Berlusconi skilinn - fyrrverandi fær sex milljarða á ári

Silvio Berlusconi, fyrrverandi forsætisráðherra Ítalíu, er formlega skilin við eiginkonu sína til 20 ára, Veronicu Lario. Þau kynntust árið 1980 eftir að hann sá Lario á sviði í leikhúsi í Mílanó.

Eiginkonan fyrrverandi þarf ekki að örvænta þrátt fyrir breytingar á högum, en Berlusconi hefur fallist á að borga henni 36 milljónir evra á ári, eða rúmlega sex milljarða króna.

Berlusconi, sem er líklega þekktastur utan Ítalíu fyrir kynlífshneyksli sín og sjónvarpsveldi, hefur þó fundið ástina á ný. Hann er nefnilega nýtrúlofaður hinni 28 ára gömlu Francescu Pascale.

Berlusconi var svo dæmdur í fjögurra ára fangelsi í Mílanó fyrir skattalagabrot. Hann hefur áfrýjað þeim dómi og sérfræðingar þar í landi telja ólíklegt að forsætisráðherrann fyrrverandi muni nokkurn tímann afplána refsinguna.