Enski boltinn

Liverpool spilar tvo leiki á tveimur dögum í tveimur heimsálfum

Ingvi Þór Sæmundsson skrifar
Mané og félagar hafa nóg að gera í desember.
Mané og félagar hafa nóg að gera í desember. vísir/getty
Liverpool á tvo leiki á jafn mörgum dögum í tveimur mismunandi heimsálfum um miðjan desember.

Liverpool mætir Aston Villa í 8-liða úrslitum enska deildabikarsins 17. desember. 

Degi síðar á Liverpool leik í undanúrslitum heimsmeistarakeppni félagsliða sem fer fram í Katar.

Í yfirlýsingu frá Liverpool kemur fram að leikmannahópnum verði skipt upp í tvennt fyrir þessa tvo leiki.



Jürgen Klopp, knattspyrnustjóri Liverpool, gaf í skyn að liðið myndi draga sig úr keppni í deildabikarnum. Sú leið var hins vegar ekki farin og Liverpool spilar því tvo leiki á jafn mörgum dögum.

Liverpool mætir Genk í Meistaradeild Evrópu í kvöld. Leikurinn hefst klukkan 20:00 og verður sýndur beint á Stöð 2 Sport 2.


Tengdar fréttir




Fleiri fréttir

Sjá meira


×