Aldrei fór ég suður í beinni

Tónlistarhátíðin Aldrei fór ég suður hófst í gær. Þeir sem ekki eru staddir á Ísafirði geta fylgt með hátíðinni í gegnum vefsíðuna aldrei.is. „Þetta er kjörið tækifæri fyrir þá sem að komast ekki vestur þetta árið, til að fylgjast með hátíðinni,“ segir Jón Þór Þorleifsson einn af skipuleggjendum hátíðarinnar.

Martraðir IDOLkeppanda - myndband

„Öll fimmtudagskvöld þá dreymir mig martraðir um að ég dett út með hörmulegum hætti," sagði Hrafna Hanna Elísa Herbertsdóttir baksviðs fyrir viku í Smáralindinni eftir að hún söng lagið Sound Of Silence úr The Graduate. Á Facebook síðu Fólks í fréttum má sjá óklippt viðtalið við Hröfnu Hönnu þar sem hún ræðir martraðirnar sem segja til um gengi hennar í Idol stjörnuleit.

Leita að nýjum stjörnumfyrir kvikmyndina Gauragang

"Jú, við ætlum að fara um landið, leita að Ormi og öðrum leikurum í myndina," segir Gunnar Björn Guðmundsson kvikmyndaleikstjóri.

Með örninn hans Reagan til Miami

"Við tókum þessa ákvörðun þegar allt hrundi," segir Einar Þorsteinsson, fréttamaður á RÚV en hann hyggst halda utan í nám í stjórnmálafræði. Einar ætlar þó ekki að fara til Noregs eða Danmerkur eins og margir landar hans heldur kýs frekar sól og sumaryl á Miami. „Unnusta mín, Helga Kristín Auðunsdóttir,er lögfræðingur hjá Stoðum og hún sótti um styrk til framhaldsnáms í lögfræði við háskólann í Miami. Hún fékk hann og ég fylgdi bara á eftir,“ útskýrir Einar sem sjálfur bíður eftir svari frá stjórnmálafræðideild háskólans. „Ég hef engar áhyggjur af, ég held að ég ætti alveg að komast inn.“

Guðlaugur Þór startar páskaeggjaleit

Árleg páskaeggjaleit sjálfstæðismanna í Elliðaárdalnum við gömlu rafstöðina og við grásleppuskúrana á Ægisíðu fer fram í dag. Guðlaugur Þór Þórðarsson, alþingismaður, mun hefja páskaeggjaleitina í Elliðaárdalnum og Birgir Ármannsson, alþingismaður, á Ægisíðunni. Leitin hefst stundvíslega á báðum stöðum klukkan 14.

Syngur um Bubba Morthens

Tónlistarmaðurinn Gunnar Hjálmarsson sendi í gær frá sér nýja plötu, Dr. Gunni inniheldur. Platan er seld sem niðurhal á heimasíðu Doktorsins (this.is/drgunni) auk þess sem 300 árituð og tölusett eintök fást í vel völdum plötubúðum.

Sarah Michelle Gellar á von á barni

Sarah Michelle Gellar og Freddie Prinze Jr. eiga von á fyrsta barni sínu, eftir því sem People magazine greinir frá. Parið ku vera himinlifandi yfir þessu. Þau eru bæði að vinna hörðum höndum að sjónvarpsþáttum.

Pamela Anderson upp að altarinu á ný

Pamela Anderson er á leið í hnapphelduna að nýju. Pamela hefur ekki verið við eina fjölina felld. Þekktust hefur hún verið fyrir samband sitt við trommuleikarann Tommy Lee úr Moetley Crue en nú er það Jamie Padgett sem ætlar að rölta upp að altarinu með Pamelu.

Sister Sledge á Broadway um páskana

Sister Sledge diskódrottningarnar koma fram á tveimur tónleikum á Broadway um páskana. „Ég lofa miklu stuði,“ segir Valþór Ólason á Broadway. Tónleikarnir verða 10. og 11. apríl.

Ragnheiður tekur við af Lay Low

Sýningar á verðlaunaleikritinu Ökutímar hefjast í Borgarleikhúsinu 2. maí næstkomandi en uppsetning verksins fékk afbragðs viðtökur hjá Leikfélagi Akureyrar á síðasta ári. Söngkonurnar Lay Low og Ragnheiður Gröndal munu af þessu tilefni hljóðrita nýja útgáfu lagsins Saman en lagið er eitt fjölmargra sem Lay Low samdi fyrir sýninguna og hampaði Grímunni fyrir.

