Erlent

Fréttamynd

Kallaði Michelle Obama karl­mann á af­mælis­hátíð Trump

Keppandi sem tók þátt í bardagamóti við Hvíta húsið í tilefni af afmæli Donalds Trump Bandaríkjaforseta í gær kallaði Michelle Obama, fyrrverandi forsetafrú, karlmann í viðtali eftir bardaga. Áhorfendur ögruðu einnig kanadískum keppanda með hrópum um innlimun Kanada.

Erlent

Fréttir í tímaröð

Fréttamynd

Bretar banna samfélagsmiðlanotkun upp að 16 ára aldri

Keir Starmer, forsætisráðherra Bretlands, hefur tilkynnt að börnum yngri en 16 ára verði bannað að nota samfélagsmiðla en verði bannið samþykkt á þingi muni það taka gildi vorið 2027. Hann segir, í ræðu sinni í Downingstræti, að samfélagsmiðlar geri börn óhamingjusöm, auðveldi eineltisfólki að níðast á börnum og séu „hannaðir til að vera ávanabindandi“.

Erlent
Fréttamynd

Réðust á dóm­kirkjuna í Kænu­garði

Níu eru látnir og tugir særðir eftir árásarhrinu Rússa í Úkraínu í nótt. Fjórir létu lífið í höfuðborginni Kænugarði og í borginni Kharkiv fórust fimm slökkviliðsmenn sem voru að reyna að slökkva í húsi sem brann eftir rússneska árás.

Erlent
Fréttamynd

Munaði minnstu að hún væri sjálf komin út í þegar á­rásin varð: „Það verður bara allt í blóði í sjónum“

Kona var á sundi skammt frá landi á einni vinsælustu strönd Sydney í Ástralíu þegar gríðarstór hákarl réðst á hana en hún er nú í lífshættu. Íslendingur sem var á ströndinni þegar atvikið átti sér stað segist enn þá vera að meðtaka það, enda „eins og að vera stödd í einhverri kvikmynd“. Hún segir mikla umræðu hafa skapast meðal íbúa svæðisins en ótrúlegt þyki að hákarlinn hafi komist svona nálægt landi án þess að til hans sæist.

Erlent
Fréttamynd

Breski herinn stöðvaði skip úr skuggaflota Rússa

Breski herinn stöðvaði skip úr skuggaflota Rússa á Ermarsundi snemma í morgun, að sögn Keir Starmer, forsætisráðherra Bretlands en aðgerðin stóð yfir í um sex klukkustundir. Hann segir þetta vera í fyrsta sinn sem breski herinn fer um borð í rússneskt olíuskip á Ermasundi.

Erlent
Fréttamynd

Full­yrti að sam­komu­lag yrði undir­ritað og sundið opnað

Íran og Bandaríkin hafa aldrei verið jafn nálægt samkomulagi um endalok stríðsins, að sögn fulltrúa Pakistans sem hafa milligöngu um friðarviðræður ríkjanna. Donald Trump Bandaríkjaforseti fullyrti að samkomulag yrði undirritað á morgun en stjórnvöld í Íran gáfu til kynna að samningsaðilar þyrftu aðeins meiri tíma.

Erlent
Fréttamynd

„Af­leiðingarnar muni vara í ein­hver ár jafn­vel“

Alþjóðastjórnmálafræðingur segir langt frá því að friður sé í augnsýn á milli Bandaríkjanna og Íran þrátt fyrir drög að samkomulagi. Átök milli þjóðanna með tilheyrandi lokun Hormússunds og loftárásum Bandaríkjahers hafa staðið yfir síðan í lok febrúar. 

Erlent
Fréttamynd

Dregur um­deildar skýrslur um Havana-heilkennið til baka

Tvær umdeildar skýrslur um hið svokallaða Havana-heilkenni hafa verið dregnar til baka. Tulsi Gabbard, fráfarandi yfirmaður leyniþjónusta Bandaríkjanna, segir skýrslurnar ekki hafa staðist greiningarstaðla en þar var því haldið fram að hin dularfullu áratugsgömlu veikindi tengdust ekki aðgerðum eða árásum óvina.

Erlent
Fréttamynd

Facebook lá niðri

Samfélagsmiðlarnir Facebook, Messenger og Instagram lágu niðri í um klukkustund síðdegis í dag, samkvæmt upplýsingum frá vefsíðunni Downdetector.

Erlent
Fréttamynd

Kaninn pakkar saman í Evrópu

Ríkisstjórn Bandaríkjanna hefur tilkynnt bandamönnum Bandaríkjanna í Evrópu að til standi að fækka töluvert herþotum, flugvélum og herskipum í Evrópu. Um er að ræða hersveitir sem tekið hafa þátt í aðgerðum NATO í gegnum áratugina og stendur meðal annars til að fækka orrustuþotum í Evrópu um þriðjung.

Erlent
Fréttamynd

Stríðið í Úkraínu orðið lengra en fyrri heims­styrj­öldin

Innrás Rússa í Úkraínu, sé hún talin hafa byrjað þann 24. febrúar 2022, hefur nú staðið yfir lengur en fyrri heimsstyrjöldin. Í gær hafði innrásin staðið yfir í 1.569 daga eða rúmlega fjögur ár og þrjá mánuði en ráðamenn í Rússlandi töldu upprunalega að Úkraína myndi falla í þeirra hendur á nokkrum dögum.

Erlent
Fréttamynd

Hæsti­réttur bannar Alabama að taka menn af lífi með köfnunar­efni

Hæstiréttur Bandaríkjanna hefur hafnað umleitan Alabama um að fá að taka fanga af lífi með köfnunarefni. Yfirvöldum í ríkinu hafði áður verið hafnað á tveimur lægri dómstigum, með þeim rökum að um væri að ræða brot gegn ákveðum stjórnarskrárinnar gegn grimmilegum og óvenjulegum refsingum.

Erlent
Fréttamynd

Bretar sam­þykkja Wegovy pilluna fyrstir í Evrópu

Yfirvöld í Bretlandi eru þau fyrstu í Evrópu til að samþykkja sölu þyngdarlosunarlyfsins Wegovy í pilluformi. Lyfið er framleitt af danska fyrirtækinu Novo Nordisk en hingað til hafa neytendur þurft að sprauta því í sig.

Erlent
Fréttamynd

Rýmdu hluta Pentagon vegna „loftgæðafráviks“

Hlutar hinnar frægu byggingar sem hýsir varnarmálaráðuneyti Bandaríkjanna, Pentagon, voru rýmdir í dag og starfsmönnum víða sagt að halda kyrru fyrir. Það var gert eftir að öryggiskerfi byggingarinnar greindi það sem kallað hefur verið „loftgæðafrávik“. Engin hætta reyndist á ferðum.

Erlent