Lockerbie morðingi losnar líklega í dag

Búist er við því að skosk yfirvöld tilkynni um það í dag að hryðjuverkamanninum Al Megrai sem dæmdur var fyrir Lockerbie ódæðið þegar 270 manns fórust um borð í þotu Pan Am flugfélagsins, árið 1988, verði sleppt úr haldi og hann sendur til Líbíu.

Landtökubann bak við tjöldin

Samkynhneigðir verða fyrir árásum í Írak

Árásum á samkynhneigða karlmenn í Írak hefur fjölgað mjög í skjóli afskiptaleysis stjórnvalda. Þetta segja alþjóðlegu mannréttindasamtökin Human Rights Watch, sem hafa sent frá sér skýrslu um málið.

Kvartar undan Ban Ki-moon

Mona Juul, fastafulltrúi Noregs hjá Sameinuðu þjóðunum, gagnrýnir Ban Ki-moon, framkvæmdastjóra þeirra, harðlega í trúnaðarbréfi til utanríkisráðuneytis Noregs. Juul segir að Ban skorti bæði leiðtogahæfileika og persónutöfra auk þess sem hann fái hvimleið skapofsaköst.

Blaðamenn neita að hlýða stjórnvöldum

Afganskir blaða- og fréttamenn neita að verða við fyrirmælum stjórnvalda um að skýra ekki frá ofbeldisverkum frá klukkan sex að morgni til fimm síðdegis í dag, þegar gengið er til forsetakosninga í landinu.

Lautarferð sem breytti Evrópu

Í gær minntust Ungverjar þess að fyrir tuttugu árum skipulagði hópur stjórnarandstæðinga lautarferð að landamærum Austurríkis til þess að krefjast meira frelsis og aukinna samskipta við nágranna sína vestan Járntjaldsins.

Sprenging í Bagdad setur áætlanir um brotthvarf Bandaríkjahers í uppnám

Fyrirætlanir Barack Obama um að kalla allt herlið Bandaríkjanna heim frá Írak á næstu tólf mánuðum, gætu verið í hættu vegna árásarinnar sem átti sér stað í Bagdad í dag þar sem um hundrað manns létu lífið. Ekki þykir skynsamlegt að herinn fari meðan þessi skálmöld ríkir.

Fjögura unglinga leitað eftir að kveikt var í hári ferðamanns

Lögreglan í Lundúnum leitar nú fjögurra unglinga sem kveiktu af tilefnislausu í hári ferðamanns. Atvikið átti sér stað í lest.

Nærri hundrað manns fórust í hryðjuverkaárás í Bagdad

Nærri hundrað manns fórust í hryðjuverkaárásum alQaeda í Bagdad, höfuðborg Íraks, í dag.

Túníska tólfburamóðirin var að ljúga

Túnísk kona sem fullyrti að hún bæri 12 börn undir belti er í felum eftir að upp komst að hún var að ljúga um óléttuna.

Að minnsta kosti 50 látnir í árásum í Bagdad

Að minnsta kosti tvær stórar sprengingar skóku miðborg Bagdads í Írak í morgun með þeim afleiðingum að 50 létust í það minnsta og 300 eru særðir.

Stefnt að Thriller-heimsmeti í Mexíkó

Aðdáendur Michael Jacksons Í Mexíkó stefna á að setja óvenjulegt heimsmet á afmælisdegi stjörnunar sem lést á dögunum. Þann 29 ágúst næstkomandi ætla rúmlega ellefu þúsund manns að koma saman í Mexíkóborg til þess að dansa Thriller dansinn svokallaða sem Jackson dansaði í myndbandi við samnefnt lag sem festi hann í sessi sem stjórstjörnu á níunda áratugi síðustu aldar.

Hillary róar Suður-Ameríkumenn

Hillary Clinton utanríkisráðherra Bandaríkjanna reynir nú að slá á áhyggjur ráðamanna í nokkrum ríkjum Suður Ameríku vegna áætlana Bandaríkjamanna um að koma upp herstöðvum í Kólombíu.

Geimskot í Suður-Kóreu

Suður Kóreumenn búa sig nú undir að skjóta á loft geimflaug í fyrsta sinn. Flaugin sem á að fara á loft nú í morgunsárið er hönnuð í samvinnu við Rússa og er henni ætlað að koma gerfihnetti á sporbaug um jörðu.