Tuddi úr Harry Potter tekinn með eiturlyf

Jamie Waylett sem lék einn af andstæðingum Harry Potters úr samnefndum kvikmyndum var handtekinn í gær eftir að fíkniefnalögregla lagði hald á kannbisplöntur á heimili móður hans að andvirði rúmlega 350 þúsund íslenskra króna.

Madonna styrkir fórnarlömbin á Ítalíu

Söngdívan Madonna hefur ákveðið að gefa í söfnun fyrir fórnarlömb jarðskjálftanna á Ítalíu í fyrradag. Ákvörðunina tók söngkonan eftir að bæjarstjóri Pacentro óskaði eftir hjálp, en þar bjuggu afi og amma Madonnu eitt sinn.

Sálin á páskaballi Officera Klúbbsins

Hljómsveitin Sálin hans Jóns míns mun kom fram á dansleik Officera Klúbbsins um páskana. Sætaferðir verða í boði fyrir Sálarballið og fara rútur frá Reykjavík klukkan 23 páskadagskvöld sem lenda í Officera Klúbbnum um miðnætti þega húsið opnar. Rúturnar leggja svo af stað í bæinn skömmu eftir að dansleik líkur.

Upprennandi listakonur sýna á Akureyri

Nú stendur yfir samsýning fimm málara í Listasafninu á Akureyri sem eiga það sameiginlegt að vinna óhlutbundið, en síðustu árin er engu líkara en að abstrakt-expressjónisminn hafi gengið í endurnýjun lífdaga á Íslandi.

Rekinn fyrir að leka Wolverine á netið

Roger Friedman, starfsmanni Fox News, hefur verið vikið úr starfi fyrir að hafa lekið á netið á ókláruðu eintaki hasarmyndarinnar X-Men Origins: Wolverine. Myndin verður frumsýnd í Bandaríkjunum 29. apríl.

Detoxmeðferðarstöð Jónínu Ben á Reykjanesi

Detox ehf., Heilsufélag Reykjanes og Þróunarfélag Keflavíkurflugvallar hafa gert með sér samstarfssamning um uppbyggingu á detoxmeðferðarstöð á Reykjanesi.

Hrollur betri en Youtube

Alexander Kárason hefur stofnað vefsíðuna Hrollur.is. Þangað getur áhugafólk um jaðarsport af ýmsu tagi sent inn myndbönd sem það hefur tekið upp. Hann segist hafa fengið mjög mikil viðbrögð við síðunni.

IDOL: Syngur með lokuð augun - myndband

Í meðfylgjandi myndskeiði útskýrir Árni Þór Ármannsson af hverju hann söng nánast allt James Bond lagið, You Know My Name, með lokuð augun. Árni ræðir meðal annars um stuðningshópinn og sýnir hvernig hann syngur með lokuð augun.

Jan Mayen gefur Veðurguðunum ekkert eftir í hressleika

Hljómsveitin Jan Mayen mun á miðvikudagskvöld koma fram á sínum fyrstu tónleikum á árinu og fara þeir fram á Grand Rokk, en hljómsveitin hefur ekki leikið fyrir almenning síðan á síðustu Airwaves-hátíð. Who Knew og tvær ungar og efnilegar sveitir, Alchemia og On Jupiters Orbit, munu einnig troða upp.

Hasselhoff hættur að daðra og leitar nú að ástinni

Fyrrum Baywatch-stjarnan David Hasselhoff hefur gefist upp á daðri og sukki og leitar nú af hinni einu sönnu ást. Nú þegar hann er hættur að drekka þykir honum grúbbpíur og aðrir kvenkyns aðdáendur sínir einfaldlega leiðinlegir.

Fawcett sögð liggja banaleguna

Bandaríska leikkonan Farrah Fawcett er sögð liggja banaleguna en hún hefur barist við krabbamein í rúmlega þrjú ár. Þetta er fullyrt í People magazine og þar kemur jafnframt fram að hún hafi verið lögð inn á sjúkrahús í Los Angeles á fimmtudaginn í seinustu viku.

Sagði sjampó geta valdið krabbameini hjá börnum

Leikkonan Gwyneth Paltrow hefur verið sökuð af þekktum vísindamanni um „almennt bull og vitleysu“ en hún hélt því fram að sjampó gæti valdið krabbameini hjá börnum.

Spilar í Andy Warhol-safni

Jóhann Jóhannsson er á leiðinni í sína fyrstu tónleikaferð um Bandaríkin í júní undir eigin nafni. Á meðal viðkomustaða er safn listamannsins fræga Andy Warhol í Pittsburgh.

Slakar á eftir Gettu betur

„Ætli maður slaki ekki á í páskafríinu" segir Elías Karl Guðmundsson, en hann og félagar hans úr spurningarliði MR sigruðu lið MH-inga í Gettu betur í gær með 28 stigum gegn 25.

