Fleiri fréttir

Hillary Clinton útskrifuð af sjúkrahúsi

Hillary Clinton utanríkisráðherra Bandaríkjanna var útskrifuð af sjúkrahúsi í New York í gærkvöldi eftir að hafa farið í skurðaðgerð vegna blóðtappa í heila.

Olíuborpallur strandaði við Alaska

Olíuborpallur í eigu Shell olíufélagsins er strandaður við Kodiak eyju í Alaska. Þrátt fyrir ítrekaðar tilraunir hefur bandarísku strandgæslunni ekki tekist að draga pallinn af strandstað.

Grænlendingar ákveða hvalveiðikvóta ársins

Heimastjórn Grænlands hefur ákveðið hvaða kvótar verða á hvalveiðum Grænlendinga á þessu ári. Ákvörðunin er í andstöðu við Alþjóðahvalveiðiráðið sem hingað til hefur gefið út hvalveiðikvótana fyrir Grænland.

Neil Armstrong sakaður um lygar

Þetta er lítið skref fyrir mann, en risaskref fyrir mannkynið, sagði Neil Armstrong sem var fyrsti maðurinn til að stíga niður fæti á tunglið. Það gerði hann þann 20. júlí 1969. Um er að ræða einhver fleygustu orð 20. aldarinnar. Í ævisögu sinni árið 2005 sagði Neil að honum hefði dottið þessi orð í hug rétt eftir að Appollo 11, flaugin sem flutti hann á tunglið, lenti þar. Nú er Neil Armstrong látinn, en í nýrri heimildarmynd sem BBC sýndi á sunnudag, þverneitar bróðir hans því að Neil hafi dottið þessi orð í hug eftir að hann var lentur á tunglinu. Dean, bróðir hans, segir að honum hafi dottið þessi orð í hug mörgum mánuðum áður en geimflaugin lenti.

Treysta ekki lögreglunni eftir hrottalega nauðgun

Hundruð kvenna í Delhi hafa síðastliðna daga sótt um byssuleyfi. Ástæðan er mikil umfjöllun um hrottalega nauðgun, þar sem sex karlmenn nauðguðu 23 ára gamalli konu og limlestu hana í síðasta mánuði. Breska blaðið Guardian segir að fréttirnar af þessum aukna byssuáhuga sýni hversu óöruggt fólk sé í þessari borg. Skortur á trausti gagnvart lögreglunni sé alger.

Reyna að ná samkomulagi um aðgerðir í efnahagsmálum

Barack Obama, Bandaríkjaforseti, ætlar að freista þess í dag að ná samkomulagi við þingmenn repúblikana um aðgerðir í efnahagsmálum til að koma í veg fyrir víðtækar skattahækkanir og niðurskurð í ríkisútgjöldum.

Clinton með blóðtappa

Utanríkisráðherra Bandaríkjanna, Hillary Clinton, greindist með blóðtappa í gær. Hún hefur því verið lögð á sjúkrahús en hún fékk aðsvif fyrr í mánuðinum og féll niður og fékk heilahristing við höggið samkvæmt frétt BBC.

Fimm fílar urðu fyrir lest

Fimm fílar drápust í skóglendi skammt frá borginni Bubaneshwar í austurhluta Indlands, þegar farþegalest skall á þeim síðastliðinn sunnudag. Forsvarsmenn járnbrautarfélagsins eru sakaðir um að leiða hjá sér viðvaranir um umferð fílanna, en sjálfir segja þeir þær hafa borist of seint. Tugir fíla hafa drepist eftir árekstra við járnbrautarlestir á Indlandi undanfarin ár, en indverski fílastofninn telur um 26.000 skepnur. -hva

Thatcher komin af spítala

Margaret Thatcher, fyrrverandi forsætisráðherra Bretlands, var útskrifuð af spítala á laugardag eftir að æxli við þvagblöðru hennar var fjarlægt. Breskir fjölmiðlar greina frá því að aðgerðin hafi lukkast vel. Heilsu Thatcher, sem er 87 ára, hefur hrakað undanfarinn áratug. Hún hefur lítið verið í sviðsljósinu eftir ítrekuð heilablóðföll sem hún fékk árið 2002. Thatcher var forsætisráðherra Breta á árunum 1979 til 1990.-

Der Spiegel hljóp á sig

Þýska vikublaðið Der Spiegel gerði þau pínlegu mistök að birta minningargrein um George Bush eldri, fyrrverandi Bandaríkjaforseta, þrátt fyrir að hann væri enn á lífi.

Flugritar eru nú rannsakaðir

Flugritar rússnesku flugvélarinnar sem hrapaði í Moskvu á laugardag eru nú rannsakaðir, ásamt eldsneytissýnum úr vélinni. Enn er ekki vitað hvað olli slysinu.

Bjóða þrjú kíló af gulli fyrir dráp

Deild Al-kaída í Jemen hefur lagt fé til höfuðs bandaríska sendiherranum í Sanaa og hermönnum Bandaríkjahers í landinu. Hverjum þeim sem tekst að drepa sendiherrann eða amerískan hermann er lofað tugþúsundum Bandaríkjadala.

