Innlent

Fannst mjög ógnandi að líf sitt og fjör væri í höndum krakka

Samúel Karl Ólason skrifar
Viktoría, fyrir miðju á myndinni, áður en aðalmeðferð hófst í morgun.
Viktoría, fyrir miðju á myndinni, áður en aðalmeðferð hófst í morgun. Vísir/GVA

„Þú verður að spyrja lögregluna að því. Því ég sé enga ástæðu fyrir því að ég hafi verið handtekin.“ Þetta sagði Viktoría Áskelsdóttir, þegar hún var spurð um hvers vegna hún hefði verið handtekin í Gálgahrauni. Viktoría var ein af níu sem handtekin voru og ákærð fyrir að hafa ekki farið að fyrirmælum lögreglu við mótmæli í Gálgahrauni þann 21. október síðastliðinn. Viktoría segist ekki hafa fengið fyrirmæli frá lögreglu um að fara af svæðinu.

Viktoría segist hafa verið á gangi fyrir utan lokaða svæðið þegar hún hrasaði í brekku og datt inn á svæðið. Í fallinu hafi hún snúið upp á fótinn á sér. Þá hafi lögreglumaður komið að henni og spurt hvort hún gæti stigið í fótinn. Hún hafi svarað því neitandi og þá hafi hún verið handtekin.

„Þeir settu mig á börur og óluðu mig niður. Lögreglumennirnir sem báru mig voru mjög þreyttir og sliguðust með mig. Sumir þeirra voru reiðir,“ sagði Viktoría. „Þess vegna fannst mér mjög ógnandi að allt mitt líf og fjör væri í höndum þessara krakka. Þetta voru allt mjög ungir lögreglumenn.“

Hún sagði að sér hefði ekki verið gefinn tími til að jafna sig í fætinum áður en hún hefðiverið handtekin. Þá sagði hún aðstæður sínar í fangaklefa ekki hafa verið góðar.

„Ég var í afskaplega köldum klefa og rökum. Mér fannst ég vera komin aftur á miðaldir í pyntingaklefa. Ég bað um teppi til að hlýja mér en ég fékk blaut teppi.“

Viktoría taldi lögreglumenn hafa verið allt að þrisvar sinnum fleiri en mótmælendur

Úr Héraðsdómi Reykjaness í morgun. Vísir/GVA

Handtekin fyrr sama dag
„Stundum fannst mér eins og lögreglan væri að nota okkur sem tilraunardýr fyrir einhvers konar óeirðir eða styrjaldir. Mér fannst mér vera kastað á milli þessara sterku lögreglumanna með alvæpni og handjárn.

Dómarinn spurði hvort Viktoría hafi verið handtekin fyrr um daginn. Því játaði Viktoría.

„Ég vil gjarnan að það komi fram að ég var á svæðinu í fimmtán mínútur þegar ég var handtekin í fyrra skiptið,“ sagði Viktoría.

Lögreglumaður sem segist hafa tekið þátt í þónokkrum handtökum bar vitni í málinu. Hann sagði alla hafa fengið marg ítrekuð fyrirmæli um að fara af svæðinu.

Hann minnti að Viktoría hefði hlaupið inn fyrir svæðið og neitað að fara út af svæðinu. Hann sagði Viktoríu hafa talað um að hafa verið meidd og hafi því verið borin í börum. Þegar því var lokið hafi hún þó staðið upp og gengið upp í rútu óstudd.

Hann segir Viktoríu hvorki hafa verið beislaða eða handjárnaða, en hann muni ekki hvort öryggisólar hafi verið á börunum.

Annar lögreglumaður sem kom að handtöku hennar bar einnig vitni, en hann sagði hana hafa farið inn fyrir lokaða svæðið, hún beðin um að fara en því hafi hún neitað. Þá hafi Viktoría fengið bein tilmæli um að færa sig og hafi hún einnig neitað því. Hann sagði Viktoríu hafa neitað að færa sig og hún hafi aldrei talað um að hún væri meidd á fæti. Þegar búið var að flytja hana hafi hún staðið upp og gengið upp í rútu.

