Google fjárfestir í nýrri tegund jarðvarma

Hugbúnaðarrisinn Google hyggst fjárfesta meira en tíu milljónum dollara í jarvarma með það fyrir augum að minnka framleiðslukostnað við endurnýjanlega orkugjafa. Google.org, sá hluti hugbúnaðarrisans sem berst gegn loftslagsbreytingum, fátækt og sjúkdómum, sagði að fénu yrði varið í rannsóknir á nýrri tegund jarðvarma, svonefndu EGS.

Dregur úr styrk Fay

Hitabeltisstormurinn Fay gekk á land í Flórída í dag en olli litlu tjóni þar sem hann náði ekki styrk fellibyls.

Alikálfi ekki slátrað þótt Ólafur gangi í flokkinn

Jón Magnússon, formaður Frjálslynda flokksins í Reykjavík, segir að innganga Ólafs F. Magnússonar í Frjálslynda flokkinn verði ekki meðhöndluð með neinum öðrum hætti en venjulega. „Af hverju ætti svo að vera? Maðurinn studdi ekki flokkinn við síðustu kosningar og hefur ekki gert það hingað til,“ útskýrir Jón.

Aukaborgarstjórnarfundur á óvenjulegum tíma

Aukafundur borgarstjórnar á fimmtudag, þar sem nýr meirihluti tekur, hefst klukkan tíu um morguninn.

Maðurinn ófundinn - 60 björgunarsveitarmenn við leit á Esjunni

Björgunarsveitir Slysavarnafélagsins Landsbjargar leita enn af rúmlega þrítugum karlmanni sem er týndur á Esjunni. Maðurinn, sem var á göngu í fjallinu, lenti í þoku og hefur verið í villu síðan um klukkan hálf sex í dag. Maðurinn er í símasambandi við björgunarveitarmenn.

Segir gott að Matthías birti dagbækur sínar

Þorbjörn Broddasson, prófessor í fjölmiðlafræði við Háskóla Íslands, segir dagbækur Matthíasar Johannessen mjög forvitnilegar og dýrmætar og að hann sé að gera landsmönnum greiða með því að birta þær.

Segir stöðuna í Ossetíu erfiða

Utanríkisráðherrar Atlantshafsbandalagsins krefjast þess að rússneskt herlið verði tafarlaust kallað til baka og á þær slóðir sem það var fyrir átökin við Georgíu. Samskipti Rússa og NATO ríkjanna hafa laskast að mati Ingibjargar Sólrúnar Gísladóttur utanríkisráðherra og verða seint þau sömu og þau voru fyrir átökin í Georgíu.

Ekið á mann í hjólastól

Ekið var á mann í hjólastól fyrir stundu á mótum Sæbrautar og Sundagarða og voru tveir sjúkrabílar sendir á vettvang.

Rúmlega 80 prósenta verðmunur á skötusel

Um áttatíu prósenta verðmunur reyndist á skötusel í verðkönnun sem Neytendastofa gerði hjá 32 fiskbúðum á höfuðborgar- og Árborgarsvæðinu á dögunum.

Gervihnöttur írana fór aldrei á loft

Tilraun Írana um helgina til að skjóta á loft gervihnetti misheppnaðist algjörlega og stóðst engan veginn væntingar. Þetta hefur fréttastofa Reuters eftir opinberum bandarískum starfsmönnum, sem ekki vilja láta nafns síns getið. Heimildamaðurinn segir að skömmu eftir flugtak hafi hnötturinn hrapað, og því aldrei komist á sporbaug um jörðu.

Sat fund NATO-ráðherra um átök Rússa og Georgíumanna

Ingibjörg Sólrún Gísladóttir utanríkisráðherra sat í dag sérstakan aukafund utanríkisráðherra Atlantshafsbandalagsins í Brussel þar sem fjallað var um ástand mála í Georgíu og viðbrögð bandalagsins við hernaðaraðgerðum Rússa í landinu.

Keyptu persónuupplýsingar þúsunda Þjóðverja

Persónuupplýsingar þúsund Þjóðverja voru til sölu á internetinu, að því er fram kom í gær. Starfsmaður í símaveri í Slésvík-Holstein lét yfirvöld nýlega vita af því að ekki væri allt með felldu í því hvernig farið væri með persónupplýsingar þar. Hann sendi persónuvernd bankaupplýsingar sautján þúsund manns, og í kjölfarið hóf stofnunin rannsókn.

