Krefst fundar í viðskiptanefnd vegna afskrifta hjá Högum

Eygló Harðardóttir, þingmaður Framsóknarflokksins, hefur farið fram á að viðskiptanefnd Alþingis komi saman vegna frétta um afskriftir af skuldum eigenda Haga við Kaupþing.

Evrópulánið tryggir orku í fyrsta áfanga Helguvíkur

Ákvörðun Evrópska fjárfestingabankans, að gefa grænt ljós á þrjátíu milljarða króna lán til Orkuveitu Reykjavíkur, þýðir að Orkuveitan getur tryggt nægilegt rafmagn til fyrsta áfanga álvers Norðuráls í Helguvík. Stjórnarformaður Orkuveitunnar segir lánskjörin ásættanleg.

Hlín: Ráðning þjóðleikhússtjóra var leikrit

Einn umsækjenda um stöðu þjóðleikhússtjóra gagnrýnir ráðningarferlið harðlega og segir það sýndarmennsku frá upphafi til enda. Hún segir að aldrei hafi annað staðið til en að ráða niðurskurðarmeistara í starfið og íhugar að kæra ráðningarferlið til umboðsmanns Alþingis.

Sýkingin í síldinni alvarlegri en í fyrra

Sýking í íslensku sumargotssíldinni, sem fundist hefur í Breiðafirði, er alvarlegri en í fyrra og mælir Hafrannsóknastofnunin með veiðibanni. Þetta er mikið áfall fyrir síldveiðiflotann og vinnslufyrirtæki í landi og ljóst að þjóðarbúið verður af milljarðaverðmætum.

Skýrsla sendinefndar AGS ekki birt á áður tilkynntum tíma

Skýrsla sendinefndar AGS á Íslandi sem átti að birtast á heimasíðu Alþjóðagjaldeyrissjóðsins í hádeginu í dag gerði það ekki. Heimila átti birtingu skýrslunnar klukkan tvö í dag og áttu blaðamenn að fá hana fyrirfram til þess að geta kynnt sér efni hennar, en í skýrslunni er meðal annars lagt mat á skuldaþol íslenska ríkisins verði ríkisábyrgð heimiluð á Icesave-samningana.

Icesave afgreitt í næstu viku

Talið er nánast öruggt að Icesave frumvarp ríkisstjórnarinnar hafi meirihluta á Alþingi. Málið verður væntanlega afgreitt lög frá Alþingi í lok næstu viku.

Fjörutíu íbúðir boðnar til sölu á nauðungaruppboðum

Um fjörutíu íbúðir einstaklinga verða boðnar til sölu á nauðungaruppboðum á næstu dögum á suðvesturhorni landsins á meðan frumvarp um framlengdan frest á nauðungarsölum liggur óafgreitt á þingi.

Vatnsleki í Firðinum

Slökkvilið höfuðborgarsvæðisins var kallað út um áttaleytið í morgun vegna vatnsleka í verslunarmiðstöðinni Firðinum í Hafnarfirði. Dæla í kjallara hússins hafði bilað og lak talsvert magn vatns um kjallarann. Dælubíll slökkviliðsins var enn á staðnum á ellefta tímanum.

Íslenskur fíkniefnasmyglari tekinn í Argentínu

Íslendingur á sextugsaldri situr nú í fangelsi í Argentínu, en hann var handtekinn með fimm kíló af kókaíni á flugvellinum í Buenos Aires.

Silvio lætur ekki hrekja sig úr embætti

Silvio Berlusconi forsætisráðherra Ítalíu segir að hann muni sitja áfram í embætti jafnvel þótt hann hljóti dóm í málaferlum sem nú standa yfir gegn honum.

Alþingi kemur saman eftir kjördæmaviku

Alþingi kemur saman í dag eftir vikulangt hlé vegna svokallaðrar kjördæmaviku. Fjárlaganefnd kom saman til að ræða fjárlagafrumvarpið fyrir árið 2010 og frumvarp til fjáraukalaga fyrir árið 2009. Þá munu fleiri nefndir funda í dag. Þingfundur mun síðan hefjast með fyrirspurnartíma klukkan þrjú.

Afhenda þingmönnum athugasemdir

InDefence hópurinn hyggst afhenda þingmönnum síðar í dag ítarlegar athugasemdir við Icesave viðaukasamninginn. Þá hefur hópurinn boðað til blaðamannafundar síðdegis þar sem athugasemdirnar verða kynntar.

