Kjærsgaard útskrifuð

Pia Kjærsgaard, leiðtogi danska þjóðarflokksins, var í nótt útskrifuð af sjúkrahúsi en þangað var hún flutt í skyndi í gær. Pia hafði kvartað undan hausverk í síðustu viku og í gær þurfti hún að víkja af sumarfundi flokks síns rétt áður en hún ávarpaði fundargesti.

Ólympíueldurinn nálgast endastöð

Þrír dagar eru þangað til að Ólympíuleikarnir hefjast í Kína. Þessa seinustu daga munu ríflega 800 einstaklingar bera eldinn um stund. NBA-stjarnan Yao Ming var meðal þeirra sem báru eldinn í dag.

Ekki kom til átaka í valdaráninu í Máretaníu

Fyrrverandi yfirmaður lífvarða forseta Máretaníu hefur rænt völdum í landinu. Herinn lét til skarar skríða eftir að fjórir hershöfðingjar voru reknir úr starfi í gær.

McCain gerir aftur gys að Obama í nýrri auglýsingu

John McCain lætur ekki deigan síga í kosningabaráttunni við Barack Obama um bandaríska forsetastólinn og birti í dag nýja auglýsingu þar sem hann líkir Obama aftur við ofurstjörnur Hollywood. Áður hafði McCain gert auglýsingu sem líkti Obama við Paris Hilton og Britney Spears.

Þúsundir í verkfalli í Suður-Afríku

Þúsundir verkamanna hafa í dag tekið þátt í verkfalli um alla Suður Afríku til þess að mótmæla rísandi eldsneytis- og matarverði og aðgerðaleysi ríkisstjórnarinnar. Stéttarfélagið COSATU sem hefur tvær milljónir meðlima hvatti félagsmenn sína til þess að leggja niður störf í dag. Var tilgangurinn að að senda vinnuveitendum sínum skilaboð en þeir íhuga að minnka laun vegna ástandsins.

Óljós svör Írana valda vonbrigðum

Símafundur verður á eftir á milli leiðtoga sex leiðandi þjóða í heiminum þar sem fjallað verðu um hvernig eigi að bregðast við óljósu svarbréfi Írana við tilboði þeirra um samvinnu. Þykja Íranar hafa verið með undanbrögð með óljósu svari sínu.

Kjærsgaard á sjúkrahúsi

Leiðtogi Danska þjóðarflokksins, Pia Kjærsgaard, er nú í rannsókn á sjúkrahúsinu í Hróarskeldu eftir að hún fann fyrir miklum höfuðverk á á sumarfundi flokksins á Sjálandi í dag.

Bílstjóri bin Ladens dæmdur

Salim Hamdan, bílstjóri Osama bin Ladens, var í dag fundinn sekur af bandarískum herdómsstóli í Guantanamo fangabúðunum. Þetta var í fyrsta sinn sem fullt dómsmál fer fyrir bandarískan herrétt síðan í seinni heimstyrjöldinni.

Mikilvægt skref í landsvæðabaráttu norðurheimskautsins

Vísindamenn við háskólann í Durham í Bretlandi hafa gert kort sem sýnir yfirráð ríkja á norðurheimskautinu og möguleg svæði sem gætu orðið bitbein í framtíðinni. Þetta er í fyrsta sinn sem hannað er svo nákvæmt kort af svæðinu.

Helmingur af prímatategundum jarðar í útrýmingarhættu

Nærrum því helmingur allra prímatategunda eru í útrýmingahættu samkvæmt Alþjóðasamtökunum um verndun náttúru (IUCN). Halda samtökin þessu fram á grundvelli rannsókna hundruða vísindamanna en meira en áratugur er síðan svo viðamikill samantekt hefur verið gert. Hafa stofnar marga tegunda versnað til muna á síðasta áratug.

63 ár frá árásinni á Hiroshima

Japanir minnast þess að fyrsta kjarnorkuárás veraldarsögunnar var gerð á borgina Hiroshima þennan dag árið 1945.

