Árás gerð á forsetahöllina í Kabúl

Eldflaugaárás var gerð á forsetahöllina í Afganistan í morgun. Enginn slasaðist í árásinni en að minnsta kosti ein eldflaug lenti á forsetahöllinni og önnur á höfuðstöðvum lögreglunnar í Kabúl.

Kim Dae-Jung er látinn

Fyrrverandi forseti Suður Kóreu, Kim Dae-Jung er látinn 85 ára að aldri. Hann var lykilmaður á leið Suður Kóreu til lýðræðis og fékk hann friðarverðlaun Nóbels á sínum tíma fyrir að koma á viðræðum við leiðtoga Norður-Kóreu, Kim Jong Il. Læknar segja að Dae-Jung hafi látist af völdum hjartaslags.

Talsmaður Talíbana handtekinn í Pakistan

Yfirvöld í Pakistan segjast hafa handtekið mann sem talinn er vera helsti talsmaður Talíbana í landinu. Maulvi Omar er sagður hafa verið einn helsti aðstoðarmaður Baitullah Mehsuds sem talið er að hafi látist í sprengjuárás á dögunum. Fjölmiðlar greina frá því að talsmaðurinn hafi verið handtekinn í bíl rétt við afgönsku landamærin í gær.

Óttast um tugi manna

Óttast er um tugi manna eftir að slys varð í stærstu vatnsaflsvirkjun Rússlands í gær. Staðfest var að tíu væru látnir, en allt að 65 að auki var saknað. Fjórtán slasaðir voru fluttir á sjúkrahús.

Átta handteknir fyrir ránið á Actic Sea

Rússar hafa handtekið átta menn fyrir að ræna flutningaskipinu Arctic Sea. Skipið hvarf á Ermarsundi fyrir nærri þremur vikum.

Komust yfir upplýsingar 130 milljóna greiðslukorta

Þrír menn hafa verið ákærðir fyrir að misnota um 130 milljónir greiðslukorta sem notuð voru í verslunum Heartland Payment Systems, 7-Eleven og Hannaford Brothers Co. Samkvæmt saksóknaranum sem fer með málið er þetta stærsta greiðslukortasvindl sögunnar.

Segir nauðsynlegt að yfirbuga Talibana svo 9/11 endurtaki sig ekki

Barack Obama segir nauðsynlegt að yfirbuga Talibana í Afganistan til að koma í veg fyrir álíka hryðjuverk og áttu sér stað þann 11. september 2001.

Andlit Iceland keðjunnar rekið eftir kókaínhneyksli

Vandræðagemsinn Kerry Katona, sem áður var í hljómsveitinni Atomic Kitten, hefur verið rekin sem andlit Iceland verslunarkeðjunnar í Bretlandi eftir kókaínhneyksli.Þetta kemur fram á fréttavef Sky. Iceland keðjan var áður í eigu Baugs en nú eru skilanefndir Landsbankans og Glitnis stærstu hluthafarnir.

Morðið í Óðinsvéum: Sló stelpuna 20 sinnum

Fertugur danskur karlmaður sem er grunaður um að hafa myrt 13 ára gamla dóttur sína í Óðinsvéum í gær hefur verið úrskurðaður í gæsluvarðhald í fjórar vikur. Samkvæmt læknisráði verðiur maðurinn vistaður á geðdeild á gæsluvarðhaldstímanum.

Kanada ásælist Norðurpólinn

Kanadamenn hafa skipulagt viðamiklar heræfingar við Norður heimskautið á næstunni en æfingarnar eru sagðar vera liður í þeirri viðleitni Kanadamanna að minna á sig og tilkall sitt til svæðisins en margir renna nú hýru auga til svæðisins og þeirra auðlinda sem það hefur að geyma.

19 látnir í sprengingu í Ingúsetsíu

Að minnsta kosti nítján eru látnir eftir að sprengja sprakk við höfuðstöðvar lögreglunnar í Ingúsetsíu sem er múslímskt sjálfstjórnarhérað í Rússlandi. Sprengingin varð í Nazran, stærstu borg héraðsins og talið er að hún hafi innihaldið 20 kílógrömm af sprengiefninu TNT.

