Hitað upp fyrir mánudagsleikinn í Guttagarði

Sextándu umferð ensku úrvalsdeildarinnar í knattspyrnu lýkur í kvöld með viðureign Everton og QPR í Guttagarði í Liverpool. Leikurinn hefst klukkan 20.00 og verður að sjálfsögðu í beinni útsendingu á Stöð 2 Sport 2.

Everton tapaði, 1-0, gegn Englandsmeisturum Manchester City í síðustu umferð þar sem Yaya Toure skoraði eina markið úr umdeildri vítaspyrnu. QPR vann aftur á móti sterkan sigur á nýliðum Burnley og er í 18. sætinu fyrir leikinn í kvöld.

Everton verður án Gareths Barry sem fékk sitt fimmta gula spjald í tapinu gegn City, en QPR getur ekki teflt fram markahróknum Charlie Austin sem fékk að líta rauða spjaldið gegn Burnley.

Í spilaranum hér að ofan má sjá stutta upphitun fyrir leikinn frá ensku úrvalsdeildinni og hér að neðan má sjá nokkrar af fréttum helgarinnar úr enska boltanum.