Ásta fundar með forseta Evrópuþingsins

Ásta Ragnheiður Jóhannesdóttir, forseti Alþingis, mun eiga fund með Jerzy Buzek, forseta Evrópuþingsins, í Brussel á miðvikudaginn. Þau munu ræða samskipti þinganna í aðildarumsóknarferli Íslands að Evrópusambandinu.

Polanski býður himinháa tryggingu

Lögfræðingur Romans Polanski segir að hann muni í dag bjóðast til að leggja fram himinháa tryggingu fyrir því að verða látinn laus úr svissnesku fangelsi.

Bjóða sambýliskonu Larssons fé

Kaflaskil hafa orðið í deilu fyrrverandi sambýliskonu Stieg Larssons og bróður hans og föður um arf hans. Þau hafa deilt um auð Larssons en tekjur af bókum hans og kvikmyndaréttum af þeim sem nema hundruðum milljóna íslenskra króna.

Sextíu ár frá því fyrstu umferðarljósin voru tekin í notkun

Í dag eru liðin 60 ár frá því fyrstu umferðarljósin tekin í notkun á Íslandi en þau voru staðsett á gatnamótum Austurstrætis og Pósthússtrætis. Í beinu framhaldi komu svo ljós á þrenn önnur gatnamót í miðbæ Reykjavíkur, við Lækjartorg og á Laugavegi við Ingólfsstræti og Skólavörðustíg, að fram kemur í tilkynningu frá Reykjavíkurborg.

Metfjöldi framseldur til Bandaríkjanna

Aldrei hafa fleiri afbrotamenn verið framseldir frá Mexíkó til Bandaríkjanna en á þessu ári.

Fyrsta geimhótelið opnar 2012

Spænskt fyrirtæki stefnir á að opna fyrsta geimhótelið árið 2012. Það heitir Galactic Suite Space Resort og nóttin kostar milljón evrur, litlar 184 milljónir króna.

Óvíst með kosningar í Afganistan

Óljóst er á þessari stundu hvort fyrirhugaðar forsetakosningar sem halda átti í Afganistan næsta laugardag verði haldnar. Um aðra umferð var að ræða þar sem talið var að stuðningsmenn sitjandi forseta, Hamids Karzai hefðu beitt brögðum í fyrri umferðinni þegar hann fékk meirihluta atkvæða. Því var ákveðið að kjósa upp á nýtt á milli Karzais og helsta keppinautar hans Abdullah Abdullah.

Sprenging í Rawalpindi

Óttast er að 25 manns hafi látist í pakistönsku borginni Rawalpindi í morgun þegar sprengja sprakk inni á svæði sem stjórnað er af pakistanska hernum.

Nytjaleyfi Tortímandans boðið upp

Nytjaleyfi fyrir kvikmyndunum um tortímandann, sem Arnold Schwarzenegger túlkaði lengst af á tjaldinu, verður boðið upp og selt hæstbjóðanda núna í nóvember.

Meintur flóttamannabátur fórst við Ástralíu

Óttast er að á þriðja tug manna hafi farist með báti sem sökk norðvestur af Ástralíu í gær. Sautján manns var bjargað upp í skip sem kom aðvífandi eftir að neyðarkall hafði borist frá bátnum en 25 er enn saknað.

Stéttarfélag Konunglega póstsins kærir

Búist er við því að breskur dómstóll taki í dag eða á morgun fyrir kæru stéttarfélags póstmanna Konunglega póstsins sem eru í verkfalli.

Forseti Afganistans einn í framboði

Seinni umferð forsetakosninga mun fara fram í Afganistan um næstu helgi þrátt fyrir að forsetinn, Hamid Karzai, sé einn í framboði. Keppinautur hans, Abdullah Abdullah, dró framboð sitt formlega til baka í gær.

Fjármögnun virkjana Orkuveitunnar á lokastigi

Evrópski fjárfestingarbankinn hefur samþykkt að lána Orkuveitu Reykjavíkur 30 milljarða króna. Samkvæmt heimildum Fréttablaðsins barst samningur þess efnis til fyrirtækisins á föstudag, þar sem skilyrði bankans fyrir lánveitingu eru tíunduð. Það er fyrirtækisins að ákveða hvort það samþykkir þau skilyrði og þar með lánið. Verði það gert verður skrifað undir í vikunni, samkvæmt heimildum blaðsins.

