Enski boltinn: Sumarið hjá West Ham

Þrátt fyrir að hafa komið West Ham upp í fyrstu tilraun og endað svo í 10. og 13. sæti úrvalsdeildarinnar er stór hluti stuðningsmanna Hamranna ósáttur við Sam Allardyce, knattspyrnustjóra liðsins.

Allardyce hefur verið gagnrýndur fyrir neikvæðan leikstíl, en hann vonast til að góð frammistaða frá nýju sóknarmönnunum, Mauro Zarate og Enner Valencia, slái á þær gagnrýnisraddir.

Það er sérstaklega mikilvægt að Zarate og Valencia reimi strax á sig markaskóna, en Andy Carroll, dýrasti leikmaður í sögu West Ham, missir af fyrri hluta tímabilsins vegna meiðsla.

Allardyce fékk einnig senegalska miðjumanninn Cheikhou Kouyate frá Anderlecht og enska ungstirnið Diego Poyet á Upton Park, en sá síðarnefndi er sonur Gus Poyet, þjálfara Sunderland.

Þá náði Allardyce einnig í bakverðina Aaron Cresswell og Carl Jenkinson, en hinn síðarnefndi kom á láni frá Arsenal.

Komnir:

Mauro Zarate frá Velez Sarsfield

Cheikhou Kouyate frá Anderlecht

Aaron Cresswell frá Ipswich

Diego Poyet frá Charlton

Enner Valencia frá Pachuca

Carl Jenkinson frá Arsenal (á láni)

Farnir:

Joe Cole til Aston Villa

Matt Taylor til Burnley

George Moncur til Colchester United (á láni)

Jack Collison samningslaus

Callum Driver samningslaus

George McCartney samningslaus

Jordan Spence samningslaus