Enski boltinn

Swansea fær liðsstyrk

Ingvi Þór Sæmundsson skrifar
Fernández var í herbúðum Napoli í þrjú ár.
Fernández var í herbúðum Napoli í þrjú ár. Vísir/Getty
Gylfi Þór Sigurðsson fékk nýjan samherja í dag þegar Swansea City gekk frá kaupunum á argentínska varnarmanninum Federico Fernández frá Napoli. Kaupverðið var ekki gefið upp, en Fernández skrifaði undir fjögurra ára samning við velska liðið.

Fernández, sem er 25 ára, er ætlað að fylla skarð Chico Flores sem gekk til liðs við Lekhwiya SC í Katar fyrr í sumar. Argentínumaðurinn mun leika í treyju númer 33, sem tilheyrði áður Ben Davies sem er farinn til Tottenham.

Fernández hóf ferilinn hjá Estudiantes í heimalandinu áður en hann gekk í raðir Napoli árið 2011. Hann lék sem lánsmaður með Getafe á Spáni seinni hluta tímabilsins 2012-13.

Fernández gæti leikið sinn fyrsta leik fyrir Swansea gegn nýliðum Burnley á laugardaginn.

Miðvörðurinn lék fyrstu fjóra leiki Argentínu á HM í Brasilíu. Hann hefur alls leikið 26 leiki fyrir argentínska landsliðið.

Enski boltinn

Tengdar fréttir

Gylfi snýr aftur með Swansea á stóra sviðinu

Gylfi Þór Sigurðsson verður í sviðsljósinu í hádeginu þegar Swansea heimsækir Manchester United á Old Trafford í fyrsta leik ensku úrvalsdeildarinnar. Fyrir áratug átti íslenskur knattspyrnumaður sviðið í fyrstu umferð á móti United.

Frábært að skora sigurmarkið

Gylfi Þór Sigurðsson skoraði sigurmark Swansea á Old Trafford um helgina gegn liðinu sem hann studdi í barnæsku.

Monk: Þess vegna keyptum við Gylfa

Gylfi Þór Sigurðsson afgreiddi "sitt“ félag þegar hann skoraði sigurmarkið og lagði upp hitt í 2-1 sigri Swansea á Manchester United á Old Trafford.

Messan: Minni pressa á Gylfa næstu vikurnar

Strákarnir í Messunni litu á mark Gylfa Þórs Siguðrssonar gegn Manchester United um helgina ásamt því að ræða áframhaldið hjá okkar manni með Swansea og íslenska landsliðinu.

Monk gerir ekki ráð fyrir de Guzman

Garry Monk, þjálfari Swansea City, telur ólíklegt að hollenki miðjumaðurinn Jonathan de Guzman snúi aftur til velska liðsins.

Fernandez í læknisskoðun hjá Swansea

Gylfi Þór Sigurðsson og félagar í Swansea fá nýjan liðsfélaga á næstu dögum en samkvæmt heimildum SkySports er Federico Fernandez í læknisskoðun hjá félaginu.

Mest lesið


Fleiri fréttir

Sjá meira


×

Mest lesið