IDOL: Var mjög ósátt við sjálfa mig - myndband

„Já ég satt best að segja veit ekki alveg hvernig ég á að túlka þetta," svaraði Guðrún Lísa Einarsdóttir, keppandi í Idol stjörnuleit þegar Vísir spurði hana baksviðs í Smáralindinni á föstudag, eftir að hún flutti lagið Mamma Mía, hvernig hún túlkaði athugasemd Björns Jörundar þegar hann líkti flutningi hennar við sænskar kjötbollur.

Officera klúbburinn blæs til veislu með Sálinni

Officera klúbburinn á Keflavíkurflugvelli blæs til stórveislu um páskana þegar ein vinsælasta ballhljómsveit landsins,

Jón Gnarr fékk draumahundinn

„Ég hef bara verið með svona draslhunda sem enginn annar vildi, bæði blendinga og hreinræktaða, en það voru vandræðahundar sem stöldruðu stutt við hjá mér. Það var draumurinn að fá góðan hund svo ég lét bara verða af því,“ segir Jón Gnarr, sem fékk hundinn Tobba fyrir mánuði síðan.

Mikill áhugi fyrir Söngkeppni framhaldsskólanna

„Jú, mér finnst ég hafa fengið mun sterkari viðbrögð en ég nokkurn tíma gat ímyndað mér," segir Auður Kolbrá Birgisdóttir menntaskólanemi sem setti upp Facebook síðu til að knýja á um að Söngvakeppni framhaldsskólanna yrði sjónvarpað líkt og fyrri ár. Um 10 þúsund Íslendingar skráðu sig á síðuna.

Tvær keppnir í ár

RÚV er hætt við að hætta við Spurningakeppni fjölmiðlanna. Því verða tvær slíkar keppnir í ár. „Þetta er magnað og auðvitað eru þetta viðbrögð við keppninni okkar. Mér finnst álíka trúlegt að þau hafi ákveðið þetta með jafn skömmum fyrirvara og raun ber vitni og að allir auðmennirnir hafi ekki heyrt um eyjuna Tortola, “ segir Logi Bergmann Eiðsson.

Listrænn Kári fagnar sextugu með ljósmyndasýningu

Kári Stefánsson, forstjóri Íslenskrar erfðargreiningar, stendur á tímamótum á mánudaginn en þá verður hann sextugur. Í stað þess að bjóða til hefðbundinnar afmælis­veislu með hnallþórum, afmælissöngvum og ræðuhöldum ætlar Kári í tilefni dagsins að opna ljósmyndasýningu í kjallara Norræna hússins á sunnudaginn. Það er við hæfi enda höfuðstöðvar Decode í næsta nágrenni. Sýningin verður síðan opin almenningin mánudag til miðvikudags.

Stöð 2 bjargar Söngkeppni framhaldsskólanna

„Við höfum fylgst með þessum gríðarlega áhuga sem er á þessari keppni almennt og þegar ljóst var að RÚV myndi ekki hopa með sína ákvörðun var bara ákveðið að slá til enda er þetta vinsælt sjónvarpsefni,“ segir Pálmi Guðmundsson, sjónvarpsstjóri Stöðvar 2.

Áhorfendur á IDOLINU - myndir

Frábær stemning var á Idol stjörnuleit í Smáralindinni í gærkvöldi eins og meðfylgjandi myndir sýna. Gylfi Þór Sigurðsson var sendur heim en hann söng lagið Try A Little Tenderness sem er best þekkt í flutningi The Commitments. Sylvía Rún Guðnýjardóttir og Árni Þór Ármannsson sluppu með skrekkinn.

Skálað í True North

„Við fögnum þessum áfanga og nú erum við búnir að ná augum alheimsins,“ segir Leifur B. Dagfinnsson, framleiðandi hjá True North. Alþingi samþykkti á fimmtudag frumvarp Össurar Skarphéðinssonar um að hækka endurgreiðsluprósentu til kvikmyndagerðar um sex prósent, úr fjórtán upp í tuttugu.

Seyðfirðingar í Sony-auglýsingu

„Okkur hefur verið vel tekið af bæjarbúum og það eru allir hérna boðnir og búnir að gera allt fyrir okkur þótt við séum í raun að taka bæinn yfir,“ segir Hjörtur Grétarsson hjá True North um alþjóðlega Sony-auglýsingu sem fyrirtækið tekur nú upp á Seyðisfirði. Alls verða gerðar fimm auglýsingar fyrir hátalara og heyrnartól Sony sem verða sýndar úti um allan heim.