Borgarafundur í Iðnó í kvöld

Hagsmunasamtök heimilanna efna til borgarafundar í Iðnó klukkan átta í kvöld. Yfirskrift fundarins er: Aðgerðir stjórnvalda, bjargráð eða bjarnargreiði? Framsöguerindi flytja þeir Árni Páll Árnason félagsmálaráðherra, Marinó G. Njálsson, stjórnarmaður í samtökunum, Jóhann G. Jóhannsson og Theódór Norðkvist. Að loknum framsögum verða pallborðsumræður með þátttöku þingmanna úr öllum flokkum, auk framsögumanna. Öllum ráðherrum og þingmönnum hefur verið sérstaklega boðið á fundinn, en fundarstjóri verður Vilhjálmur Árnason.- kóp

Engar upplýsingar um sparnað vegna opins hugbúnaðar

Ríkið hefur ekki heildarupplýsingar um kostnað stofnana hins opinbera vegna leigu á leyfum á séreignahugbúnaði. Ekki liggja því fyrir upplýsingar um hugsanlegan sparnað ríkisins af innleiðingu opins hugbúnaðar.

Flensan gæti enn átt eftir að versna

Aldrei hafa fleiri sjúklingar legið á Landspítalnum með svínaflensu. Þar liggja nú 45 sjúklingar með flesuna, þar af ellefu á gjörgæsludeild. Björn Zoëga, forstjóri Landspítalans, segir að hann eigi von á því að í vikunni komi í ljós hvort flensan eigi enn eftir að versna eða hvort nú muni loks fara draga úr henni. Svo gæti farið að um 100 manns til viðbótar þyrftu að leggjast inn. Þar með gætu sjúklingar á gjörgæsludeild orðið allt að þrjátíu talsins en að jafnaði hefur fólk, þungt haldið af svínaflensu, þurft að dvelja þar í þrjá til fjórar vikur. Spítalann segir hann þó geta annað slíku álagi.

Bronsstytta af Bill Clinton

Bill Clinton, fyrrverandi forseti Bandaríkjanna, var í gær viðstaddur þegar afhjúpuð var þriggja og hálfs metra há stytta af honum í miðborg Pristína, höfuðborg Kosovo.

Telur verðfall á fiskmörkuðum kalla á rannsókn

Örn Pálsson, framkvæmdastjóri Landssambands smábátaeigenda, segir að leita þurfi skýringa á því hvers vegna verð á fiskmörkuðum hér á landi og útflutningsverð þróaðist ekki í takt við gengisfall krónunnar framan af ári.

Leita læknis eftir neyslu orkudrykkja

Töluvert er um að fólk leiti sér læknisaðstoðar eftir að hafa drukkið svokallaða orkudrykki. Þetta segir Ófeigur T. Þorgeirsson, yfirlæknir á slysa- og bráðasviði. Hann segir nauðsynlegt að fólk lesi innihaldslýsingar og virði ráðlagðan hámarksskammt. „Þetta eru mjög varasamir drykkir í of miklu og of hröðu magni,“ segir Ófeigur um orkudrykki almennt.

„Við erum rosalega bjartsýn og vongóð“

„Þetta er örugglega létt geggjun. En við erum rosalega bjartsýn og vongóð,“ segir Telma Birgisdóttir, einn eigenda Tekk ehf., sem hefur tekið við rekstri Habitat.

Hálf milljón gefin í fótabað

Eignarhaldsfélagið Brunabótafélag Íslands hefur styrkt Hveragerðisbæ um fimm hundruð þúsund krónur til að gera fótabað. „Verkefnið er hluti af endurbótum og uppbyggingu svæðisins með það að markmiði að auka aðsókn ferðamanna á Hverasvæðið," segir um málið í fundargerð mannvirkjanefndar Hveragerðis. „Hverasvæðið er eitt af fáum svæðum þar sem hægt er að sjá fjölbreytta nýtingu jarðhita á Íslandi með ræktun í gróðurhúsum, fótabaði í hveravatni, borholum, suðu á eggjum, rúgbrauðsbakstur auk goshvera, leirhvera og hveralækja."- gar

Mafíósar handteknir í Napolí

Ítalía Lögreglan í Napólí á Ítalíu handtók í gær tvo mafíósa degi eftir að bróðir þeirra var handtekinn en sá hafði verið á flótta í fimmtán ár.

