Innlent

Fréttir í tímaröð

Fréttamynd

Endur­greiddi eftir að fjöl­miðlar spurðu út í innkaupakortið

Heiða Björg Hilmisdóttir borgarstjóri hefur endurgreitt borginni alls 28 þúsund krónur vegna óheimillar notkunar á innkaupakorti borgarstjóra. Þrjár af fjórum endurgreiðslum greiddi hún eftir að fjölmiðlar sendu fyrirspurnir vegna innkaupakortsins. 23 skriflegar athugasemdir hafa borist vegna notkunar hennar á kortinu, þar á meðal vegna greiðslu fyrir uppfærslu á fyrsta farrými.

Innlent
Fréttamynd

Lög­regla sögð vilja koma höggi á blaða­menn

Kristinn Hrafnsson ritstjóri Wikileaks ritar mikla grein sem hann birtir á Vísi þar sem rekur hann ítarlega mál Páls Steingrímssonar skipsstjóra á hendur Þóru Arnórsdóttur fyrrverandi ritstjóra Kveiks. Hann segir ekki standa stein yfir steini, hvorki í málatilbúnaði Páls skipstjóra, sem hann segir mótsagnakenndan auk þess sem Kristinn fordæmir aðkomu lögreglunnar á Norðurlandi eystra.

Innlent
Fréttamynd

Borgar­stjóri fer í saumana á kortafærslunum

Heiða Björg Hilmisdóttir borgarstjóri hefur notað innkaupakort borgarstjóra á annan máta en forverar hennar í starfi. Dagur B. Eggertsson notaði kortið ekki, Einar Þorsteinsson greiddi fyrir leigubíla og hótelherbergi erlendis en á yfirliti Heiðu Bjargar má sjá færslur frá veitingastöðum á borð við Jómfrúna, leigubílum og kaffihúsum borgarinnar. Heiða Björg segist hafa farið að reglum í einu og öllu varðandi notkun kortsins.

Innlent
Fréttamynd

Versti mögu­legi tíminn fyrir netárás

Canvas, námsumsjónarkerfi í eigu Instructor, lá niðri í gærkvöldi vegna árása ShinyHunters, hóps netþrjóta. Kerfið er notað í fjölmörgum háskólum hér á landi. Háskóli Íslands hvetur nemendur til að ná í allt sem þurfi til að undirbúa sig fyrir lokapróf verði kerfinu lokað aftur.

Innlent
Fréttamynd

Veður­fræðingur spáir fínasta sumri

Veðurfræðingur segir landsmenn eiga von á hlýrra veðri eftir tæpar tvær vikur. Hann sér hagstætt sumar í kortunum og fólk þurfi ekki að óttast sumar á borð við árið 2024 sem margir landsmenn gráta enn.

Innlent
Fréttamynd

Leikskólagjöld fyrir fulla vistun hækkað um allt að 85 prósent

Foreldrar leikskólabarna standa víða frammi fyrir styttri opnunartíma, fleiri lokunardögum, flóknari gjaldskrám og hærri kostnaði fyrir fulla vistun. Þannig hafa leikskólagjöld fyrir fulla vistun, átta til átta og hálfan tíma á dag, víða hækkað verulega á kjörtímabilinu, um allt að 85 prósent.

Innlent
Fréttamynd

Salómonsdómur í deilu um pinnahælaför í parketi

Kæru­nefnd hú­samála hefur gert leigu­sala, sem vildi ráð­stafa tryggingafé til við­gerðar á parketi vegna skemmda eftir pinna­hæla, að endur­greiða fyrr­verandi leigj­endum sínum tæpan helming tryggingarinnar með vöxtum.

Innlent
Fréttamynd

Fjölga stæðum fyrir deili­bíla og raf­hlaupa­hjól í Reykja­vík

Samþykkt var í umhverfis- og skipulagsráði í vikunni að fjölga stæðum fyrir deilibíla og rafhlaupahjól frá stöðvalausum rafhlaupahjólaleigum. Í dag eru níu safnstæði en lagt er til að þeim verði fjölgað í tuttugu til þrjátíu og þau verði annars vegar fyrir rafhlaupahjól og hins vegar fyrir deilibíla.

Innlent
Fréttamynd

Hafa frest til 12. maí til að koma í veg fyrir gagna­leka

Canvas-námsumsjónarkerfið liggur niðri á ný og samkvæmt erlendum miðlum hefur hópur netþrjóta sem kallast ShinyHunters lýst yfir ábyrgð á netárásunum. Nemendur Háskóla Íslands sem voru inni á síðunni þegar hún var tekin niður segjast hafa fengið upp á skjáinn skilaboð frá netþrjótunum. 

Innlent
Fréttamynd

„Ég elska þennan flug­völl“

Flugvöllurinn, flugið og flokkarnir er yfirskrift fundar sem hófst nú síðdegis á Hótel Loftleiðum á vegum Flugmálafélags Íslands. Þar voru fulltrúar allra framboða spurðir um afstöðuna sína til flugvallarins.

Innlent
Fréttamynd

Svona gekk að flytja vindmyllurnar

Fyrstu flutningar á risastórum vindmyllum í nótt um þjóðvegi Suðurlands gengu framar vonum og tók það flutningalestina um fimm klukkustundir að aka farminum frá Þorlákshöfn og upp á hálendið við Sultartanga.

Innlent
Fréttamynd

Babb í bátinn enn eina ferðina

Eldur sem kviknaði í gagnaveri í Amsterdam setur enn eitt strik í reikninginn hjá forsvarsmönnum Herjólfs. Vegna eldsvoðans liggur bókunarkerfið niðri.

Innlent
Fréttamynd

„Við segjum stundum: Víkingur fékk okkur í af­mælis­gjöf“

Borgarráð samþykkti í dag að afhenda íþróttafélaginu Víkingi tíu þúsund fermetra lóð í Fossvogsdalnum sem Gróðrastöðin Mörk leigði af borginni. Eigandi gróðrastöðvarinnar segir sorglegt að gróður og ræktun víki fyrir steypu en er fegin að það verði að minnsta kosti hægt verði að reka hluta stöðvarinnar á svæðinu til ársins 2050.

Innlent
Fréttamynd

„Við erum bara að mót­mæla“

Reykjavíkurborg vill að kofi sem börn hafa byggt í sameiningu við Lynghaga í Reykjavík verði fjarlægður þar sem hann er ekki öryggisvottaður. Börnin eru ekki ánægð og segja nær alla í hverfinu hafa skrifað nafn sitt við undirskriftalista þar sem áætlunum borgarinnar er mótmælt.

Innlent