Kókaíndollarar algengir í Bandaríkjunum

Á níu af hverjum tíu peningaseðlum í umferð í Bandaríkjunum má finna leifar af Kókaíni. Þetta kemur fram í nýrri alþjóðlegri rannsókn þar sem skoðaðir voru seðlar frá þrjátíu borgum í Bandaríkjunum auk þess sem seðlar frá Japan, Canada, Brasilíu og Kína.

Sundmaðurinn í Burma látinn laus

John Yettaw, Bandaríkjamaðurinn sem synti yfir stöðuvatn til þess að heimsækja Búrmíska stjórnarandstöðuleiðtogann Aung San Suu Kyi hefur verið látinn laus.

Þrettán bretar hafa fallið í Afganistan það sem af er ágústmánuði

Yfirmenn breska hersins í Afganistan segja að hermennirnir þar séu staðráðnir í að halda baráttunni Talíbana áfram þrátt fyrir mikil átök og hækkandi dánartölur. Nú hafa 204 breskir hermenn fallið í Afganistan frá því Bretar hófu afskipti af málum þar árið 2002. Þrettán hermenn hafa fallið í ágúst og fjórir um liðna helgi en hermennirnir reyna nú að auka öryggi borgara í landinu til þess að unnt verði að halda kosningar þar síðar í vikunni.

Karzai nýtur mest stuðnings

Hamid Karzai, sitjandi forseti Afganistans, nýtur mests stuðnings forsetaframbjóðenda í skoðanakönnun sem birt var í kvöld en forsetakosningar fara fram landinu næstkomandi laugardag.

Aukið öryggi opnar á möguleika um frekari aðstoð

Árangur Pakistana í að ná til baka lykillandssvæðum af Talibönum gefur þeim frekara svigrúm til viðræðna við Bandaríkjamenn um orku og efnahagsmál. Þetta sagði sérstakur erindreki Bandaríkjastjórnar í heimsókn sinni til Pakistans í dag.

Mannskæð sprengjuárás í Bagdad

Tvær sprengjur sprungu á sama tíma í kvöld við vinsælan veitingastað í hverfi shíta múslima í austurhluta Bagdad, höfuðborg Íraks. Að minnsta kosti sex féllu og á þriðja tug særðust í árásinni.

Enn loga eldar í Kaliforníu

Eldar loga enn í Kaliforníufylki í Bandaríkjunum en vonar standa til að slökkviliðsmenn nái von bráðar tökum á eldum í grennd við borgina Santa Cruz sunnan af San Francisco.

Tuttugu pör létu pússa sig saman á íþróttaleikvangi í Bosníu

Tuttugu múslímsk pör létu pússa sig saman á Zenica leikvanginum í Bosníu í gærkvöld og sögðu skipuleggjendur þetta stærstu sharía gifingaveislu sem haldin hefur verið að múslímskum sið í Evrópu.

Stærsta muffinskaka í heimi

Stærsta muffinskaka í heimi var bökuð í dag en hún vegur hvorki meira né minna en hálft tonn, og rúmlega það. Kakan var bökuð í bakarí í Michigan í Bandaríkjunum en þetta var önnur tilraun til þess að slá heimsmetið.

Ráðist á borgarstjóra

Ofbeldismaður vopnaður málmröri réðist á borgarastjóra Milwaukee í gærkvöldi. Árásin er ekki sögð tengist starfi hans.

Faðir myrti 13 ára gamla dóttur sína

Fertugur danskur karlmaður er í haldi lögreglu grunaður um að hafa myrt 13 ára gamla dóttur sína á heimili þeirra í Óðinsvé í dag. Móðir stúlkunnar hringdi á lögreglu eftir að átök upphófust á heimili fjölskyldunnar. Stúlkan var flutt á sjúkrahús en hún látin áður en þangað var komið.