„Hún neitaði að ganga og því settum við hana á börur og fluttum hana langa leið yfir hraunið. Menn voru að misstíga sig þarna.“

Rann niður brekkuna og datt inn fyrir bandið
Eydís Lára Fransdóttir bar einnig vitni en hún sagðist hafa orðið vitni að handtöku Viktoríu. Þær hafi gengið með lokaða svæðinu og í brekku hafi hún misstigið sig. Eydís sagði Viktoríu hafa runnið niður brekkuna og dottið inn fyrir bandið. Um leið hafi lögregluþjónar komið að og handtekið hana.

Eydís sagði Viktoríu hafa dottið inn fyrir og að það hafi ekki verið ætlun hennar að fara inn á bannsvæðið. Hún segir að þegar liðið hafi á daginn hafi lögreglan hætt að bjóða fólki möguleika á því að færa sig. Það hafi bara verið handtekið.

Hún segir mótmælendur hafa haldið sig fyrir utan bannsvæðið, en lögregla og starfsmenn verktakans hafi fært borðann um.

Að mati Eydísar var meðferð lögreglu harkaleg gagnvart mótmælendum.


Tengdar fréttir

„Þetta var einfaldlega líkamleg árás“

Gunnsteinn Ólafsson, einn af þeim níu sem hafa verið kærð vegna mótmælanna í Gálgahrauni, segist ekki hafa farið inn á vinnusvæðið, fyrr en eftir að hann hafi verið handtekinn.

Náttúruverndarsamtökin boða til mótmæla

"Náttúruverndarsamtökin á Íslandi mótmæla þessari aðför lögreglu að saklausu fólki sem vildi vernda fallega náttúruperlu og krefjast þess að stjórnvöld láti nú málið niður falla."

Hagsmunir Hraunavina horfnir

Mál Hraunavina og ferna annarra náttúruverndarsamtaka gegn Vegagerðinni vegna framkvæmda við nýjan Álftanesveg í Gálgahrauni, hefur verið vísað frá.

Vilja að saksóknari víki

Verjendur þeirra níu, sem ákærðir eru fyrir framgöngu sína gagnvart lögreglu í mótmælum í Gálgahrauni í október á síðasta ári, óskuðu eftir því í morgun að saksóknarinn í málinu yrði látinn víkja.

Ákærðu í Gálgahraunsmáli neituðu öll sök

Ein þeirra ákærðu er 71 árs gömul kona sem sat í hrauninu með kaffibrúsann sinn af hugsjón. "Maður hlýtur að velta því fyrir sér hver situr á toppnum,“ segir Skúli Bjarnason, lögmaður fjögurra ákærðu.

"Kæran er út í hött"

Sjö konur og tveir karlar hafa verið ákærð fyrir að óhlýðnast fyrirmælum lögreglu í október á síðasta ári, þegar þau neituðu að færa sig úr Gálgahrauni er Vegagerðin hugðist hefja þar framkvæmdir við að leggja nýjan veg. "Kæran er út í hött," segir ein ákærðu.

Hæstiréttur hafnar beiðni Hraunavina

Hæstiréttur hefur staðfest niðurstöðu Héraðsdóms Reykjavíkur um að ekki verði leitað álits EFTA-dómstólsins um hvort náttúruverndarsamtök eigi lögvarinna hagsmuna að gæta í Gálgahrauni.

Það er alvarlegur tónn í mér

María Ellingsen leikkona var að ljúka við leikverk um líf og ástir þriggja kvenna, leikur í nýrri sjónvarpsseríu og berst með Hraunavinum. Hún ætlar að vera í Afríku um áramótin og á Svalbarða um verslunarmannahelgina. Svo er hún móðir.

Vigdís til varnar Gálgahrauni

Boðað hefur verið til styrktartónleikar í Neskirkju til stuðnings baráttu Hraunavina fyrir verndun Gálgahrauns og er Vigdís Finnbogadóttir verndari tónleikanna.

