Georgíumenn leggja niður vopn og bjóða viðræður

Georgíumenn hafa tilkynnt Rússum að þeir hafi hætt bardögum í Suður-Ossetíu og að þeir séu reiðubúnir til þess að hefja tafarlaust friðarviðræður við stjórnvöld í Moskvu. Í bréfi sem afhent var sendiherra Rússa í landinu segir að Mikheil Saakashvili hafi gefið fyrirskipun til hersins þess efnis að leggja þegar í stað niður vopn.

Efnahagslægðin heldur fólki heima hjá sér í sumarfríinu

Ekkert aðildarríkja OECD, Efnahags- og framfarastofnunar Evrópu, mun komast hjá efnahagslægðinni sem nú gengur yfir heiminn. Útlitið næstu sex mánuði er dapurlegt, að því er segir í nýjustu skýrslu stofnunarinnar og það sama gildir um sjö helstu hagkerfi heims. Hagvöxtur í Kína og Brazilíu fer hinsvegar enn vaxandi.

Reykingalitningurinn fundinn

Flestir reykingamenn byrja með fikti - og þeim sem finnst fiktið skemmtilegt eða gott ráða því ekki alltaf sjálfir hvort þeir halda áfram. Eins og oft áður ræðst það af litningamynstri viðkomandi einstaklings, að því er bandarískir vísindamenn hafa upplýst.

Rússar með tögl og hagldir í Suður-Ossetíu

Rússneskar hersveitir hafa náð tökum á Skinvali, höfuðborg Suður-Ossetíu, og her Her Georgíu hefur hörfað frá borginni, að því að hermt er í Tblisi, höfuðborg Georgíu. Georgíumenn segja þetta ekki ósigur heldur nauðsynlega aðgerð til að vernda óbreytta borgara. Rússar hafa safnað skipaflota að ströndum Georgíu og stöðva þannig hugsanlega vopnaflutninga til landsins.

Sextíu hafa farið í flóðum í Víetnam

Rúmlega sextíu manns hafa farist í flóðum og skriðuföllum í Víetnam. Hitabeltisstormar eru algengir í hafinu út af Vietnam á þessum árstíma. Tugum annarra er saknað og fjöldi þorpa í Lao Cai héraði er saknað en það hefur orðið verst úti í hamförunum. Lao Cai er nyrst í Vietnam og liggur að landamærunum við Kína.

Búist við lausn í Zimbabve

Útlit er fyrir að til tíðinda draga í dag í viðræðum um framtíðarstjórn Zimbabwe - og um framtíð Roberts Mugabes forseta. Gert er ráð fyrir að þeir Mugabe og Morgan Tsvangerai, leiðtogi stjórnarandstöðunnar, muni setjast niður augliti til auglitis ásamt forseta Suður-Afríku og reyna að leggja lokahönd á samkomulag sem er í burðarliðnum í viðræðunum.

Er Maddý í Belgíu?

Lögregla rannsakar nú sögur þess efnis að Madeleine McCann hafi sést í Belgíu. Að því er fréttastofa SKY greinir frá á stúlkan, sem hvarf af hótelherbergi í Portúgal í fyrra, að hafa sést í banka í Brussel í fylgd konu sem virtist vera frá Norður Afríku.

Líklegt að sættir náist í Zimbabve á morgun

Líklegt þykir að það dragi til tíðinda í Zimbabve á morgun en búist er við að sættir náist á milli Róberts Mugabe forseta landsins og Morgan Tsvangirai sem bauð sig fram gegn honum á dögunum. Reuters greinir frá því að samningaviðræður þeirra í millum hafi gengið vel og að von sé á yfirlýsingu þess efnis að þeir hyggist stjórna landinu í sameingu. Búist er við því að náist samningar muni Mugabe áfram verða forseti landsins en að Tsvangirai verði útnefndur forsætisráðherra.

Frakkar hvetja Rússa til að fallast á vopnahlé

Frakkar, sem fara með forsæti í Evrópusambandinu þessa stundina, hvetja Rússa til þess að samþykkja vopnahlé sem Georgíumenn hafa boðið í Suður-Ossetíu. Í yfirlýsingu frá forsætisnefnd sambandsins segir að vopnahléstilboði Georgíumanna beri að fagna og að Rússar eigi að taka því þegar í stað.

