Suarez segir að þriggja leikja bann sé næg refsing

Luis Suarez, leikmaður Liverpool, ætlar ekki að mótmæla kæru enska knattspyrnusambandsins en hann var kærður fyrir að bíta Branislav Ivanovic, leikmann Chelsea.

Suarez er þó á því að hann eigi ekki að fá meira en þriggja leikja bann fyrir bitið.

Úrúgvæinn hefur beðist afsökunar á hegðun sinni og hringdi í Ivanovic til þess að biðjast afsökunar.

Liverpool hefur sektað leikmanninn um upphæð sem ekki var gefin upp. Félagið ætlar ekki að gefast upp á honum.

Þetta er í annað sinn sem Suarez er kærður fyrir að bíta andstæðing. Hann gerði það einnig í Hollandi á sínum tíma og þá var hann dæmdur í sjö leikja bann.