Sarah Michelle Gellar á von á barni

Sarah Michelle Gellar og Freddie Prinze Jr. eiga von á fyrsta barni sínu, eftir því sem People magazine greinir frá. Parið ku vera himinlifandi yfir þessu. Þau eru bæði að vinna hörðum höndum að sjónvarpsþáttum.

Sarah Michelle Gellar er best þekkt fyrir myndina „Buffy the Vampire slayer" en Freddy Prinze Jr. lék meðal annars í myndinni „She´s All That". Þau hittust við gerð myndarinnar „I Know What You Did Last Summer" sem var gerð árið 1997. Þau giftu sig árið 2002.