Smábarn lést eftir fall af hótelsvölum

18 mánaða breskur drengur lést eftir að hann féll af hótelsvölum á ítölsku eyjunni Sardiníu í gær. Drengurinn var í sumarfríi með fjölskyldu sinni á eyjunni og voru foreldar hans að skipta um föt þegar slysið varð. Drengurinn var fluttur á sjúkrahús þar sem hann var úrskurðaður látinn en hann hlaut alvarlega höfuðáverka.

Bjargaði eigin lífi

Ellefu ára bresk stúlka náði á síðustu stundu að bjarga lífi sínu þegar bíll sem hún sat í, féll fram af kletti og ofan í sjó.

200 breskir hermenn hafa fallið í Afganistan frá 2001

Yfir 200 breskir hermenn hafa fallið í Afganistan frá því stríðið hófst þar árið 2001. Nú um helgina létust tveir. Gordon Brown, forsætisráðherra, sagði sumarið hafa verið sérlega erfitt en árangur hefði þó náðst í baráttunni við hryðjuverkamenn og merki um það væru komandi forsetakosningar í Afganistan.

Tvær rússneskar herþotur hröpuðu

Tvær rússneskar herþotur hröpuðu í morgun en undirbúningur fyrir stóra flugsýningu stendur nú yfir í Rússlandi. Flugvélarnar voru hluti af úrvalshópi Rússnesku riddaranna, en þær voru við æfingar þegar þær skullu saman.

Undirbúa starfsmenn skóla undir svínaflensuna

Heilbrigðisstarfsmenn vestanhafs reyna nú hvað þeir geta að undirbúa kennara og aðra starfsmenn skóla undir svínaflensuna. Viðbúið er að þegar skólastarf hefst verði töluverð aukning flensutilfella.

Yfir 40 létust í brúðkaupi

Yfir 40 létust í Kúveit þegar eldur kom upp í tjaldi sem komið hafði verið upp fyrir brúðkaupsveislu í gærkvöldi. Flestir þeirra sem létust voru konur og börn. Tjaldið varð alelda á örskammri stundu en hátt í sextíu slösuðust, margir tróðust undir þegar fólk reyndi að flýja eldinn.

Talibanar hóta kjósendum

Talibanar í Afganistan hótuðu í morgun að skera fingur af kjósendum og ráðast á kjörstaði, en fingrafar er tekið af þeim sem kjósa í Afganistan. Tilgangurinn er að fá Afgana til að sniðganga forsetakosningarnar sem fara fram þar eftir fjóra daga.

Ráðgátan um týnda skipið tekur nýja stefnu

Ráðgátan um Arctic Sea, finnska flutningaskipsins sem hvarf af ratsjá fyrir hálfum mánuði tók nýja stefnu í gær þegar rússnesk siglingarvefsíða tilkynnti að staðsetningartæki skipsins hefði gefið frá sér merki. Samkvæmt upplýsingum vefsíðunnar lítur út fyrir að skipið eða búnaðurinn sé við strendur Frakklands. Ekki er þó vitað hvort staðsetningartækið sé enn um borð í skipinu.

Karzai fordæmir árásirnar

Hamid Karzai, forseti Afganistans, fordæmdir harðlega sjálfsmorðsprengjuárás öfgamanna í gær þegar. Að minnsta kosti níu og rúmlega 100 manns særðust þegar árásarmaðurinn sprengdi sig í loft upp fyrir utan höfuðstöðvar NATO í landinu. Meðal hinna særðu er Hawa Nuristani, þingkona á afganska þinginu.

Frambjóðandi fórnarlamb kynþáttafordóma í Þýskalandi

Zeca Schall, frambjóðandi Kristilegra demókrata í komandi kosningum í Þýskalandi, er hvattur af flokki lýðræðislegra þjóðernissinna, flokks hægra öfgamanna, til að koma sér frá Þýskalandi. Schall er dökkur á hörund en hann fluttist til Þýskalands frá Angóla fyrir 21 ári síðan.

Ætlaði að ráðast á bandaríska sendiráðið

Sjö létust og hátt í 100 særðust í sjálfsmorðsárás Talibana á höfuðstöðvar NATO í Afganistan í morgun. Í dag eru aðeins fimm dagar þar til forsetakosningar fara fram í landinu.