Jákvæð afkoma ríkissjóðs

Ríkisreikningur fyrir árið 2007 var birtur í dag. Ríkissjóður skilar jákvæðri afkomu en tekjuafgangur í rekstrarreikningi er 88,6 milljarðar íslenskra króna. Það nemur 18,2 prósentum af tekjum ársins. Árið 2006 var tekjuafgangurinn 81,8 milljarðar en síðustu þrjú árin hefur ríkissjóður skilað samanlagt 238 milljörðum í tekjuafgang. Ríkissjóður var í árslok í fyrra með jákvætt eigið fé sem nam 10 milljörðum króna. Það mun hafa verið í fyrsta sinn sem það gerist, að því er segir í tilkynningu frá fjármálaráðuneytinu og bent á til samanburðar að árið 2000 hafi eigið fé ríkissjóðs verið neikvætt um 198 milljarða.

Skýrist á fimmtudag til hvaða aðgerða verður gripið

Gísli Marteinn Baldursson, borgarfulltrúi Sjálfstæðisflokksins segist ekki ætla að ræða fyrirhugaðar sparnaðaraðgerðir hjá borginni á forsendum minnisblaðsins sem Ólafur F. Magnússon talaði um á blaðamannafundi fyrr í dag. Ólafur sagði frá því að hugmyndir væru uppi innan borgarkerfisins að draga saman launakostnað um átta prósent og minnka yfirvinnu borgarstarfsmanna. Gísli segir málin skýrast á fimmtudaginn kemur.

Lúðvík Geirsson: Erum ekki að skáka starfsfólki til

Lúðvík Geirsson, bæjarstjóri Hafnarfjarðar, segir engan grundvöll fyrir gagnrýni Rósu Guðbjartsdóttur, bæjarfulltrúa Sjálfstæðisflokksins, sem ritar um „sjálfsgagnrýni Samfylkingar“ í Fréttablaðið í dag.

Mengun í borginni yfir heilsuverndarmörk á sunnudaginn

Mengun í höfuðborginni fór yfir heilsuverndarmörk á sunnudaginn var og var það vegna mengunar frá meginlandi Evrópu.

Gary Glitter sleppt úr fangelsi

Barnaníðingnum og rokkaranum Gary Glitter var sleppt úr fangelsi í Víetnam í gær eftir að hafa setið inni í rúm tvö ár fyrir að misnota tvær stúlkur. Dómur Glitters var styttur vegna góðrar hegðunar, og heldur hann nú heim til Bretlands þar sem hann hyggst leita sér lækninga vegna versnandi heyrnar og hjartveiki.

Öryggisvörðurinn var ekki með kylfu heldur lítinn sprota

Egill Guðjónsson framkvæmdarstjóri Öryggisgæslunnar segir öryggisvörð á vegum fyrirtækisins ekki hafa verið með kylfu við störf sín í verslun 10-11 í Austurstræti í nótt. Öryggisvörðurinn sem er útlendingar var með lítinn sprota sem hann bar án vitundar fyrirtækisins að sögn Egils.

Telja tengsl á milli tveggja stærstu rána Danmerkur

Danska lögreglan telur nú að tengsl séu á milli tveggja stærstu rána í danskri sögu, en bæði hafa verið framin á þessu ári.

Flugdólgarnir í Leifsstöð eru Bretar

Lögreglan á Suðurnesjum er í þessum töluðu orðum að taka skýrslur af flugdólgunum tveimur sem handteknir voru í Leifsstöð í gærkvöldi. Mennirnir tveir sem eru Bretar voru að koma með flugi Icelandair frá Manchester á Englandi.

Marsibil: Ræddi eingöngu minnhlutasamstarf við Dag

Marsibil Sæmundardóttir segir það alrangt að hún hafi verið að ræða um mögulega inngöngu sína í Samfylkingu þegar þau hittust í morgun líkt og ýjað var að í fréttum Stöðvar 2 nú í hádeginu. Hún segist eingöngu hafa rætt við Dag hvernig samstarfi hennar við minnihlutann yrði háttað.