Tvöfalt fleiri górillur til í heiminum en talið var

Á undanförnum árum hafa vísindamenn ákaft varað við útrýmingarhættu fjallagórilla Í Afríku. Nú er þó komið í ljós að ekki var allt sem sýndist.

Herinn tekur völdin af forsetanum í Máritaníu

Valdarán var framið í Afríkuríkinu Máritaníu í morgun þegar herinn handtók forseta landsins, Sidi Mohammed Ould Cheikh Abdallahi, forsætisráðherrann og innanríkisráðherrann.

Móðir Madeleine grátbað lögregluna um upplýsingar

Kate McCann, móðir Madeleine sem hvarf á Portúgal í maí í fyrra, sendi portúgölsku lögreglunni tilfinningaríkt bréf þar sem hún grátbað um að fá að fylgjast með rannsókn málsins.

Mótmæltu fóstureyðingum í Peking

Þrír Bandaríkjamenn voru í morgun handteknir á Torgi hins himneska friðar. Fólkið vildi mótmæla aðgerðum kínverskra stjórnvalda sem miða að því að stemma stigu við fólksfjölgun í landinu en þar mega hjón aðeins eiga eitt barn. Það leiðir til þess að fóstureyðingar eru mjög algengar í landinu. Fólkið sem er kaþólskt og mótmælandatrúar hrópaði ókvæðisorð að stjórnvöldum og sagði konur neyddar í fóstureyðingar til þess að framfylgja lögunum.

Norður Kórea á langt í land

George Bush lofsamaði stjórnvöld í Suður Kóreu í ræðu sem hann hélt í morgun, en sagði að nágrannar þeirra í norðri þurfi að vinna mikið verk áður en hann íhugi að taka Norður Kóreu af listanum yfir öxulveldi hins illa.

Solzhenitsyn jarðaður

Útför rússneska andófsmannsins og rithöfundarins Alexanders Solzhenitsyn fór fram í morgun. Rithöfundurinn lést á Sunnudag, 89 ára gamall og verður hann jarðaður að eigin ósk í Donskoy klaustrinu í Moskvu.

Stálu milljónum kreditkortanúmera

Bandarísk yfirvöld hafa ákært ellefu manns í tengslum við þjófnað á yfir fjörutíu milljón kreditkortanúmerum í stærsta máli af því tagi í sögunni. Um var að ræða alþjóðlegt gengi tölvuglæpamanna sem brutust inn í tölvur bandarískra stórverslana og náðu þannig í upplýsingar um kortanúmer og lykilorð milljóna viðskiptavina. Fólkið seldi upplýsingarnar síðan áfram til annara glæpamanna.

Sleppa föngum í skiptum fyrir lík

Ísraelar slepptu í morgun fimm palestínskum föngum úr haldi. Þetta var gert eftir að samkomulag náðist við Hesbolla samtökin í Líbanon fyrr í vikunni en Ísraelar fá í staðinn lík tveggja ísraelskra hermanna sem féllu í átökunum á Landamærum Ísraels og Líbanon árið 2006.

Bankaránum fjölgar mikið í Svíþjóð

Bankaránum hefur fjölgað mjög í Svíþjóð á þessu ári og ræningjarnir grípa frekar til ofbeldis en áður. Á síðasta ári voru framin eða gerð tilraun til að fremja fjörutíu bankarán í landinu en það sem af er þessu ári hafa ránin og ránstilraunirnar verið sextíu og sex og þó eru næstum fimm mánuðir eftir af árinu. Nú þegar er um sextíu og fimm prósenta aukningu á milli ára að ræða.

Tekinn af lífi í Texas þrátt fyrir mótmæli Alþjóðadómstólsins

Mexíkanskur maður, Jose Medellin, var í nótt tekinn af lífi í ríkisfangelsinu í Texas í Bandaríkjunum. Mál mannsins, sem sakaður var um að myrða og nauðga sextán ára gamalli stúlku, hefur vakið mikla athygli en Hæstiréttur Bandaríkjanna vísaði í nótt áfrýjunarbeiðni hans á bug. Skömmu síðar var hann tekinn af lífi með eitursprautu.