Taugarnar lykilatriði í kvöld

Í kvöld eigast MH og MR við í spurningakeppni framhaldsskólanna. Taugarnar verða þandar þegar menntskælingarnir úr höfuðborginni eigast við í beinni útsendingu úr sjónvarpssal Ríkissjónvarpsins í Efstaleiti.

Undirbúa sumarið

Hljómsveitirnar Skakkamanage og Létt á bárunni halda partí í tjaldinu við Klapparstíg 38 við veitingastaðinn Basil & Lime í kvöld. Þetta verða fyrstu tónleikar Létt á bárunni sunnan heiða en sveitin er skipuð Svavari Pétri Eysteinssyni og Berglind Häsler sem eru bæði í Skakkamanage. Plötusnúðarnir Pasta & Basta koma einnig fram. „Við ætlum að búa fólk undir komu sumarsins og útilegu- og tjaldstemninguna,“ segir Svavar Pétur. „Þarna verður dansað fram eftir nóttu.“ Stuðið hefst klukkan 22 og stendur til 1. - fb

Úrslitin ráðast í kvöld

Ellefu hljómsveitir taka þátt í úrslitakvöldi Músíktilrauna sem verður haldið í Listasafni Reykjavíkur í kvöld. Undankvöldin fóru fram í Íslensku óperunni og mættu óvenju margar góðar hljómsveitir til leiks í ár.

Gylfi Þór sendur heim

Gylfi Þór Sigurðsson var sendur heim úr Idolinu í kvöld. Gylfi, Sylvía Rún Guðnýjardóttir og Árni Þór Ármannsson lentu í þremur neðstu sætunum en Sylví og Árni sluppu með skrekkinn að þessu sinni.

Rússnesk yngismær leitar af íslenskum rúgbý spilara

Rússnesk yngismær að nafni Júlía leitar af íslenskum rúgbý spilara sem hún hitti í Búlgaríu á seinasta ári. Júlía leitar af manninum með aðstoð vinsæls sjónvarpsþáttar á hinni ríkisreknu Stöð 1 í Rússlandi. Þátturinn gengur út á að finna ættingja og vini rússneskra sjónvarpsáhorfenda um allan heim.

Björn Jörundur er fínn kall

„Björn sagði að ég hafi verið fölsk allt lagið," svarar Sylvía Rún Guðnýjardóttir aðspurð út í dómana sem hún fékk síðasta föstudag í Idol Stjörnuleit. „Já já hann er finn kall. Greyið!" svarar Sylvía aðspurð hvort henni líkar við Björn Jörund.

IDOL: Hrafnista í uppáhaldi - myndband

„Mér finnst það bara svo rosalega skemmtilegt. Mér finnst gaman að tónlist og finnst skemmtilegt að vera á sviði," svarar Anna Hlín aðspurð um öryggið sem hún býr yfir. Anna Hlín verslar höfuðklútana og grifflurnar sem hún klæddist síðasta föstudag í Smáralindinni.

Samkynhneigðir boltastrákar í kvöldsiglingu

Keppendur á alþjóðlegu páskamóti Stráka­félagsins Styrmis í fótbolta ætla saman í kvöldsiglingu næsta fimmtudag með hvalaskoðunarbátnum Eldingu. Tilgangurinn er að gefa samkynhneigðum þátttakendum tækifæri til að kynnast betur.

Pops í hörkustuði

Hljómsveitin Pops ætlar halda uppi hörku stemningu á Kringlukránni í kvöld og annað kvöld í tilefni af tuttugu ára afmæli staðarins. Pops er lifandi goðsögn frá sjöunda áratugnum með ofurstjörnur innanborðs, sjálfa Keflavíkurbítlana Gunnar Þórðarson og Magnús Kjartansson. Pops spilaði síðast um áramótin og sást þá að hljómsveitarmeðlimir hafa engu gleymt.

Wolverine lekið á netið

Bandaríska alríkislögreglan, FBI, rannsakar nú netleka á ókláruðu eintaki hasarmyndarinnar X-Men Origins: Wolverine. Myndin verður frumsýnd eftir mánuð og því eru framleiðendur hennar sérlega ósáttir við lekann, sem búið er að skrúfa fyrir.

Keðjan er lifandi

Neðan úr kössunum standa tveir grannir fætur og höfuð. Lára Stefánsdóttir, dansari og danshöfundur, er að vinna að verki ásamt ungum dönsurum sem lítur ekki dagsins ljós fyrr en í sumar. Þá verður verkið lagt saman við verk frá fimm öðrum Norður­löndum á fertugustu listdanshátíðinni í Kupio, sem er virtasta og stærsta danshátíð á Norðurlöndum.