Nýr meirihluti skopmynd af ríkisstjórn Davíðs og Halldórs

Svandís Svavarsdóttir, oddviti Vinstri - grænna í borgarstjórn, sagði nýjan meirihluta Sjálfstæðisflokks og Framsóknar í borginni skopmynd af ríkisstjórn Davíðs Oddssonar og Halldórs Ásgrímssonar og að hér væri á ferðinni meirihluti sem myndaður hefði verið eftir höfði Þorsteins Pálssonar, fyrrverandi formanns Sjálfstæðisflokksins og ritstjóra Fréttablaðsins.

Gísli Marteinn fær laun fyrir störf varaforseta

Borgarstjórn kaus Gísla Martein Baldursson í sæti annars varaforseta borgarstjórnar við upphaf borgarstjórnarfundar í morgun.

Ólafur sakar sjálfstæðismenn um vélráð, lygar og svik

Ólafur F. Magnússon réðst að Sjálfstæðisflokknum í kveðjuræðu sinni sem borgarstjóri á borgarstjórnarfundi í morgun þar sem nýr meirihluti sjálfstæðismanna og framsóknarmanna tekur við.

Á sjötta tug umsækjenda um forstjóra Keflavíkurflugvallar

Fimmtíu og fjórir sóttu um starf forstjóra Keflavíkurflugvallar ohf. Jón Gunnarsson, formaður stjórnar félagsins, segir að ekki verði gefið upp hverjir sóttu um enda sé slíkt ekki skylt eins og ef um ríkisstofnun væri að ræða.

Sara Dögg komin á Stuðla

„Ég er guðslifandi fegin að hún er komin í öruggar hendur," segir Helen Halldórsdóttir. Hún auglýsti á mánudag í fjölmiðlum eftir Söru Dögg, fimmtán ára dóttur sinni sem þá hafði verið saknað frá því á föstudag.

Gestir safnast í og við Ráðhúsið - Jakob þandi nikkuna

Fólk er þegar farið að safnast saman á áhorfendapöllunum í Ráðhúsi Reykjavíkur en eftir þrjá stundarfjórðunga hefst borgarstjórnarfundur þar sem Hanna Birna Kristjánsdóttir tekur við sem nýr borgarstjóri Reykvíkinga. Óskar Bergsson kom fyrir stundu í Ráðhúsið og hitti þar fyrir stuðningsmenn sína.

Kaupmáttur rýrnar áfram - nú um vel á fimmta prósent

Kaupmáttur í landinu hefur rýrnað um fjögur og hálft prósent síðastliðna tólf mánuði ef tekið er mið af þróun launavísitölu og verðbólgu.

Slökktu eld í bílhræi

Slökkviliðið hefur slökkt eld sem logaði í bíl við Sæbraut nærri Sundagörðum fyrr í morgun.

Unnið að rannsókn í Hellisheiðarvirkjun

Ekkert liggur enn fyrir um orsakir banaslyssins í Hellisheiðarvirkjun í gærkvöldi, þar sem tveir rúmenskir starfsmenn undirverktaka létust þegar þeir voru við vinnu inni í stóru vatnsröri. Starfsmenn Vinnueftirlitsins og lögreglumenn unnu að rannsókn fram á nótt, en lík Rúmenanna voru flutt til Reykjavíkur þar sem þau verða væntanlega krufin.

Líklegt að fuglar hafi orsakað hreyfilbilun í Icelandairþotu

Flest bendir til þess að tveir fuglar hafi valdið því að annar hreyfill þotu Icelandair missti afl skömmu eftir flugtak frá Keflavíkurflugvelli fyrir um mánuði, og henni var lent aftur í skyndingu.

Jarðskjálfti á Suðurlandi

Jarðskjálfti upp á tvo komma fimm varð á Suðurlandi um kvöldmatarleytið í gærkvöldi. Upptök hans voru um þrjá kílómetra norðaustur af Hveragerði og fanst hann vel í bænum og víðar í Ölfusi. Nokkrir eftirskjálftar fylgdu og eru þetta eftirskjálftar eftir Suðurlandsskjálftann í vor, að sögn jarðvísindamanna Veðurstofunnar.