Píratar standa með náttúruvinum

Píratar lýsa yfir fullum stuðningi við þau sjónarmið sem náttúruverndarsinnar hafa haldið fram um að náttúruverndarsamtök og almenningur eigi lögvarða hagsmuni þegar kemur að ákvörðunum um framkvæmdir sem raska náttúru.

Náttúruvinir settir í einangrun

"Ég var í einangrun í upp undir fjórar klukkustundir og var tekinn í yfirheyrslu sem stóð yfir í um hálftíma,“ segir Gunnsteinn Ólafsson, hrauna- og náttúruvinur, sem var handtekinn tvisvar sinnum á meðan á mótmælunum í Gálgahrauni stóð í fyrradag.

Framkvæmdir komnar á fullt í Gálgahrauni

"Flestir mótmælendur sem staddir voru á vinnusvæðinu við Gálgahraun í morgun hafa verið bornir burtu af svæðinu, einhverjir fóru af sjálfsdáðum,“ segir Ragnar Unnarsson, náttúruvinur. Framkvæmdir eru komnar á fullt og jarðýtan komin af stað.

„Sumir handteknir undir eins en öðrum stjakað burt“

Hraunavinir mótmæla aðför að Gálgahrauni og aðför að friðsömum mótmælendum fyrir framan Innanríkisráðnuneytið á morgun klukkan hálfeitt. Mótmælandi segir að lögregla hafi valið úr mótmælendur og handtekið strax.

Ómar Ragnarsson handtekinn

"Ég sat bara þarna og hreyfði mig ekki neitt, en núna er ég í lögreglubíl á leið í steininn,“ segir Ómar Ragnarsson náttúruvinur, sem var handtekinn rétt í þessu þar sem hann var viðstaddur mótmælin í Gálgahrauni.

Harmar að lögreglan standi með lögbrjótum

"Ég var handtekinn fyrir að hlýða ekki fyrirmælum lögreglu og ég er núna í fangaklefa, eða einskonar biðklefa þar sem ég bíð eftir lögreglunni og lögfræðinginum mínum,“ segir Gunnsteinn Ólafsson sem var handtekinn í morgun þar sem hann var við mótmæli í Gálgahrauni.

Á annað hundrað á útkallslista Hraunavina

"Hraunavinir ætla að halda áfram varðstöðu í Gálgahrauni,“ segir Skúli Bjarnason, lögmaður náttúrverndarsamtakanna. Hann segir að Vegagerðin hafi tilkynnt Hraunavinum á fundi að hún myndi hefja framkvæmdir í Gálgahrauni og því hafi menn ákveðið að hafa fólk á vakt í hrauninu.

Hraunavinir kæra til Hæstaréttar

Hraunavinir hafa kært til Hæstaréttar úrskurð Héraðsdóms Reykjavíkur sem hafnaði beiðni sóknaraðila um að leitað skyldi ráðgefandi álits EFTA-dómstólsins vegna framkvæmda í Gálgahrauni.

Nýr Álftanesvegur er ekki sagður bæta umferðaröryggi

Tæknistjóri EuroRAP á Íslandi segir að út frá umferðaröryggissjónarmiðum þurfi ekki að leggja veg um Gálgahraun. Margir aðrir vegir á landinu séu mun hættulegri. Fleiri skora á bæjarstjórn að hætta framkvæmdum.

Ráðherra kallar mótmælendur á fund sinn

Fjöldi náttúru­verndar­samtaka hefur í opnu bréfi óskað eftir neyðarfundi með Hönnu Birnu Kristjánsdóttur innan­ríkisráðherra. Ráðherra boðar til fundar með fulltrúum Vegagerðarinnar, Garðabæjar og Hraunavina fyrir helgi.

Íhuga að slá upp tjaldbúðum í Gálgahrauni

„Það er verið að leggja drög að því að slá upp búðum,“ sagði Ómar Ragnarsson. Hann, ásamt félögum í Hraunavinum, stöðvaði framkvæmdir í Gálgahrauni í gær



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.