Stórir marglyttuflákar við ströndina

Stórra marglyttufláka hefur orðið vart hér og þar út af ströndum landsins upp á síðkastið. Sums staðar eru þeir svo þéttir og þykkir að þeir lægja öldur. Eitraðar marglyttur hafa ekki enn borist hingað til lands, svo vitað sé, en þær hafa nú borist að Bretlandsströndum.

Háar einkunnir þarf til að komast inn í vinsælustu skólana

Það þýðir ekkert að slugsast síðasta árið í grunnskóla ef nemendur ætla að komast í vinsælustu menntaskólana. Hundruðum er vísað frá og einkunnirnir svimandi háar.

Á þriðja tug látinn í sprengjuárás í Pakistan

Að minnsta kosti 23 féllu og fimmtán særðust þegar sprengja sprakk fyrir utan bráðamóttöku sjúkrahúss í norðvesturhluta Pakistans í morgun.

Segir vel hægt að sinna starfi borgarfulltrúa frá útlöndum

Það er vel hægt að sinna starfi borgarfulltrúa frá útlöndum með nútímatækni, segir prófessor í stjórnmálafræði og sérfræðingur í sveitarstjórnarmálum. Ekki megi ofmeta landfræðilegar fjarlægðir á árinu 2008.

NATO segir Rússa hafa brotið gegn alþjóðalögum

Rússar hafa brotið gegn alþjóðalögum með hernaðaraðgerðum sínum í Georgíu að mati Atlantshafsbandalagsins. Ekki verður gripið til refsiaðgerða en Georgíumönnum veittur fullur stuðningur.

Nokkrar mínútur í símasamband á Eskifirði

Símasambandslaust hefur verið á stórum hluta á Eskifirði frá því klukkan þrjú í gær. Linda Waage upplýsingafulltrúi Símans segir viðgerð standa yfir og von sé á símasambandi á næstu mínútum.

Marsibil á leið í Samfylkinguna?

Viðræður eru hafnar milli Marsibilar Sæmundardóttur og Dags B. Eggertssonar oddvita Samfylkingarinnar í borgarstjórn um inngöngu hennar í Samfylkinguna.

Fá áfram undanþágu fyrir hámarkstaxta

Samkeppniseftirlitið hefur ákveðið að veita leigubílastöðinni Hreyfli áfram undanþágu til að gefa út sameiginlegan ökutaxta fyrir leigubílsstjóra sem starfa á stöðinni.

Ólafur til liðs við frjálslynda - niðurskurður í vændum hjá borginni

Ólafur F. Magnússon borgarstjóri boðaði til blaðamannafundar klukkan 11:00 í Ráðhúsi Reykjavíkur í morgun. Þar tilkynnti Ólafur að hann hygðist ganga í Frjálslynda flokkinn og bjóða fram undir merkjum hans í næstu kosningum. Ólafur sagðist hafa rætt við Guðjón Arnar Kristjánsson formann flokksins sem styður ákvörðun Ólafs. Á fundinum vitnaði Ólafur einnig í minnisblað sem samið var á fjármálaskrifstofu borgarinnar en þar er gert ráð fyrir því að launakostnaður borgarinnar verði minnkaður um átta prósent auk þess sem dregið verði úr yfirvinnu.

Segja rassskellingardóm brot á Barnasáttmála SÞ

Barnaheill harma niðurstöður dóms í Héraðsdómi Norðurlands eystra í máli karlmanns sem hafði ítrekað beitt tvo drengi 4 og 6 ára líkamlegum refsingum.

Aukin umferð þar sem framhaldsskólar eru að byrja

Lögregla býst við aukinni umferð á álagstímum í borginni í þessari viku í ljósi þess að framhaldsskólar á höfuðborgarsvæðinu hefjast á ný eftir sumarfrí.

Segir kylfu ekki hafa verið beitt gegn þjófi

Sigurður Reynaldsson, framkvæmdastjóri 10-11, segir að öryggisvörður í verslun fyrirtækisins við Austurstræti virðist ekki hafa beitt kylfu gegn þjófi sem tekinn var í nótt.

