið­helgi einka­lífs

Lögmaður manns sem kærði tónlistarmanninn Stefán Jakobsson fyrir líkamsárás segir óásættanlegt að nýta vettvang samfélagsmiðla og fjölmiðla til að vega að persónu mannsins. Stefán var í vikunni sýknaður í málinu og er í framhaldinu hættur sem söngvari hljómsveitarinnar Dimmu. 

Innlent
Fréttamynd

Um­deildi braut­ryðjandinn Afrika Bambaataa allur

Afrika Bambaataa, plötusnúður, rappari og einn af guðfeðrum hipp-hopps, er látinn, 68 ára að aldri, eftir baráttu við krabbamein. Bambaataa átti stóran þátt í að móta hipphopp á níunda áratugnum og vann að útbreiðslu þess með stofnun hópsins Universal Zulu Nation. Síðustu tíu ár ævinnar var hann borinn þungum sökum um barnaníð og mansal sem hann neitaði staðfast. 

Lífið
Fréttamynd

Sjarmatröllið sem setti popp­tón­list í önd­vegi

„Maður er mjög sorgmæddur en síðan fyllist maður einhverjum yl og gleði þegar maður sér þessi myndskeið sem sýna hvað hann gerði mikið fyrir íslenskt tónlistarlíf. Hann setti popptónlist í öndvegi og sinnti henni af mikilli elju alla tíð. Það er eitthvað sem við Íslendingar fílum.“

Lífið
Fréttamynd

Svala minnist pabba síns

Svala Björgvins, dóttir Björgvins Halldórssonar, minnist föður síns í fallegri færslu sem hún birti á Facebook í dag. Björgvin var bráðkvaddur að heimili sínu nú í morgun, 9. apríl, en hann var 74 ára gamall.

Lífið
Fréttamynd

Stebbi Jak hættur í Dimmu: „Fólk sem ég taldi vera vini mína hefur brugðist á öllum stigum málsins“

Tónlistarmaðurinn Stefán Jakobsson er hættur í hljómsveitinni Dimmu vegna ósættis við bassaleikarann Silla Geirdal og eiginkonu hans. Stefán segir þau hafa tekið afstöðu gegn honum í dómsmáli þar sem hann var ákærður fyrir líkamsárás en Stefán var sýknaður í málinu í Héraðsdómi Reykjaness í gær. Stefán segir ákærandann hafa áreitt sig og fjölskyldu sína linnulaust síðustu tvö og hálft ár.

Tónlist
Fréttamynd

Björg­vin Hall­dórs­son látinn

Björgvin Halldórsson söngvari er látinn. Hann fæddist 16. apríl 1951 og var því hartnær 75 ára gamall þegar hann andaðist. Hann varð bráðkvaddur að heimili sínu nú í morgun, 9. apríl.

Innlent
Fréttamynd

Sex þúsund miðar seldust upp á innan við mínútu

Forsala á stórtónleika Kaleo á Þingvöllum í sumar hófst klukkan tíu í morgun og seldust miðarnir sex þúsund upp á innan við mínútu. Tónleikarnir fara fram 20. júní og mun fjöldi íslenskra tónlistarmanna koma þar fram.

Tónlist
Fréttamynd

Barns­leg gleði, kyn­þokki og ó­hugnaður

Hljómsveitin ex.girls gaf í dag út fyrstu smáskífuna af nýrri plötu sinni, City of Fear, en laginu fylgir óhefðbundið myndefni. Platan var tekin upp á tíu dögum í Rotterdam árið 2023 og hefur mallað hjá sveitinni síðan. Söngkona sveitarinnar lýsir plötunni sem sexý og óhugnarlegri og hún sé samin af barnslegri gleði. 

Tónlist
Fréttamynd

The Streets koma fram á Iceland Airwaves

Búið er að tilkynna 28 listamenn sem koma fram á tónlistarhátíðinni Iceland Airwaves í nóvember en fleiri eiga eftir að bætast við. Stærstu nöfnin sem eru nefnd þar eru breska sveitin The Streets, breska söngkonan Shygirl, íslenska stórstjarnan Daði Freyr og hið filipseysk-íslenska Yaolekre.

Lífið
Fréttamynd

Björk treður upp í Hafnar­firði í sumar

Stórstjarnan Björk var rétt í þessu að tilkynna Sólmyrkvahátíð á Víðistaðatúni í Hafnarfirði 12. ágúst næstkomandi þar sem hún þeytir skífum ásamt öflugum hópi tónlistarfólks.

Tónlist
Fréttamynd

Furðubandið sem tryllti netið

Það hefur verið erfitt að komast hjá Angine de Poitrine á netinu undanfarið. Myndband af sveitinni í KEXP-upptöku hefur gengið manna á milli, áhorfið hlaupið á milljónum og sveitin orðin að einhvers konar fyrirbæri.

Lífið
Fréttamynd

Allir komust lifandi út – nema Beethoven

Þegar tónskáldin Alexander Skrjabín og Níkolaj Rimskí-Korsakov sátu eitt sinn að snæðingi upphófst mikið rifrildi. Ástæðan? Liturinn á E-dúr. Báðir voru þeir gæddir svokallaðri samskynjun (e. synesthesia) og voru fyllilega sammála um að tóntegundin væri blá – spurningin var bara hvort hún væri djúpblá eins og safír eða fölblátt mánaskin. Við borðið sat einnig kollegi þeirra, Sergej Rakhmanínoff, grjótharður raunsæismaður sem fussaði hneykslaður yfir slíku andlegu bulli. Fyrir honum voru nótur einfaldlega nótur og ekkert annað. Hefði Víkingur Heiðar mætt í þetta sögulega matarboð hefði kvöldið vafalítið endað í slagsmálum. Hann er nefnilega líka með samskynjun, en ólíkt rússnesku meisturunum er E-dúr fyrir honum grænn.

Gagnrýni
Fréttamynd

„Þetta gekk eins og í lyga­sögu“

Kristján Freyr Halldórsson, rokkstjóri Aldrei fór ég suður, segir hátíðin hafa gengið glimrandi vel í gær. Veðrið hafi leikið við gesti hátíðarinnar og von sé á stórskemmtun í kvöld þegar Joey Christ, Alaska1867 og Skítamórall stíga á svið.

Lífið
Fréttamynd

„Ég hélt að ég væri hrein­lega að deyja“

Örn Elías Guðmundsson, betur þekktur sem Mugison, segir að hann hafi leitað til sálfræðings um aldamótin eftir að hafa glímt við taugaveiklun og oföndun undir álagi. Hann hafi í fyrstu haldið að hann væri að verða geðveikur. Þetta kemur fram í fyrsta þætti af nýju hlaðvarpi í umsjón Björn Skúlasonar, forsetamaka.

Lífið
Fréttamynd

Jökull og Telma hvort í sína áttina

Jökull Júlíusson söngvari Kaleo og Telma Fanney Magnúsdóttir sálfræðingur hafa slitið sambandi sínu. Þau byrjuðu saman fyrir tæpum tíu árum og trúlofuðust árið 2022. 

Lífið
Fréttamynd

Íslandsvinurinn Gucci Mane frelsissviptur

Níu Bandaríkjamenn hafa verið ákærðir fyrir mannrán og vopnað rán eftir að hafa lokkað nokkra tónlistarmenn inn í upptökuver í Dallas, frelsissvipt þá og rænt af þeim fjármunum og lausafé fyrr á þessu ári. Meðal fórnarlamba er rapparinn og Íslandsvinurinn Gucci Mane. 

Lífið

Mest lesið