Kyndillinn í Peking

Kyndilberar hlaupa nú síðasta spottann með Ólympíueldinn í gegnum Peking en Ólympíuleikarnir verða settir í borginni á föstudag. Kyndillinn hefur nú ferðast hundrað og fjörutíuþúsund kílómetra og farið um sex heimsálfur á leið sinni en lagt var af stað með logann frá Grikklandi þann tuttugasta og fjórða mars síðastliðinn.

Guantanamo réttarhöld mögulega dæmd ómerk

Fyrstu réttarhöldin í sérstökum bandarískum hérdómsstól í Guantanamo-fangabúðunum gætu verið dæmd ómerk vegna óskýrleika á skilgreiningu á því hvað sé glæpur og hvað sé stríðsglæpur.

Stálgirðingar settar upp við landamæri BNA og Mexíkó

Stálgirðingar hafa verið settar upp á landamærum Bandaríkjanna og Mexíkó vestur við El Paso en girðingarnar eru ný leið til öryggisráðstafa við landamærin.

Saka Frakka um aðild að þjóðarmorðum í Rúanda

Þrjátíu og þrír franskir stjórnmálamenn og yfirmenn í franska hernum studdu og komu að þjóðarmorðunum í Rúanda árið 1994 og það þarf að draga þá til ábyrgðar.

Þýskar lögreglukonur fá „skotheld brjóstahöld“

Þýskar lögreglukonur fá á næstunni það sem þýskir fjölmiðlar kalla skotheld brjóstahöld.

Pakistönsk kona sökuð um tengsl við al-Qaida

Pakistönsk kona hefur verið flutt frá Afganistan til Bandaríkjanna þar sem hún á yfir höfði sér ákæru fyrir að reyna að myrða fulltrúa á vegum Bandaríkjastjórnar.

Bush á leið á Ólympíuleika í Kína

George Bush Bandaríkjaforseti er nú á leið til Kína þar sem hann verður við setningu Ólympíuleikanna á föstudaginn.

Hundruð votta Solzhenitsyn virðingu sína

Hundruð manna hafa í morgun vottað Alexander Solzhenitsyn virðingu sína en lík hans liggur nú á viðhafnarbörum í sal rússnesku vísindaakademíunnar.

Snarpur skjálfti í Sichuan-héraði

Jarðskjálfti upp á sex á Richter skók Sichuan-hérað í suðvesturhluta Kína laust fyrir klukkan tíu í morgun að íslenskum tíma.

Vill ísbirni af lista yfir dýr í útrýmingarhættu

Ríkisstjóri Alaska hyggst höfða mál á hendur bandarísku alríkisstjórninni vegna þeirrar ákvörðunar að setja ísbirni á lista yfir dýr í útrýmingarhættu. Vill ríkisstjórinn að dómstólar ógildi ákvörðunina.

Of feitur til að deyja

Maður einn á dauðadeild í Ohio í Bandaríkjunum hefur tekið til nýstárlegra varna í áfrýjun sinni. Lögfræðingar hans segja að ekki sé hægt að taka hann af lífi vegna þess að hann sé of feitur.

Mbeki þvertekur fyrir að hafa tekið við mútum

Tabo Mbeki, forseti Suður Afríku, þvertekur fyrir að hann hafi þegið mútur frá þýsku vopnaframleiðslufyrirtæki. Ásakanir um mútuþægni forsetans eru settar fram í Suður Afríska blaðinu Sunday Times en blaðið segir að Mbeki hafi greitt forsetanum fyrir að tryggja að sala á þremur kafbátum gengi í gegn. Forsetinn og talsmenn hans segja ekkert hæft í fréttinni og í sama streng tekur þýska fyrirtækið.