Vesturveldin reyna að stilla til friðar

Sameiginleg sendinefnd Evrópusambandsins, Bandaríkjanna og NATÓ heldur til Georgíu í kvöld til þess að reyna að stilla til friðar í deilum Rússa og Georgíumanna í Suður-Ossetíu og Abkasíu. Þetta hefur fréttastofa SKY eftir Des Brown, varnarmálaráðherra Breta og segir hann markmiðið að koma á vopnahléi milli stríðandi fylkinga. Georgíumenn hafa lýst yfir stríðsástandi í landinu og segjast þeir hafa brotið á bak aftur árásir í Abkasíu en að bardagar séu enn í gangi við rússneska hermenn í Suður-Ossetíu.

Rússar segja Georgíumenn stunda þjóðarmorð

Erindreki Rússa hjá NATÓ segir að Georgíumenn stundi þjóðernishreinsanir og þjóðarmorð á íbúum Suður-Ossetíu. Hann segir að átökin sem magnast hafa þar síðustu daga sé ekki hægt að kalla neitt annað en Rússneskir hermenn hafa barist við Georgíumenn sem reynt hafa að ná völdum í héraðinu sem lýst hefur yfir sjálfsstæði frá Georgíu. Suður-Ossetar hafa notið stuðnings Rússa í baráttu sinni fyrir sjálfstæði.

Átök einnig hafin í Abkasíu

Átökin í Georgíu virðast nú vera að breiðast út en nýjustu fregnir hermað að herflugvélar hafi gert sprengjuárásir á landamærum Georgíu og Abkasíu. Abkasía er, líkt og Suður-Ossetía, sjálfstjórnarsvæði innan landamæra Georgíu sem lýst hefur yfir sjálfstæði.

Drap mann og kastaði sér í dauðann

Bandaríkjamaður lét lífið þegar kínverskur maður á fimmtugsaldri réðst á hann og tvo aðra í Pekíng í morgun. Árásarmaðurinn svipti sig lífi eftir árásina með því að stökkva út af háhýsi. Ekki er ljóst hvert tilefni árásarinnar var.

Átök magnast í Suður-Ossetíu

Rússneski flugherinn hefur í nótt gert loftárásir á herstöðvar í borginni Gori í Georgíu á meðan georgíski herinn berst við uppreisnarmenn í Suður-Ossetíu. Fjölmargir óbreyttir borgarar hafa fallið. Fréttamenn hafa séð sært fólk flutt í ofboði úr íbúðarbyggingum sem hafa orðið fyrir sprengjum. Sergei Lavrov utanríkisráðherra Rússlands segir að 1500 manns hafi látið lífið.

Öryggisráð SÞ boðað til neyðarfundar

Sendiherrar hjá Sameinuðu þjóðunum hafa óskað eftir nýjum neyðarfundi öryggisráðs stofnunarinnar til þess að fara yfir ástandið í Suður-Ossetíu og reyna að koma í veg fyrir að stríð brjótist út.

John Edwards hélt framhjá bráðveikri eiginkonu sinni

Demókratinn John Edwards, sem fyrr á árinu sóttist eftir að verða forsetaframbjóðandi flokksins, hefur viðurkennt framhjáhald með konu sem hann hitti á krá í New York árið 2006.

Ólympíueldurinn tendraður í Peking

Ólympíueldurinn var nú á fimmta tímanum tendraður á Ólympíuleikvanginum í Peking í Kína en það markar setningu Ólympíuleikanna.

Rússar ráðast á Georgíumenn

Her Rússa er kominn inn í Tskhinvali, höfuðborg Suður-Ossetíu og eru byrjaðir að ráðast á Georgíumenn. Eru þetta fyrstu staðfestu átökin á milli Rússa og Georgíumanna.

Hafa áhyggjur af almennum borgurum í Suður-Ossetíu

Alþjóðlegi Rauði krossinn krefst þess að mannúðarlög séu virt í Suður-Ossetíu og hafa þungar áhyggjur af almennum borgurum á svæðinu. Átök fara harðnandi í Suður-Ossetíu á milli Georgíu og aðskilnaðarsinna og eru hermenn Rússlands á leið inn í héraðið til stuðnings aðskilnaðarsinnum.

