Vísir

Litlu hlutirnir - Lilja Birgis #7

Lilja Birgisdóttir er listakona, ljósmyndari og hluti af teyminu í Fischersund. Í þessum þætti af Litlu hlutirnir heimsækjum við Lilju Birgis og ræðum hvernig bernskan, umhverfið og litlu augnablikin í hversdeginum hafa mótað hana sem listakonu. Við tölum um hvaðan innblásturinn kemur, hvernig sköpun getur varðveitt minningar og tilfinningar og hvernig hún finnur fegurðina í því sem oft fer fram hjá okkur. Lilja segir frá því hvernig uppvöxturinn hefur haft áhrif á hennar listrænu sýn og hvernig sú sýn endurspeglast í öllu sem hún skapar í dag – allt frá ljósmyndun til hins einstaka ilmheims Fischersund. Við ræðum einnig hvernig hún þurfti að sleppa óttanum við skoðanir annarra til að geta verið hún sjálf og skapað af heilindum. Það var mikilvægt skref í að finna eigin rödd og verða sá listamaður sem hún er í dag. Einlægt og fallegt spjall um sköpun, innsæi, hugrekki og mikilvægi þess að kunna að meta litlu hlutina sem gefa lífinu merkingu.