Innbrotsþjófar gómaðir

Lögreglan á höfuðborgarsvæðinu handtók í nótt þrjá unga karlmenn, grunaða um innbort í tvo skóla í borginni í nótt. Þeir voru handteknir í tengslum við innbrot í annan skólann og bíða nú yfirheyrslu. Þá voru þrír aðrir ölvaðir menn handteknir, grunaðir um sitthvað misjafnt og ein kona var handtekin vegna aðildar að innbroti. Alls gistu tíu manns fangaklefa lögreglunnar í nótt, sem er óvenju mikið í miðri viku.

Ráðist á leigubílstjóra í nótt

Leigubílstjóri var barinn og rændur í efri byggðum Reykjavíkur í nótt, en hann meiddist ekki alvarlega. Þegar hann hafði ekið konu á áfangastað hennar, sagðist hún ekki eiga fyrir farinu og bað bílstjórann að koma út með sér að sækja peninga.

Geir veldur Valgerði vonbrigðum

Valgerður Sverrisdóttir, varaformaður Framsóknarflokksins, gerir viðtal Markaðarins í dag við Geir H. Haarde forsætisráðherra að umfjöllunarefni í nýjum pistli á heimasíðu sinni.

Banaslys í Hellisheiðarvirkjun - Tveir látnir

Lögregla og sjúkralið frá Selfossi og Reykjavík voru kölluð að Hellisheiðarvirkjun upp úr kl. 19:00 í kvöld vegna alvarlegs vinnuslyss. Lögreglumenn eru ennþá við vinnu á vettvangi en tveir erlendir starfsmenn verktakafyrirtækis létust í slysinu.

Vongóður þrátt fyrir að 200 starfsmenn vanti

Kjartan Magnússon, borgarfulltrúi Sjálfstæðisflokksins og formaður ÍTR, er vongóður um að það takist að ráða starfsmenn á frístundaheimili Reykjavíkurborgar. Enn vantar 200 starfsmenn á frístundarheimilin sem taka til starfa í næstu viku þegar skólar hefjast.

Guðjón Arnar verður að svara fyrir Ólaf

Formaður Frjálslynda flokksins verður að gera afdráttarlaust grein fyrir því hvort að Ólafur F. Magnússon muni leiða flokkinn í næstu borgarstjórnarkosningum líkt og Ólafur heldur fram, að sögn Jóns Magnússonar þingmanns flokksins.

Aðgangur Rúv að auglýsingamarkaði takmarkaður

Til stendur að takmarka aðgang Ríkisútvarpsins að auglýsingamarkaðnum. Menntamálaráðherra vonast til að geta kynnt ríkisstjórninni hugmyndir þess efnis í vetur.

Umsóknum um lán fjölgar hjá LÍN

Umsóknum um námslán hjá LÍN hefur fjölgað verulega miðað við sama tíma í fyrra. Fjórðungi fleiri umsóknir hafa borist vegna náms í Háskóla íslands.

Búið að skoða þriðjung húsa vegna jarðskjálfta

Viðlagatrygging hefur lokið við að skoða um þriðjung af tvö þúsund og tvö hundruð húseignum sem tilkynnt var um tjón á vegna jarðskjálftanna á Suðurlandi í lok maí og hefur greitt út 1,4 milljarða í bætur. Um þrjátíu húseignir hafa verið dæmdar ónýtar, þar af fjórtán á Selfossi.

,,Ótrúlegt að það skuli vera fólk á lífi"

Rögnvaldur Hólmar Jónsson, flugvirki sem starfar sem verktaki fyrir Icelandair, var á flugvellinum í Madríd þegar flugvél Spainair brotlenti þar í dag. Hann segir að það sé ótrúlegt að einhver skuli vera álífi eftir slysið.

Tvö hundruð starfsmenn vantar á frístundaheimili borgarinnar

Enn vantar 200 starfsmenn á frístundarheimili Reykjavíkurborgar sem taka til starfa í næstu viku þegar skólar hefjast.

Á brattann að sækja fyrir Ísland

Norðmenn ætla að leggja allan sinn þunga að baki framboði Íslands til Öryggisráðs Sameinuðu þjóðanna nú á lokasprettinum. Aðstoðarutanríkisráðherra Noregs segir á brattann að sækja, en er vongóður.