Hvetja til stillingar í Suður-Ossetíu

Evrópusambandið, Bandaríkin og Atlantshafsbandalagið hvöttu í dag deilendur í Georgíu og Suður-Ossetíu til þess að leggja strax niður vopn og hefja þess í stað viðræður.

Forseti Georgíu segir Rússa í stríði

Míkhaíl Saakashvílí, forseti Georgíu, sagði í sjónvarpsviðtali í dag að Rússar hefðu hafið stríð gegn Georgíu.

Enn verið að leita í braki

Enn er verið að leita í braki lestar sem skall á hrunda brú í Tékklandi í morgun. Að minnsta kosti sex létust í slysinu en áður var haldið að tíu manns hefðu látist. Um var að ræða EuroCitylest á leið á milli Prag og Kraká.

Opnunarhátíð Ólympíuleikanna hafin

Setningarathöfn Ólympíuleikanna í Peking hófst nú í hádeginu. Þjóðarleiðtogar stórveldanna og önnur fyrirmenni hafa komið sér fyrir í heiðursstúkunum.

Medvedev heitir því að verja samlanda í Suður-Ossetíu

Forseti Rússlands Dmitry Medvedev heitir því að verja samlanda sína sem eru búsettir í Suður-Ossetíu. Átök brutust út þar í nótt á milli Georgíumanna og heimamanna þegar Georgíumenn umkringdu höfuðborg héraðsins Tskhinvali. Medvedev hét einnig að refsa þeim sem bæru ábyrgð á dauða samlanda sína.

Efnahagslægð á Spáni dregur úr fjölda innflytjenda

Versnandi efnahagsaðstæður á Spáni hafa meðal annars leitt til þess að innflytjendum frá Afríku sem reyna að koma til landsins hefur fækkað.

Tíu látnir í lestarslysi í Tékklandi

Að minnsta kosti tíu manns eru látnir og meira en hundrað manns særðir eftir að lest klessti á hrunda brú í Tékklandi í morgun. Eru margir slökkviliðsmenn á staðnum að reyna að hjálpa fórnarlömbum slyssins að komast úr lestinni.

Hörð átök í S- Ossetíu

Georgíumenn hafa umkringt Tskhinvali höfuðstað Suður - Ossetíu. Harðir bardagar hafa geysað þar í alla nótt og er talið að minnst fimmtán manns hafi fallið.

Grunaður um að hafa í hótunum gagnvart Obama

Bandarísk yfirvöld hafa ákært 22 ára gamlan karlmann fyrir að hafa hótað því að myrða Barack Obama forsetaframbjóðanda. Maðurinn heitir Raymond Hunter Geisel. Hann er sagður hafa haft uppi hótanir gagnvart Obama í lok júli og talað niðrandi um kynþátt hans.

Ástralska lögreglan upprætir fíkniefnahring

Ástralska lögreglan segist hafa upprætt alþjólegan fíkniefnasmyglhring og gert upptækt mesta magn af alsælu hingað til. Sextán manns hafa verið handteknir í Ástralíu vegna málsins og er búist við að fleiri verði handteknir í Belgíu, Hollandi og á Ítalíu.

Ólympiuleikarnir settir í dag

Þjóðarleiðtogar víðsvegar úr heiminum streyma nú til Peking til að vera viðstaddir opnunarhátíð Ólympíuleikanna sem fram fer í kvöld. Talið er að um 10 þúsund manns taki þátt í athöfninni og að fjórir milljarðar manna muni horfa á.

Bandarískir karlmenn líklegri til að ættleiða en konur

Bandarískir karlmenn á aldrinum átján til fjörutíu og fjögurra ára eru meira en tvöfalt líklegri til að ættleiða börn en konur á sama aldri. Þetta kemur fram í nýrri skýrslu sem byggð er á gögnum úr rannsókn á fjölskylduþróun sem gerð var í Bandaríkjunum árið 2002.

Herinn áformar að yfirgefa Írak

Írösk og bandarísk stjórnvöld eru nú nálægt því að ná samkomulagi um að bandarískt herlið yfirgefi Írak í október 2010.

