Enn lengist rúm­lega aldar bið Breta eftir krullugulli

Bretar eru heimsmeistarar í krullu karla og gerðu sér vonir um að binda endi á 102 ára langa bið eftir Ólympíugulli í greininni.

Það gerðist þó ekki og aðra Vetrarólympíuleikana í röð varð breska krullulandsliðið að gera sér silfur að góðu.

Bretland tapaði fyrir Svíþjóð í úrslitaleiknum á Vetrarólympíuleikunum í Peking 2022 og að þessu sinni töpuðu Bretar fyrir Kanadamönnum, 9-6. 

Bretland vann gull þegar fyrst var keppt í krullu á Vetrarólympíuleikunum í Chamonix í Frakklandi 1924. Ekki var aftur keppt í krullu fyrr en í Nagano í Japan 1998.

Síðan þá hafa Kanadamenn unnið fern gullverðlaun og Norðmenn, Bandaríkjamenn og Svíar ein hver.