Vill breyta turni í hótel

Þyrping hefur sótt um leyfi til að fá að breyta einum íbúðaturni í Skuggahverfi í hótel. Það mundi rúma allt að 160 herbergi. Þetta kom fram í fréttum RÚV í gær.

Bresk kona lést eftir skriðufall á Tenerife

57 ára gömul Bresk kona er talin hafa látist vegna skriðufalls í fríi sínu á Tenerife í dag. Heimildir Sky fréttastofunnar herma að konan og 34 ára gamall íbúi eyjunnar hafi látist þegar 40 metra langt brot úr kletti féll á litla strönd á Playa de los Gigantes þar sem fólkið var í sólbaði.

Sjaldan veldur einn þá tveir deila

Vegna fréttar sem birtist á Vísi í gærkvöldi um slagsmál í Keiluhöllinni vill fyrirtækið taka nokkur atriði fram, þar sem ekki hafi verið greint rétt frá í fréttinni. Málið snýst um átök sem brutust út seint á föstudagskvöldið milli tveggja hópa sem voru á brautum hlið við hlið.

Afhjúpaði styttu af sjálfum sér

Bill Clinton fyrrverandi Bandatríkjaforseti kom til Pristina, höfuðborgar Kosovo, í opinbera heimsókn í dag og afhjúpaði styttu af sjálfum sér.

Evrópusambandið berst gegn fátækt árið 2010

Evrópusambanslöndin eru þau ríkustu í heimi. Þrátt fyrir þá staðreynd eiga 17 prósent íbúanna ekki fyrir brýnustu nauðsynjum. Evrópusambandið helgar árið 2010 baráttunni gegn fátækt.

Skemmtiferðaskipið fór undir brúna

Það munaði litlu að illa færi þegar stærsta skemmtiferðaskip í heims sigldi undir Stórabeltibrúna í gærkvöldi. Skipið er sjö metrum of hátt til að fara undir brúna, en það rétt slapp eftir að skorsteinar þess voru lækkaðir.

Aldrei fleiri á spítala með svínaflensu

Aldrei hafa fleiri sjúklingar legið á Landspítalnum með svínaflensu en 45 sjúklingar liggja þar nú, þar af ellefu á gjörgæslu. Undanfarna daga hafa borist fréttir af því að flensan sé í rénun en í dag var tekin ákvörðun um að hafa spítalann áfram á svokölluðu virkjunarstigi.

TF-Líf sótti slasaðann ökumann

TF-Líf þyrla Landhelgisgæslunnar var beðin um að sækja slasaðan ökumann sem hafði velt bíl sínum á Holtavörðuheiði í dag. Sjúkrabíll bað um aðstoð þyrlunnar í gegnum neyðarlínuna klukkan 13:52 og var hún farin í loftið tuttugu mínútum síðar.

Hvers vegna verndar íslenska ríkið ekki borgara sína?

Hannes Hólmsteinn Gissurarson prófessor í stjórnmálafræði ræðir um flókinn málarekstur Jóns Ólafssonar í Bretlandi, en Hannes segist hafa verið eitt fórnarlambið í því máli. Tilefni skrifanna er úttekt Sunday Times í morgun sem birtir fréttaskýringu um málið. Hannes rekur málið sem snýst í grunninn um ummæli Hannesar í garð Jóns. Hann spyr síðan að lokum hversvegna kostnaður við meiðyrðarmál í Bretlandi sé óbærilegur fyrir aðra en auðmenn og hversvegna íslenska ríkið verndi ekki borgara sína gegn því einkennilega réttarfari sem ríki í landinu.

Var virkur á stefnumótasíðum

Daninn Bjarne Østergaard Madsen sem var handtekinn á föstudag í Árósum fyrir morð á kærustu sinni, Lisbet Nielsen, hengdi sig í fangaklefa í gær. Hans aðal áhugamál voru konur og stefnumót. Þetta kemur fram í Extrabladet í dag.

Sómalskir sjóræningjar gætu verið að fjármagna hryðjuverkasamtök

Háttsettur ráðgjafi hjá Nato í sjóræningjastarfsemi gagnrýnir bresk stjórnvöld fyrir að rannsaka ekki nægilega hvort greiðslur í lausnarfé til sómalskra sjóræningja fari í fjármögnun hryðjuverkasamtaka, líkt og al-Qaida.