Syngur um Bubba Morthens

Tónlistarmaðurinn Gunnar Hjálmarsson sendi í gær frá sér nýja plötu, Dr. Gunni inniheldur. Platan er seld sem niðurhal á heimasíðu Doktorsins (this.is/drgunni) auk þess sem 300 árituð og tölusett eintök fást í vel völdum plötubúðum.

Það heyrir til tíðinda að Dr. Gunni láti til sín taka á tónlistarsviðinu. Hann hefur undanfarið fyrst og fremst látið að sér kveða sem neytendafrömuður. Hann er fyrst spurður hvort allir textarnir séu um kreppu og okur. ¿Það er fullt af kreppu og geðveiki, en líka fjallamennska og já, jafnvel smá okur. Svo er þarna fallegt lag sem heitir Bubbi Morthens. Það er af plötu sem ég gekk einu sinni með í maganum og átti að innihalda eingöngu lög um íslenska poppara. Ég var líka búinn að semja Pétur Kristjánsson og Birgittu Haukdal, en Bubbi Morthens er það fyrsta sem kemur út af þessu stöffi.¿

Hvernig músík er þetta, ertu alveg kominn út í poppið?

¿Þetta er gríðarlega fjölbreytt efni vil ég meina. Allt frá snargeðveiku pönki í kántrí, þaðan í popp, ballöður og iðnaðarrokk. Ég tók eiginlega Hvíta albúm Bítlanna til fyrirmyndar, allt er leyfilegt og skítur gefinn í ¿heildarmynd¿. Eina heildarmyndin er mín fallega söngrödd.¿

Á ekkert að fara að hætta í þessum bransa? Er allt í lagi að vera poppari þegar maður nálgast fimmtugt?

¿Halló, Rolling Stones? Svo er ég bara ekkert að ¿nálgast fimmtugt¿ ¿ bara 43 ára! Þótt það sé alltaf jafn gaman að semja lög og taka þau upp verð ég þó að játa að það verður sífellt erfiðara að nenna að standa í svona aukadrasli eins og að spila á tónleikum. Mig langar yfirleitt miklu frekar til að vera heima að horfa á sjónvarpið en að hanga yfir einhverjum tónleikum. Það verður þó spilað eitthvað á næstunni enda er platan full af hressum lögum sem verður örugglega gaman að spila ¿læf¿.¿ hdm@frettabladid.is