Alvarlegt slys í Hellisheiðarvirkjun

Alvarlegt slys varð í Hellisheiðarvirkjun fyrir stundu. Allt tiltækt lið lögreglu- og sjúkramanna á Selfossi var sent á staðinn ásamt liðsauka úr Reykjavík. Ekki er vitað hversu margir eru slasaðir en nokkrir munu vera alvarlega slasaðir og þar af einn lífshættulega. Jarðskjálfti að stærðinni 2,5 varð klukkan rúmlega hálf sjö í kvöld á svæðinu. Ekki er vitað hvort að sjálftin tengist sslysinu. Nánari upplýsingar fengust ekki að svo stöddu.

Jarðskjálfti norðaustan við Hvergerði

Í kvöld klukkan 18:38 varð jarðskjálfti að stærð 2,5 með upptök um 3 kílómetra norðaustan við Hveragerði. Þetta kemur fram í tilkynningu frá Veðurstofu Íslands.

Stólahrókeringar við Ráðhús til þess að mótmæla nýjum meirihluta

Ungliðahreyfingar Samfylkingarinnar og Vinstri - gærnna hyggjast bjóða upp á stólahrókeringar við Ráðhúsið í fyrramálið klukkan hálftíu, áður en aukaborgarstjórnarfundur, þar sem nýr meirihluti tekur við, hefst.

Þrír slösuðust í árekstri í Grímsnesi

Þrír voru fluttir á slysadeild Landspítalans eftir árekstur jeppa og fólksbíls við Borg í Grímsnesi.

Kona datt í Breiðholti

Kona á fimmtugsaldri datt illa í Breiðholti eftir hádegi í gær og var óttast að hún hefði fótbrotnað en henni var snarlega komið undir læknishendur. Um kvöldmatarleytið skarst kona á fertugsaldri illa á hendi. Hún var að stússa í eldhúsi í íbúð í miðborginni þegar óhappið varð og þurfti konan sömuleiðis að leita til læknis.

Borgarstarfsmönnum boðið í enn einn starfslokamorgunverð borgarstjóra

Öllum starfsmönnum Reykjavíkurborgar verður á morgun boðið í sérstakan morgunmat í tilefni af starfslokum Ólafs F. Magnússonar sem borgarstjóri. Langar borgarstjóra með þessu að þakka fyrir ánægjulegt samstarf.

Tryggja þarf RÚV tekjur ef stöðu á auglýsingamarkaði verður breytt

Páll Magnússon útvarpsstjóri segir að ef breyta eigi stöðu Ríkisútvarpsins á auglýsingamarkaði hljóti að verða skoðað hvernig tryggja skuli félaginu tekjur til að sinna áfram hlutverki sínu sem almannaþjónustuútvarp.

Reykjavíkurborg tekur tímabundið yfir lán Valsmanna

Reykjavíkurborg, Valsmenn hf. og Knattspyrnufélagið Valur skrifuðu í dag undir samkomulag vegna uppbyggingar á íþróttasvæði Vals við Hlíðarenda og breytinga á deiliskipulagi svæðisins. Kemur þar Reykjavíkurborg til móts við Valsmenn hf. og Knattspyrnufélagið Val vegna fjárhags-, rekstrar- og skipulagsvanda sem komið hefur upp vegna endurskoðunar á skipulagi fyrirhugaðrar framtíðaruppbyggingar á svæðinu, meðal annars uppbyggingu HR og Samgöngumiðstöðvar.

Ellefu ára piltar teknir með loftbyssur

Lögreglan haldlagði tvær loftbyssur í Reykjavík í gær. Loftbyssurnar voru í fórum tveggja 11 ára stráka sem viðurkenndu að hafa beint þeim að öðrum krökkum.

Samtök um nýtingu orkuauðlinda í bígerð

Vísir hefur heimildir fyrir því að unnið sé að stofnun samtaka sem ætli sér að að skora á kjörna fulltrúa þjóðarinnar til að nýta orkuauðlindir landsins, svo nýta megi orkuna á sem bestan hátt fyrir land og þjóð.