Bílstjórinn fékk fimm og hálfs árs fangelsi

Fyrrum bílstjóri Osama Bin Landens var í gær dæmdur í fimm og hálfs árs fangelsi í bandarískum stríðsréttarhöldum í Guantanamo flóa.

Kínverjar ansa lítt gagnrýni frá Bush

Kínversk stjórnvöld segjast ekki sætta sig við að þjóðhöfðingjar annarra landa blandi sér í innanríkismál þeirra. Að öðru leyti hafa þau vart svarað gagnrýni George W. Bush Bandaríkjaforseta á ástandið í mannréttinda­málum þar í landi.

Ökumaður bin Ladens fékk 66 mánaða dóm

Salim Hamdan, ökumaður Osama bin Ladens, var í dag dæmdur í fimm og hálfs árs fangelsi en hann var í gær fundinn sekur um stuðning við hryðjuverk.

Tíu ár frá árásum Al-Kaída á sendiráð Bandaríkjanna í Afríku

Tíu ár eru nú liðin frá annarri stórárás al Kaída á Bandaríkin. Á þriðja hundrað manna fórst þegar tvö sendiráð landsins í Afríku voru sprengd í loft upp.

Hillary hefur ekki útilokað tilnefningu á flokksþingi Demókrata

Hillary Clinton sagði á fundi með stuðningsmönnum sínum í síðustu viku að hún væri enn að vinna að áætlun til þess að hlustað verði á fulltrúa hennar á flokksþingi Demókrata. Hún hefur ekki útilokað að bjóða sig fram til tilnefningar til forseta við hlið Barack Obama.

Kallar eftir einingu í Bólivíu

Forseti Bólivíu, Evo Morales hefur kallað eftir einingu í Bólivíu en spenna eykst í landinu fyrir komandi kosningar á sunnudaginn. Verður kosið um hvort hann og fylkisstjórar hans haldi embætti. Í ræðu sinni í tilefni þjóðhátíðardags Bólivíu gagnrýndi Morales forréttindahópa fyrir að tala fyrir aðgreiningu og vera á móti breytingum.

Harðnandi átök Georgíumanna og Suður-Osseta

Átök á milli georískra hermanna og aðskilnaðarsinna í Suður-Ossetíu fara nú harnandi eftir því sem talsmaður innranríkisráðuneytis Georgíu segir Reuters-fréttastofunni.

Segjast hafa hert leitina að Mladic

Stjórnvöld í Serbíu hafa hert mjög leitina að hershöfðingjanum Ratko Mladic. Hann stjórnaði persónulega fjöldamorðunum í Srebrenica í Bosníustríðinu.

Naktir Þjóðverjar fara fyrir brjóstið á Pólverjum

Allsérstæð deila er komin upp á norðulandamærum Póllands og Þýskalands á baðströndinni Usedom.

Tuttugasti og annar táningurinn drepinn í London

Táningur var skotinn til bana in í matvörubúð í Suður-London kl. 10 í gærkvöldi. Er hann tuttugasti og annar táningurinn til þess að vera drepinn í London á þessu ári. Talið er að fórnalambið hafi verið átján ára en nítján ára drengur hefur verið handtekinn grunaður um morðið.

Musharraf ákærður fyrir embættisbrot

Stjórnarflokkarnir í Pakistan ákváðu á fundi í gærkvöldi að Pervez Musharraf, forseta landsins, fyrir embættisbrot.

Rússar segja Georgíu undirbúa hernaðaraðgerðir

Rússnesk yfirvöld fullyrða að Georgíumenn undibúi nú hernaðaraðgerðir gegn Suður Ossetíu en til bardaga kom á svæðinu í nótt. Suður Ossetía er hérað í Georgíu sem lýst hefur yfir sjálfstæði og eru Rússar sagðir styðja þá ákvörðun. Utanríkisráðherra Rússa sagði í samtali við leiðtoga Suður Osseta í síma í morgun að líta mætti á aðgerðir Georgíumanna í nótt sem undirbúning að frekari stríðsrekstri.

Sprengjuárás í Istanbul

Nokkrum handsprengjum var í morgun varpað á sveitarstjórnaskrifstofu í Istanbul. Vitni sögðust hafa heyrt fjórar sprengingar en aðeins er vitað um einn vegfaranda sem slasaðist í árásinni.