Öflugir vindar hamla slökkvistarfi

Talið er að öflugir vindar muni hamla slökkvistarfi í Kaliforníuríki í Bandaríkjunum, en miklir eldar hafa geisað þar frá því í síðustu viku. Neyðarástandi hefur verið lýst yfir.

Fílar fá gervifætur

Tveir fílar á Tælandi hafa verið svo lánsamir að fá sérhannaða gervifætur. Mosha sem er þriggja ára missti fótinn fyrir rúmum tveimur árum og var fyrsti fílinn í heiminum til að fá gervifót.

Tölvuleikur um svínaflensuna

Það er óhætt að segja að tækifærin leynist víða. Að minnsta kosti sá þýski veirufræðingurinn Albert Osterhaus tækifæri í svínaflensunni. Hann hefur nú búið til tölvuleikinn "The Great Flu" eða flensan mikla.

Reyna að bjarga íbúum úr aurskriðu

Björgunarsveitarmenn freista þess nú að bjarga hátt í tvö þúsund íbúum bæjarins Shiao Lin í Tævan, sem varð illa úti þegar auðskriða féll þar í síðustu viku.

Chavez með Kastró á afmælinu

Hugo Chavez, forseti Venesúela, flaug til Kúbu í vikunni til að eyða tíma með Fidel Kastró, fyrrverandi forseta Kúbu, í tilefni afmæli þess síðarnefnda. Kastró varð 83 ára á fimmtudaginn.

Medvedev vill nýja leiðtoga í Úkraínu

Dmitri Medvedev, forseti Rússlands, segir rússnesk stjórnvöld ekki geta átt eðlileg samskipti við ráðamenn í Úkraínu fyrr en leiðtogaskipti hafi átt sér stað í landinu. Samskipti ríkjanna hafa langt frá því verið góð undanfarin ár eða allt frá því að Victor Yushchenko var kjörinn forseti landsins.

Lausnargjalds krafist fyrir Arctic Sea

Krafist hefur verið lausnargjalds fyrir Arctic Sea, rússneska flutningaskipið sem hvarf af ratsjá í lok júlí. Finnska lögreglan tilkynnti þetta í dag.

Ana nálgast

Flórídabúar undirbúa sig nú fyrir árlegt tímabil hitabeltisstorma en fyrsti fellibylur ársins gæti skollið á á innan við viku. Stormurinn hefur þegar fengið nafnið Ana en svæðið sem líklegt er til að lenda í storminum nær allt frá Kúbu til Suður Karolínu.

19 látnir eftir óeirðir í fangelsi

Að minnsta kosti 19 eru látnir og á þriðja tug eru slasaðir eftir óeirðir í fangelsi norðurhluta Mexíkó í dag. Ekki er vitað hvort að fangaverðir og aðrir starfsmenn fangelsisins séu í hópi hinna látnu. Yfirvöld segja ástæðuna fyrir uppþotinu vera uppgjör milli tveggja klíka í fangelsinu.

40 ár frá Woodstock

Woodstock tónlistarhátíðin er 40 ára í dag. Hátíðarinnar er gjarnan minnst sem þeirri sögulegustu í tónlistarsögunni.

Flutningaskip týnt - aftur

Það þykir ráðgáta ein hvernig 4000 tonna flutningaskip gat horfið í nokkra daga, komið aftur í leitirnar og horfið síðan aftur.

Hvetur Skota til að sleppa ekki hryðjuverkamanni

Hillary Clinton, utanríkisráðherra Bandaríkjanna, hefur hvatt dómsstóla í Skotlandi að sleppa ekki Abdel-baset Ali Mohmed al Megrahi úr haldi. Megrahi er nú í lífstíðarfangelsi fyrir að bera ábyrgð á Lockerbie hryðjuverkinu þar sem 270 létust þegar sprengja sprakk í flugvél frá Pan am yfir bænum Lockerbie í Skotlandi.