Frambjóðandi fórnarlamb kynþáttafordóma í Þýskalandi

Zeca Schall, frambjóðandi Kristilegra demókrata í komandi kosningum í Þýskalandi, er hvattur af flokki lýðræðislegra þjóðernissinna, flokks hægra öfgamanna, til að koma sér frá Þýskalandi. Schall er dökkur á hörund en hann fluttist til Þýskalands frá Angóla fyrir 21 ári síðan.

„Kristilegir demókratar virðast ekki hafa áttað sig á því að þrátt fyrir menntun geta negrar ekki sest að til frambúðar í landinu okkar," segir á vefsíðu lýðræðislegra þjóðernissinna.

Yfirlýsingarnar eru teknar alvarlega og nýtur Schall nú verndar lögreglumanna allan sólarhringinn. Schall undrast mannvonska öfgamanna en viðurkennir að hann óttist um líf sitt.