Dómsmál

Dómsmál

Fréttir af málum sem rata fyrir dómstóla.

Fréttamynd

Sögðu Írisi hafa beðið sig um að lemja brotaþola

Tveir karlmenn sem báru vitni í máli Írisar Helgu Jónatansdóttur í morgun sögðu hana hafa beðið sig um að lemja einn brotaþola í málinu. Þá lýstu fyrrverandi vinkonur Írisar vinslitum þeirra við hana og að hegðun hennar hafi breyst eftir að hún gekkst undir magaminnkunaraðgerð.

Innlent

Fréttir í tímaröð

Fréttamynd

„Hann hótaði að drepa okkur“

Dóttir Írisar Helgu Jónatansdóttur sagði bróður sambýliskonu eins brotaþola í máli móður hennar hafa ráðist inn á heimili þeirra og hótað að drepa þær. Barnsfaðir Írisar Helgu vildi ekki tjá sig þegar hann var kallaður sem vitni í morgun. Íris Helga sætir ákæru fyrir umfangsmikið umsáturseinelti gagnvart þremur karlmönnum og fjölskyldum þeirra.

Innlent
Fréttamynd

Sýknaður vegna fíkni­efna­við­skipta hins látna

Meðal þess sem Héraðsdómur Reykjaness byggði sýknudóm sinn í manndrápsmáli, sem kennt er við Skjólbraut í Kópavogi, á er að hinn látni virðist hafa átt sér einn eða fleiri óvildarmenn vegna fíkniefnaviðskipta. Þá virðist alls óljóst að hann hafi látist kvöldið sem hinn ákærði var heima hjá honum.

Innlent
Fréttamynd

Karl Wernersson opnar sig

Karl Wernersson hefur boðað vini sína og vandamenn á fund á morgun. Þar mun Karl fara yfir sögu sína frá því að fjárfestingarfélagið Milestone var úrskurðað gjaldþrota árið 2009, fyrir 17 árum síðan. Fjölmiðlum er einnig boðið á fundinn.

Viðskipti innlent
Fréttamynd

Játaði að hafa makað saur á hurðar­húna

Maðurinn sem er meðákærður í máli Írisar Helgu Jónatansdóttur í umfangsmiklu umsáturseinelti játaði að hafa farið á heimili brotaþola og makað saur á hurðarhúna. Hann neitar hins vegar að hann hafi tekið þátt í meintu umsáturseinelti.

Innlent
Fréttamynd

Játar að hafa logið til um nauðgun

Íris Helga Jónatansdóttir játaði að hafa tilkynnt Garp I. Elísabetarson til lögreglunnar og sakað hann um gróft kynferðisbrot en síðan tekið það strax til baka. Hún sé reið út í hann sem vakti athygli fjölmiðla á málinu. Íris sætir ákæru fyrir umfangsmikið umsáturseinelti. 

Innlent
Fréttamynd

Hafi ráðist á sam­býlis­konu sína á Tenerife

Karlmaður hefur verið ákærður fyrir brot í nánu sambandi með því að hafa á endurtekinn hátt ógnað lífi, heilsu og velferð barnsmóður sinnar og þáverandi og síðar fyrrverandi sambýliskonu árið 2024. Honum er meðal annars gefið að sök að hafa ráðist á konuna á hótelherbergi á Tenerife, sent henni ærumeiðandi skilaboð um ætlað framhjáhald hennar og að hafa stolið öllum dekkjum undan bíl hennar.

Innlent
Fréttamynd

Neitar að hafa mætt með fóstur í krukku

Íris Helga Jónatansdóttir, sem ákærð er fyrir umfangsmikið umsáturseinelti, neitar því að hafa mætt með krukku á heimili brotaþola og sagt að í henni væri fóstur. Hún er sökuð um að hafa dreift óhróðri um fólk, stofnað aðganga á samfélagsmiðlum í þeirra nafni en segist sjálf hafa litla kunnáttu þegar komi að slíkum miðlum.

Innlent
Fréttamynd

Fjöl­menni í héraðs­dómi

Söguleg þingfesting er hafin í Héraðsdómi Reykjavíkur, þar sem 71 sætir ákæru. Ákærðu er skipt upp í hópa og þingfestingunni er streymt í annan sal.