Edouard stefnir á Texas

Óveðrið Edouard stefnir nú hraðbyri að Texas ríki í Bandaríkjunum og sækir í sig veðrið með hverri klukkustundinni. Stormurinn færist nú Norð-vestur eftir Mexíkóflóa og er búist við því að hann nái styrk fellibyls um miðjan dag. Íbúar Texas búa sig nú undir að óveðrið gangi á land en um fimm og hálf milljón manna búa á svæðinu þar sem búist er við að stormurinn fari yfir.

Obama vill ganga á varaforðann

Barack Obama, forsetaframbjóðandi í Bandaríkjunum, vill láta veita 70 milljónum olíutunna úr varaforða landsins til þess að stemma stigu við hækkandi olíuverði í heiminum.

Rignir á Dani

Miklar rigningar eru nú í Danmörku en í gær var úrkoman á nokkrum stöðum álíka mikil og venja er í öllum ágústmánuði. Á Norður-Jótlandi var úrkoman um 60 millimetrar í gær og á Skagen var hún 70 millimetrar.

Clinton vill meira fé í baráttuna við HIV

Bill Clinton, fyrrverandi forseti Bandaríkjanna, kallar eftir auknum fjárframlögum í baráttunni við alnæmi í heiminum. Alþjóðleg ráðstefna um sjúkdóminn stendur nú yfir í Mexíkó og þar sagði Clinton að auka þurfi framlög um fimmtíu prósent á næstu tveimur árum til þess að unnt sé að standa straum af lyfjagjöf til þeirra sem smitast hafa.

Lét klóna hundinn sinn

Vísindamenn í Suður Kóreu segjast hafa klónað gæludýr bandarísks manns sem gat ekki hugsað sér að sjá á bak hundinum sínum.

Ellefu létust á K2

Ellefu fjallgöngumenn fórust á næst-hæsta fjalli heimsins, K2, í Pakistan um helgina. Fólkið var á leið niður af fjallinu eftir að hafa náð á toppinn þegar snjófljóð skall á hópnum, en í honum voru tuttugu og fimm manns.

Öryggið tryggt á Ólympíuleikunum

Kínversk yfirvöld reyna nú að fullvissa fólk um að áhorfendur og þáttakendur á ólympíuleikunum sem hefjast eftir nokkra daga séu óhulltir. Aðskilnaðarsinnar í Sínjang héraði eru sakaðir um árás á landamærastöð í gær, en forsvarsmenn leikanna segja að ítrustu öryggiskröfur séu uppfylltar í Peking og því sé gestum engin hætta búin.

Zuma hylltur við réttarhöld

Stuðningsmenn Jacob Zuma, leiðtoga Þjóðarflokksins (ANC) í Suður-Afríku, hafa safnast saman á götum úti í dag, til þess að hylla hann. Zuma mætti fyrir rétt í dag til þess að freista þess að fá ákærur gegn sér felldar niður.

Fritzl líklega ákærður fyrir þrælahald

Hinn austurríski Josef Fritzl, sem hélt dóttur sinni fanginni í kjallara í meira en 24 ár og misnotaði hana kynferðislega gæti átt yfir höfði sér ákæru fyrir þrælahald. Þetta hefur fréttastofa Breska ríkisúvarpsins, BBC, eftir saksóknurum í Austurríki.

Sextán kínverskir lögreglumenn myrtir

Sextán kínverskir lögreglumenn voru myrtir í árás í borginni Kashgar í Zinjiang.

Nóbelsverðlaunahafinn Alexander Solzhenitsyn er fallinn frá

Rússneski rithöfundurinn og Nóbelsverðlaunahafinn Alexander Solzhenitsyn, sem opinberaði fangabúðakerfi Jósefs Stalíns í bókum sínum, lést nærri Moskvu um helgina, 89 ára gamall.

Bretar myrtir í Karíbahafinu

Þrjátíu og eins árs gamall Breti, Ben Mullany, lést á sjúkrahúsi í Bretlandi um helgina af skotsárum sem hann fékk þegar ráðist var á hann og konu hans á eynni Antigua í Karíbahafi í síðustu viku.