Þarf að hreinsa veggjakrot í hálft ár

Veggjakrotari, sem gripinn var við iðju sína við fjölbýlishús á höfuðborgarsvæðinu í gær, mun mála yfir allt veggjakrot sem kemur á umrædda fasteign næsta hálfa árið samkvæmt samkomulagi.

Nærri 5700 skráðir til leiks í Reykjavíkurmaraþon

Tæplega 5700 manns hafa skráð sig til þátttöku í Reykjavíkurmaraþon Glitnis sem fram fer á laugardag.

Framsókn og Sjálfstæðisflokkur safna liði á palla Ráðhússins

Framsóknarflokkurinn og Sjálfstæðisflokkurinn hvetja félagsmenn sína til þess að fjölmenna á palla Ráðhússins í fyrramálið þar sem von sé á skipulögðum aðgerðum af hálfu minnihlutaflokkanna í borgarstjórn.

Jón Ásgeir og Hannes fóru ekki með í Miðfjarðará

Jón Ásgeir Jóhannesson stjórnarformaður Baugs og FL Group, og Hannes Smárason, fyrrverandi forstjóri FL Group og þáveradndi stjórnarfromaður Gesysi Green Eneergy, voru ekki í veiðiferðinni í Miðfjarðará sem Vísir greindi frá fyrr í dag. Þetta staðfesti Jón Ásgeir Jóhannesson í samtali við Vísi í dag.

Jón líklegur sem stjórnarformaður OR

Óskar Bergsson borgarfulltrúi framsóknarmanna hefur kynnt sjálfstæðismönnum þá hugmynd að Jón Sigurðsson, fyrrverandi formaður Framsóknarflokksins, verði formaður stjórnar Orkuveitu Reykjavíkur.

Minni ásókn í gæsaveiðilendur

Auðmenn og stórfyrirtæki leigja nú heldur færri veiðilendur til að stunda gæsaskytterí en undanfarin ár. Veiðitíminn hófst í morgun.

Synjun lögreglu vísað til úrskurðarnefndar um upplýsingamál

Vísir.is hefur beðið úrskurðarnefnd um upplýsingamál að fjalla um synjun Lögreglustjórans á Höfuðborgasvæðinu á beiðni Vísis um að fá upplýsingar um hversu mörg mál embættið hefur látið niður falla á þessu ári.

Niðurstöður í samkeppni um hönnun íslenskuhúss kynntar á morgun

Það kemur í ljós á morgun hvaða tillaga ber sigur úr býtum í samkeppni um hönnun húss fyrir Stofnun Árna Magnússonar í íslenskum fræðum.

Handboltaæði að grípa um sig

Sannkallað handboltaæði ríkir á Íslandi eftir að Íslendingar tryggðu sér sæti í undanúrslitum Ólympíuleikanna.

Sakar Hönnu Birnu um að fara með ósannindi

Ólafur F. Magnússon borgarstjóri sakar Hönnu Birnu Kristjánsdóttur, verðandi borgarstjóra, um ósannindi í tengslum við umræðu um fjármál borgarinnar.

Þriggja daga veiði í Miðfjarðará kostar hálfa milljón

Miðfjarðará við Laugabakka er um 200 km frá Reykjavík en hún er 113 km löng með yfir tvö hundruð merktum veiðistöðum. Áin er af mörgum talin fallegust áa hér á landi en veiðisvæðið samanstendur af fjórum ám. Dagurinn í Miðfjarðará kostar um 150 þúsund krónur með gistingu í glæsilegu veiðihúsi og fæði.

Vissi ekki að Baugur var með Miðfjarðará á leigu

Guðlaugur Þór Þórðarson, heilbrigðisráðherra, segist ekki hafa haft hugmynd um að Baugur hafi verið með Miðfjarðará á leigu þegar hann fór þangað í laxveiði í ágúst í fyrra. „Ég hef aldrei farið í boði neins fyrirtækis í veiði, aldrei,“ segir Guðlaugur í samtali við Vísi. Hann segir að Haukur Leósson, þáverandi stjórnarformaður Orkuveitunnar, hafi boðið sér í ferðina. „Ég gerði síðan upp við Hauk,“ segir Guðlaugur Þór.