Innlent
Fréttamynd

Aðal­með­ferð í máli Írisar Helgu að hefjast

Aðalmeðferð yfir Írisi Helgu Jónatansdóttur hefst í dag. Hún sætir ákæru fyrir umfangsmikið umsáturseinelti gegn þremur karlmönnum, börnum tveggja þeirra, sambýliskonu eins þeirra og fjölskyldu sambýliskonunnar.

Innlent
Fréttamynd

Koma langt að til að sjá hvar Agnes var háls­höggvin

Staðurinn þar sem þau Agnes Magnúsdóttir og Friðrik Sigurðsson voru hálshöggvin árið 1830, Þrístapar í Vatnsdalshólum, er orðinn áningarstaður ferðamanna, jafnt Íslendinga sem útlendinga. En svo er einnig um aðra sögustaði síðustu aftöku á Íslandi.

Innlent
Fréttamynd

Landsbankamálið gæti kostað ríkið hundruð milljóna

Ákveði sakborningarnir sjötíu í Landsbankamálinu svokallaða að halda uppi vörnum er ekki óvarlegt að áætla að málskostnaður nemi hundruðum milljóna króna, sem myndi líklega lenda á ríkissjóði að stórum hluta. Reyndir verjendur sem Vísir hefur rætt við telja réttast að þorri sakborninga játi sök.

Innlent
Fréttamynd

Höskuldur tapaði aftur fyrir Magnúsi

Lögmaðurinn og fyrrverandi þingmaðurinn Höskuldur Þór Þórhallsson þarf að sætta sig við að sitja uppi með áminningu sem Úrskurðarnefnd lögmanna veitti honum vegna ágreinings um skipti dánarbús. Landsréttur kvað upp dóm þess efnis í gær en Höskuldur hefur þegar sagt að hann muni fara með málið alla leið í Hæstarétt þurfi hann þess.

Innlent
Fréttamynd

Héldu nám­skeið um heiðursofbeldi

Félags- og húsnæðisráðuneytið og Ríkislögreglustjóri héldu á dögunum námskeið um einkenni og birtingarmyndir heiðursofbeldis. Um 25 manns, sem vinna meðal annars fyrir lögregluna, framhaldsskóla eða barnaverndaryfirvöld, sóttu námskeiðið.

Innlent
Fréttamynd

Veru­leikinn breyttur eftir ofsaakstur á ó­nýtum bíl

Ungur karlmaður hefur verið dæmdur til fimm mánaða skilorðsbundins fangelsis vegna umferðarslyss sem varð í grennd við Hofsós í apríl í fyrra, þegar hann var tæplega átján ára. Einn þriggja farþega í bílnum slasaðist mjög alvarlega og slysið mun marka allt hans líf, að sögn læknis. Slysið varð eftir að ungi maðurinn ók á um 190 kílómetra hraða á handónýtum bíl.

Innlent
Fréttamynd

Hafi reynt að myrða kærustu sína í sumar

Karlmaður hefur verið ákærður fyrir að reyna að myrða kærustu sína á þáverandi heimili þeirra í Reykjavík um miðjan júlí síðastliðinn. Frásögn konunnar á bráðamóttöku var upphaflega á þá leið að hún hefði veitt sér áverkana sjálf en því trúði lögregla tæplega.

Innlent
Fréttamynd

Stefnir Eiði vegna meðlagsskuldar

Ragnhildur Sveinsdóttir hefur höfðað mál gegn fyrrverandi eiginmanni sínum, Eiði Smára Guðjohnsen, fyrir Héraðsdómi Reykjavíkur. Samkvæmt heimildum fréttastofu er um meðlagsskuld að ræða en málið verður tekið fyrir 2. nóvember. Ragnhildur stefndi Eiði árið 2022 vegna sambærilegs máls en það var leyst utan dómstóla.

Lífið
Fréttamynd

Hljóta dóm fyrir að kveikja í Teslu lög­reglu­manns eftir allt saman

Þrír menn hafa hlotið dóm fyrir að hafa í ágúst 2023 kveikt í Teslu-bifreið lögreglumanns gegn greiðslu sem hljóðaði upp á hundrað þúsund krónur. Málinu hafði verið vísað frá dómi í desember síðasta árs en þá hafði ekki fengist leyfi frá Ríkissaksóknara til þess að Héraðssaksóknari gæti farið með málið.

Innlent

Mest lesið