Innlent

Íhuga að slá upp tjaldbúðum í Gálgahrauni

Valur Grettisson skrifar
Hraunavinir Helgi Pétursson tónlistarmaður, Ómar Ragnarsson og Eiður Svanberg Guðnason, fyrrverandi ráðherra.
Hraunavinir Helgi Pétursson tónlistarmaður, Ómar Ragnarsson og Eiður Svanberg Guðnason, fyrrverandi ráðherra.
„Það er verið að leggja drög að því að slá upp búðum,“ sagði Ómar Ragnarsson. Hann, ásamt félögum í Hraunavinum, stöðvaði framkvæmdir í Gálgahrauni í gær.

Framkvæmdum í hrauninu er mótmælt af náttúruverndarástæðum. Lögreglan kom tvívegis á vettvang, í seinna skiptið var grafa Íslenskra aðalverktaka fjarlægð af vettvangi.

Í yfirlýsingu frá Vegagerðinni kom fram að framkvæmdum yrði ekki slegið á frest vegna dómsmáls sem Hraunavinir hafa höfðað gegn Vegagerðinni.

Gunnsteinn Ólafsson, einn forsvarsmanna Hraunavina, sagði að mótmælin myndu halda áfram í dag og að svæðið hefði verið vaktað í nótt. Ekki er útilokað að hópurinn slái upp tjaldbúðum eins og Ómar nefndi.

„Það er ljóst að tjónið lendir á Vegagerðinni,“ sagði G. Pétur Matthíasson, upplýsingafulltrúi Vegagerðarinnar, spurður um afleiðingar mótmælanna. Óljóst er hvort vinna á svæðinu geti hafist í dag vegna mótmæla.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.