Rannsaka iPod Nano vegna ofhitnunar og neistaflugs

Japönsk yfirvöld rannsaka nú mögulega galla á rafhlöðum iPod Nano tónlistarspilarans. Tvö tilfelli hafa komið upp í Tokyo þar sem spilararnir hafa ofhitnaði og send frá sér neista. AP fréttastofan hefur það eftir iðnaðarráðherra landsins að yfirvöld hafi haft samband við Apple, framleiðanda spilarans, vegna málsins. Grunur leiki á að rafhlöðunni sé um að kenna. Árið 2006 þurfti Apple að innkalla 1,8 milljón rafhlöður, sem Sony framleiddi, úr fartölvum sínum vegna ofhitnunar.

Símasambandslaust á Eskifirði í tæpan sólarhring

Stór hluti Eskifjarðar hefur verið símasambandslaus frá því klukkan þrjú í gær. Vilhelm Jónasson, íbúi á svæðinu, segist mjög ósáttur við þjónustu Símans því engin svör fáist hvenær samband kemst á aftur. „Það eina sem þeir segja er að viðgerð standi yfir sem er ekki rétt því það er enginn að vinna í þessu,“ segir Vilhelm og bendir á að ástandið sé mjög bagalegt því stór hluti íbúanna hafi nú hvorki heimasíma né Internettengingu.

Tveir fluttir með hraði á sjúkrahús eftir harðan árekstur

Þriggja bíla harður árekstur varð á Krýsuvíkurvegi fyrir stundu og eru lögregla og slökkvilið komin á vettvang.

Tíu Frakkar drepnir í Afganistan

Tíu franskir hermenn létust í morgun í bardaga við talibana austan við Kabúl, höfuðborg landsins.

Segja rekstrargrundvöll fjölda sauðfjárbænda brostinn

Stjórn Landssamtaka sauðfjárbænda segir að rekstrargrundvöllur fjölda sauðfjárbænda sé brostinn ef hækkun á afurðaverði til bænda í haust verður aðeins 15 prósent eins og verðlisti Norðlenska gefur til kynna.

Sóknarprestur ávíttur fyrir að ráðast á sóknarnefndarmann

Sóknarprestur í Ollerup og Kirkeby á Mið-Fjóni í Danmörku hefur fengið ávítur frá biskup fyrir að hafa ráðist á varaformann sóknarnefndarinnar, að því er virðist af litlu tilefni.

Sakar Georgíumenn um að skipuleggja hryðjuverk í Rússlandi

Yfirmaður rússnesku leyniþjónustunnar sakaði í dag Georgíumenn um að leggja á ráðin um hryðjuverk í Rússlandi og fyrirskipaði aukna öryggisgæslu við fjölfarna staði í landinu.

Barnlausum konum fjölgar í Bandaríkjunum

Fjöldi barnlausra bandarískra kvenna á aldrinum 40-44 ára hefur tvöfaldast á síðustu þrjátíu árum. Árið 1976 voru einungis um 10% kvenna á þessum aldri barnlausar, en nú er hlutfallið komið upp í 20%.

Íbúar í Flórída eru viðbúnir Fay

Stjórnvöld og íbúar í Flórída búa sig undir það að hitabeltisstormurinn Fay fari yfir ríkið í dag, en talið er að hann hafi orðið tugum manna að bana í Dóminíska lýðveldinu og Haíti.

Bílvelta við Grófarvegamót

Tveir slösuðust, en þó ekki alvarlega, þegar lítill fólksbíll fór út af veginum og valt við svonefnd Grófarvegamót síðdegis í gær, þar sem vegurinn í Reykholtsdal og Borgarfjarðarbraut mætast. Þeir voru fluttir á sjúkrahús til aðhlynningar en voru útskirfaðir að því loknu. Bíllinn er hinsvegar ónýtur. Að sögn lögreglu hafa þónokkur óhöpp og slys orðið á þessum vegamótum á undanförnum árum.-

Lögreglan stöðvaði ölvaðan hjólreiðamann

Þrettán ökumann voru teknir á höfuðborgarsvæðinu fyrir ölvunarakstur um helgina. Það er vart í frásögu færandi nema fyrir það að einn þeirra var á reiðhjóli.

Ræða viðbrögð við hernaðaraðgerðum Rússa

Utanríkisráðherrar ríkja innan Atlantshafsbandalagsins funda í Brussel í dag til að ræða hvernig bregðast eigi við hernaðaraðgerðum Rússa í Georgíu.