Enska knattspyrnusambandið kærir Silva sem gæti fengið sex leikja bann
Enska knattspyrnusambandið hefur kært Bernardo Silva, leikmann Manchester City, fyrir færslu sína á Twitter um samherja sinn, Benjamin Mendy. Silva gæti átt yfir höfði sér sex leikja bann.
Í færslunni umdeildu birti Silva mynd af Mendy frá því hann var barn og mynd af súkkulaði-fígúrunni Conguitos.
Silva hefur verið sakaður um kynþáttaníð í garð Mendys.
Pep Guardiola, knattspyrnustjóri City, hefur staðið þétt við bakið á Silva og segir af og frá að hann hafi meint neitt illt með færslunni.
Silva hefur frest fram til 9. október til að svara kæru enska knattspyrnusambandsins.
Tengdar fréttir
Sjáðu mörkin er Bayern niðurlægði Tottenham, vandræði Real Madrid og sigurmark Sterling
Sjáðu öll mörkin úr Meistaradeildinni í gærkvöldi.
Sterling sá um Dinamo Zagreb
Innkoma Raheem Sterling sá um Dinamo Zagreb þegar Englandsmeistararnir í Manchester City mættu króatíska liðinu í Meistaradeild Evrópu í kvöld.
Guardiola segir að Silva sé ekki rasisti: „Þetta er teiknimynd og andlitin eru svipuð“
Knattspyrnustjóri Manchester City stendur þétt við bakið á Bernardo Silva sem er sakaður um að hafa beitt samherja sinn, Benjamin Mendy, kynþáttafordómum.
Bernardo Silva gerði grín að Benjamin Mendy á Twitter en gæti verið í vandræðum
Færsla á Twitter gæti sent Bernardo Silva í leikbann.
