Erlent

Fréttir í tímaröð

Fréttamynd

Færir Selenskí eldflaugateikningar

Andy Burnham, nýr forsætisráðherra Bretlands, ferðaðist í morgun til Kænugarðs í Úkraínu. Er það hans fyrsta opinbera heimsókn frá því hann tók við embætti í síðasta mánuði en þangað fór hann með teikningar af breskum og frönskum stýriflaugum sem hann ætlar að afhenda Vólódímír Selenskí, forseta Úkraínu.

Erlent
Fréttamynd

Hinn grunaði í sverðaárásinni í Fagersta í Sví­þjóð nafn­greindur

Hinn átján ára gamli Liam Nebel hefur verið úrskurðaður í gæsluvarðhald en hann er grunaður um morð og tilraun til manndráps eftir að 17 ára stúlka lést og þrír drengir særðust í skólaárás í Fagersta í Svíþjóð. Hann var sjálfur nemandi við skólann þar sem hann gekk berserksgang vopnaður sverði föstudaginn 22. ágúst.

Erlent
Fréttamynd

Heilsu Haralds konungs hrakar

Haraldur Noregskonungur hefur legið inni á spítala í tæplega viku, eða síðan mánudaginn 17. ágúst, þar sem hann hlýtur meðferð vegna blóðsjúkdóms en heilsu hans hrakaði um helgina. Hákon krónprins er ríkisstjóri á meðan hinn 89 ára Haraldur konungur er á sjúkrahúsi.

Erlent
Fréttamynd

Rúm­lega hundrað flug­ferðum af­lýst og langar bið­raðir

Alls hefur 135 flugferðum verið aflýst í Noregi í morgun vegna verkfalls flugumferðarstjóra. Óslóarflugvelli var lokað í um fimm klukkustundir í morgun en hefur verið opnaður að nýju. Ætlast er til þess að lokunin muni hafa veruleg áhrif á flugumferð það sem eftir er af degi og eru sagðar langar biðraðir á vellinum.

Erlent
Fréttamynd

„Þeir báðu um of mikið og buðu of lítið“

Forsætisráðherra Kanada hefur sagt að bylgju bandarískra tolla á landið sé ætlað að „skaða og sundra okkur“, eftir að viðskiptaviðræður fóru út um þúfur á dögunum. Donald Trump Bandaríkjaforseti hefur ítrekað tilkynnt nýja íþyngjandi tolla og nú hefur forsætisráðherrann sagst ætla að jafna bandaríska tolla „dollara fyrir dollara“ frá og með 8. september.

Erlent
Fréttamynd

Skildi sjö ára son sinn eftir á Fuji-fjalli

Faðir sjö ára drengs var áminntur af lögreglu við Fuji-fjall í Japan eftir að hann skildi sjö ára son sinn eftir í tvö þúsund metra hæð á meðan hann hélt sjálfur göngu áfram upp fjallið. Drengurinn beið eftir föður sínum í átta klukkutíma. 

Erlent
Fréttamynd

Tveir hinna látnu lög­reglu­menn

Sjö létust í bílslysi nærri Middlesbrough í Bretlandi í nótt þegar lögreglubíll og Volkswagen Passat-bifreið skullu saman. Tveir hinna látnu voru lögreglumenn.

Erlent
Fréttamynd

TikTok gert að greiða Banda­ríkjunum sögu­lega upp­hæð

Samfélagsmiðillinn TikTok hefur samþykkt að greiða Bandaríkjunum fjögur hundruð milljónir Bandaríkjadala, eða um 49 milljarða íslenskra króna, til að ljúka málsókn en miðillinn var sakaður um að brjóta á friðhelgi barna með upplýsingaöflun. Sáttin er ein sú stærsta sem hefur verið gerð vegna slíks máls.

Erlent
Fréttamynd

Auka fjár­út­lát til varnar­mála um tæpan fimmtung

Ríkisstjórn Taívan lagði í gær fram fjárlagafrumvarp sem felur í sér gífurlega aukningu í útlátum til varnarmála. Aukningin samsvarar átján prósentum á milli ára og verði frumvarpið samþykkt mun eyríkið verja 3,1 prósenti af landsframleiðslu til varnarmála. Til stendur að hækka hlutfallið enn frekar vegna hernaðarógnana frá Kína.

Erlent
Fréttamynd

Getur „D-dagur“ Trumps gegn Íran skilað árangri?

Donald Trump hefur heitið því að beita klerkastjórnina í Íran enn harðari efnahagsaðgerðum og þvinga Írani þannig til uppgjafar, þar sem beinn hernaður virðist ekki ætla að virka. Þá segist forsetinn ætla að einangra Íran með því að beita ríki sem eiga í viðskiptum við klerkastjórnina einnig refsiaðgerðum.

Erlent
Fréttamynd

Leysa upp nýja drónahersveit sem átti að læra af Úkraínumönnum

Forsvarsmenn herafla Bandaríkjanna hafa ákveðið að hætta tilraunum með sérstaka drónahersveit, sem hefur verið staðsett í Evrópu, og reynt að læra af reynslu Úkraínumanna. Hermennirnir eiga að snúa sér aftur að grunngildum sínum sem fótgönguliðar en eiga að miðla reynslu sinni til yfirmanna hersins.

Erlent