Hataði múslima og hindúa

Lögreglan í New York hefur handtekið liðlega þrítuga konu sem grunuð er um að hafa hrint manni í veg fyrir neðanjarðarlest.

Konan jarðsungin í gær

Ung kona sem var fórnarlamb hópnauðgunar í strætisvagni í Delí á dögunum var jarðsungin í gær með líkbrennslu en hún lést á sjúkrahúsi í Singapore, þar sem hlúð hafði verið að sárum hennar.

Farþegaflugvél brotlenti í Moskvu

Farþegaflugvél brotlenti við Vnukovo-flugvöllinn í Moskvu á tólfta tímanum í dag. Tólf manns voru um borð í flugvélinni.

Thatcher óttaðist árás á Gíbraltar

Fjölmörg trúnaðarskjöl úr fórum Margaret Thatcher hafa verið gerð opinber. Þar er meðal annars að finna róttæk áform um niðurskurð velferðarkerfisins. Einnig kemur í ljós að hún taldi hættu á því að Spánverjar hygðust hertaka Gíbraltar.

Þingið fundar um helgina

Bandarísk verðbréf hafa lækkað jafnt og þétt í verði síðustu daga af ótta við að ekki náist samkomulag í fjárlagadeilunni á Bandaríkjaþingi fyrir áramót. Barack Obama kom fyrr heim úr jólafríi sínu en áætlað var og kallaði þingið til funda yfir helgina, í von um lausn á síðustu stundu.

Mest lesnu erlendu fréttir ársins 2012

Mest lesnu erlendu fréttir ársins á Vísi eru af margvíslegum toga. Þó má segja að fréttir af sviplegu fráfalli Whitney Houston hafi vakið mikla athygli, en hún lést í febrúar. Þá vekur athygli að fólk er enn með hugann við Madeleine McCann sem hvarf í Portúgal fyrir tæpum sex árum síðan. Ekkert hefur spurst til hennar en lögreglumenn telja þó líklegt að hún geti verið á lífi.

Schwarzkopf látinn

Fyrrum bandaríski hershöfðinginn Norman Schwarzkopf lést í gær, áttatíu og sjö ára að aldri, en banamein hans er óljóst á þessari stundu.

Var 64 ára þegar Gagarín fór út í geim

Japaninn Jeroemon Kimura, sem hefur verið elsti karlmaður í heimi um nokkurt skeið, er nú orðin elsta manneskja í heiminum, eftir að hin bandaríska Dina Manfredini lést um miðjan mánuðinn, 115 ára að aldri. Kimura er 115 ára og 254 daga gamall.

Spilaði sama leik og blaðamennirnir

Bandarískur bloggari hefur birt heimilisföng og símanúmer helstu starfsmanna dagblaðsins Journal News eftir að gagnvirkt landakort var birt á vef blaðsins þar sem nöfn og heimilisföng allra skammbyssueigenda í New York voru birt.

Var Whitney Houston drepin?

Whitney Houston var drepin af fíkniefnasölum og það eru til upptökur úr öryggismyndavélum sem sanna það. Þetta segir Paul Huebl einkaspæjari sem hefur rannsakað dauða hennar síðustu mánuði.

Bush enn fárveikur

George Bush eldri liggur enn fárveikur á spítala með mikinn hita. Hann var upphaflega lagður inn á spítala þann 7. nóvember síðastliðinn vegna bronchitis en var svo útskrifaður aftur þann 19. nóvember. Þann 23. nóvember var hann svo lagður aftur inn vegna þráláts hósta og hita.

EA vísaði á byssuframleiðendur

Bandaríski tölvuleikjarisinn Electronic Arts (EA) markaðssetti stríðsleikinn Medal of Honor Warfighter í október með því að vísa beint af vefsíðu leiksins á vefsíður byssuframleiðenda.

Ferðin tekur átta tíma í stað 20

Lengsta háhraðalestarleið heims var tekin í notkun í Kína í gær, og er ekið frá höfuðborginni Beijing til viðskiptastórborgarinnar Guangzhou, sem er skammt frá Hong Kong.

Af hverju valdi Time Obama persónu ársins? Hefur breytt landslaginu

Barack Obama vann bandarísku forsetakosningarnar í nóvember og fékk umboð til þess að halda áfram sem forseti næstu fjögur árin. Time valdi hann mann ársins, ekki síst með þeim rökum að hann hafi nú þegar breytt stjórnmálaáhuga í Bandaríkjunum og virkjað samfélagshópa sem áður voru útundan.

Gengur til liðs við uppreisnarmenn

Yfirmaður herlögreglunnar í Sýrlandi er flúinn úr landi og gengin til liðs við uppreisnina gegn Bashar al-Assad, forseta landsins.

Ættleiðingarfrumvarpið samþykkt

Efri deild rússneska þingsins samþykkti samhljóða í morgun umdeilt frumvarp sem felur í sér bann við ættleiðingu rússneskra barna til Bandaríkjanna.

Sjá næstu 50 fréttir

Mest lesið