Innlent

Gert að rann­saka tvö mál betur en gefa ekkert upp

Embætti Héraðssaksóknara gefur ekkert upp um stöðuna á rannsókn mála tveggja barna á leikskólanum Múlaborg, sem Ríkissaksóknari gerði embættinu að taka til meðferðar á ný. Starfsmaður á leikskólanum hefur verið ákærður fyrir að nauðga einu barni tvívegis.

Innlent

Vilja að lög­reglan finni þann sem skrifaði færsluna

Ingvar Smári Birgisson, lögmaður Péturs Gauts, segir mikilvægt fyrir skjólstæðing sinn að hann fái úr því skorið hvort hann eigi að þurfa að þola aðra eins meðferð og þá að látið sé að liggja að hann sé sekur um einn alvarlegasta glæp sem um getur.

Innlent

Lést í sprengingunni

Karlmaður á fertugsaldri er látinn eftir öfluga sprengingu í húsnæði Fóðurblöndunnar að Korngörðum í Reykjavík í morgun. Tveir aðrir voru fluttir á slysadeild og annar þeirra er alvarlega slasaður. Talið er að um ryksprengingu í tómum tanki hafi verið að ræða. 

Innlent

Hafi orðið ryksprenging í tómum tanki í Fóður­blöndunni

Sprengingin í Fóðurblöndunni í morgun varð í tómum tanki í húsnæði Fóðurblöndunnar. Í yfirlýsingu kemur fram að vinna hafi verið yfirstandandi við einn af þremur tómum tönkum. Í húsinu séu alls 45 tankar. Framkvæmdastjóri telur að um ryksprengingu hafi verið að ræða.

Innlent

Inn­viðir og í­búðir eiga að rísa sam­tímis í Hallahverfi

Vinningstillaga í hugmyndaleit vegna rammaskipulagsgerðar á svæði Halla og nágrennis í Úlfarsárdal var kynnt á kynningarfundi borgarstjórnar um húsnæðismál fyrir hádegi. Formaður starfshóps um innviðafélag segir að íbúðir og innviðir, eins og leikskólar og götur, eigi að byggjast upp á sama tíma.

Innlent

Goðamót í upp­námi og út­lit fyrir sama veður fram á nótt

Um þrjátíu lið geta ekki sótt Goðamótið sem fram fer á Akureyri um helgina vegna óveðurs. Víðtækar veðurviðvaranir eru nú í gildi víðast hvar á landinu og verða til morguns og lokanir á vegum á Vesfjörðum og á Norðurlandi, veðurfræðingur segir útlit fyrir vont veður fram á nótt.

Innlent

Öllu flugi dagsins af­lýst

Icelandair hefur aflýst öllu flugi sem var á áætlun dagsins, bæði innanlandsflugi og millilandaflugi. Öllu flugi annarra flugfélaga til og frá Keflavíkurflugvelli hefur sömuleiðis verið aflýst.

Innlent

Húsið hannað til að gefa eftir í sprengingu

Sá hluti húsnæðis Fóðurblöndunnar að Korngörðum í Reykjavík sem stórt gat myndaðist á í sprengingu í morgun er hannaður til þess að gefa eftir í sprengingu. Tveir þeirra sem slösuðust voru í þeim hluta byggingarinnar. Annar þeirra er alvarlega slasaður. Sá þriðji var fyrir utan húsið þegar viðbragðsaðila bar að garði og gekk sjálfur inn í sjúkrabíl.

Innlent

Sex­tíu flug­ferðum af­lýst vegna veðurs

Vegna veðurs hefur Icelandair aflýst öllum brottförum sínum fyrir hádegi á morgun og öllum komuflugum nema tveimur. Fleiri flugfélög hafa þurft að aflýsa flugferðum en gul viðvörun tekur gildi víða um land. 

Innlent

„Eins og við séum að fara ansi mörg ár aftur í tímann“

Áhrifamáttur samfélagsmiðlastjarna sem ala á kvenhatri og öfgafullri karlmennsku nær til ungmenna hér á landi að sögn verkefnastjóra ofbeldis- og kynheilbrigðismála Barnaheilla. Dæmi séu um að ungir drengir komi öðruvísi fram við kvenkyns starfsfólk í skólum og frístund miðað við karlkyns. 

Innlent

Dómur stað­festur yfir á­rásar­manni Tinnu

Landsréttur hefur staðfest skilorðsbundinn dóm yfir konu á þrítugsaldri sem hafði verið sakfelld fyrir stórfellda líkamsárás og frelsissviptingu gegn starfsmanni á vistheimilinu Vinakoti árið 2022. Varanleg örorka brotaþolans eftir árásina var metin 50 stig af hundraði og varanleg örorka metin 50 prósent.

Innlent

Milljarður í holu­fyllingar og Einar minnti á heila­hristing Patta

Borgarráð samþykkti í dag að heimila umhverfis- og skipulagssviðs borgarinnar að hefja innkaupaferli vegna malbiksframkvæmda fyrir árið 2026. Kostnaðaráætlun hljóðar upp á 1.055 milljónir króna. Einar Þorsteinsson, borgarráðsfulltrúi Framsóknar, bókaði að Framsókn telji að stórauka hefði þurft framlög til malbiksviðgerða og vísaði í því samhengi til viðvarandi heilahristings vegna hola í götum, sem áhrifavaldurinn Patrekur Jaime kvartaði undan á dögunum.

Innlent

Lagt til að bíla­stæðum fjölgi við ný­byggingar

Bílastæðum við nýbyggingar í Reykjavík mun fjölga verði tillaga sem liggur fyrir umhverfis- og skipulagsráði borgarinnar samþykkt. Tillagan snýr að því að rýmka viðmið fyrir íbúðahúsnæði um allt að 0,5 bílastæði á íbúð og var til umræðu á fundi ráðsins í gær.

Innlent

Skráði bólu­efni sem dánar­orsök án sannana

Læknir sem skráði bóluefni við Covid-19 sem dánarorsök fjögurra einstaklinga á hjúkrunarheimilum sagðist ekki hafa neinar sannanir fyrir því þegar hann var spurður út í skráningarnar. Þeim var breytt í kjölfarið.

Innlent

Mest lesið