Enski boltinn

Suarez mætir sterkari til leiks

Eiríkur Stefán Ásgeirsson skrifar
Nordic Photos / Getty Images
Brendan Rodgers, stjóri Liverpool, hefur fulla trú á því að Luis Suarez muni mæta sterkari til leiks en áður þegar hann klárar tíu leikja bannið sitt.

Suarez beit Branislav Ivanovic, leikmann Chelsea, í leik liðanna um síðustu helgi og var dæmdur í tíu leikja bann fyrir. Hann áfrýjaði ekki niðurstöðu aganefndarinnar en Liverpool-menn eru engu að síður afar ósáttir með hana.

„Við getum ekki leynt því að við urðum fyrir miklum vonbriðgum með þetta en við verðum að halda áfram og styðja ákvörðun Luis,“ sagði Rodgers í samtali við enska fjölmiðla.

„Hans verður saknað í lok þessa tímabils og byrjun þess næsta en við fáum nú tækifæri til að taka á móti betri persónu og betri leikmanni þegar hann snýr aftur.“

Enski boltinn

Tengdar fréttir

Refsing Suarez of þung

Brendan Rodgers, stjóri Liverpool, segir að tíu leikja bann sé allt of þung refsing fyrir Luis Suarez.

Suarez þarf á hjálp að halda

Jamie Carragher, leikmaður Liverpool og liðsfélagi Luis Suarez, segir að sá síðarnefndi þurfi fyrst og fremst á hjálp að halda.

Skil vel ef Suarez vill hætta

Brendan Rodgers, stjóri Liverpool, segir að hann myndi hafa fullan skilning á því ef Luis Suarez myndi vilja yfirgefa enska boltann nú í sumar.

Suarez dæmdur í tíu leikja bann

Framherji Liverpool, Luis Suarez, var í dag dæmdur í tíu leikja bann fyrir að bíta Branislav Ivanovic, varnarmann Chelsea, í leik liðanna um síðustu helgi.

Suarez farinn í sumarfrí

Tíu leikja bann Luis Suarez stendur. Hann ákvað að sleppa því að áfrýja. Aganefndin segir að Suarez átti sig ekki á alvarleika brotsins sem hann framdi.

Suarez biðst afsökunar á bitinu

Luis Suarez, framherji Liverpool hefur beðist afsökunar á því að hafa bitið Branislav Ivanovic, varnarmann Chelsea, í dag.

Óafsakanleg hegðun hjá Suarez

Luis Suarez, leikmaður Liverpool, beit Branislav Ivanovic, varnarmann Chelsea, í höndina í 2-2 jafntefli Liverpool og Chelsea í ensku úrvalsdeildinni í dag.

Suarez áfrýjaði ekki banninu

Luis Suarez mun taka út tíu leikja bann fyrir að bíta Branislav Ivanovic, leikmann Chelsea, en enska knattspyrnusambandið staðfesti í dag að Suarez hefði ekki áfrýjað leikbanni sínu.

Ayre: Suarez verður áfram

Ian Ayre, framkvæmdarstjóri Liverpool, segir að þrátt fyrir atvik gærdagsins muni Luis Suarez verða áfram í herbúðum félagsins.

Myndband: Suarez beit frá sér

Luis Suarez var í aðalhlutverki í 2-2 jafntefli Liverpool og Chelsea. Suarez skoraði mark, lagði upp mark, fékk dæmt á sig víti auk þess sem hann beit Branislav Ivanovic, leikmann Chelsea, í höndina.

Tyson styður Suarez

"Hann beit einhvern. Svona lagað gerist,“ sagði hnefaleikakappinn Mike Tyson um umtalað atvik sem kom upp í enska boltanum um helgina.

Liverpool sektaði Suarez

Luis Suarez, leikmaður Liverpool, hefur staðfest að hann hafi fengið sekt frá félaginu fyrir að bíta Branislav Ivanovic, leikmann Chelsea. Sektarupphæðin er ótilgreind.

Mest lesið


Fleiri fréttir

Sjá meira


×

Mest lesið