Níu létust í árekstri flutningaskipa

Níu manns er saknað eftir að tankskip sem var að flytja 58 þúsund tonn af eldfimu efni rakst á annað flutningaskip í gær í á sundinu á milli Indónesíu og Malasíu. Eldur kom upp í skipinu en eigendur þess segja litlar líkur á því að innihald tanka þess fari í sjóinn. 25 eru í áhöfn skipsins sem skráð er í Líberíu.

Þrír látnir eftir skotárás í Þýskalandi

Skotárás átti sér stað í þýska smábænum Schwalmtal fyrr í kvöld. Að minnsta þrír lágu í valnum áður en byssumaðurinn gafst upp fyrir lögreglu.

Nígeríska lögreglan leitar að nítján stjórnendum fjármálafyrirtækja

Nígeríska spillingarlögreglan sagði á fimmtudag að hún leitaði nú 19 fyrrum stjórnenda fimm fjármálafyrirtækja, eftir að ríkið þurfti að leggja um 2,6 milljarða dala til að bjarga fyrirtækunum.

Twitter skilaboð eru mestmegnis rugl

Rannsókn á Twitter örskilaboðakerfinu hefur leitt í ljós að 40% af þeim skilaboðum sem send eru séu merkingarlaust rugl.

Árás gerð á forsetahöllina í Kabúl

Eldflaugaárás var gerð á forsetahöllina í Afganistan í morgun. Enginn slasaðist í árásinni en að minnsta kosti ein eldflaug lenti á forsetahöllinni og önnur á höfuðstöðvum lögreglunnar í Kabúl.

Kim Dae-Jung er látinn

Fyrrverandi forseti Suður Kóreu, Kim Dae-Jung er látinn 85 ára að aldri. Hann var lykilmaður á leið Suður Kóreu til lýðræðis og fékk hann friðarverðlaun Nóbels á sínum tíma fyrir að koma á viðræðum við leiðtoga Norður-Kóreu, Kim Jong Il. Læknar segja að Dae-Jung hafi látist af völdum hjartaslags.

Talsmaður Talíbana handtekinn í Pakistan

Yfirvöld í Pakistan segjast hafa handtekið mann sem talinn er vera helsti talsmaður Talíbana í landinu. Maulvi Omar er sagður hafa verið einn helsti aðstoðarmaður Baitullah Mehsuds sem talið er að hafi látist í sprengjuárás á dögunum. Fjölmiðlar greina frá því að talsmaðurinn hafi verið handtekinn í bíl rétt við afgönsku landamærin í gær.

Óttast um tugi manna

Óttast er um tugi manna eftir að slys varð í stærstu vatnsaflsvirkjun Rússlands í gær. Staðfest var að tíu væru látnir, en allt að 65 að auki var saknað. Fjórtán slasaðir voru fluttir á sjúkrahús.

Átta handteknir fyrir ránið á Actic Sea

Rússar hafa handtekið átta menn fyrir að ræna flutningaskipinu Arctic Sea. Skipið hvarf á Ermarsundi fyrir nærri þremur vikum.

Komust yfir upplýsingar 130 milljóna greiðslukorta

Þrír menn hafa verið ákærðir fyrir að misnota um 130 milljónir greiðslukorta sem notuð voru í verslunum Heartland Payment Systems, 7-Eleven og Hannaford Brothers Co. Samkvæmt saksóknaranum sem fer með málið er þetta stærsta greiðslukortasvindl sögunnar.

Segir nauðsynlegt að yfirbuga Talibana svo 9/11 endurtaki sig ekki

Barack Obama segir nauðsynlegt að yfirbuga Talibana í Afganistan til að koma í veg fyrir álíka hryðjuverk og áttu sér stað þann 11. september 2001.

Andlit Iceland keðjunnar rekið eftir kókaínhneyksli

Vandræðagemsinn Kerry Katona, sem áður var í hljómsveitinni Atomic Kitten, hefur verið rekin sem andlit Iceland verslunarkeðjunnar í Bretlandi eftir kókaínhneyksli.Þetta kemur fram á fréttavef Sky. Iceland keðjan var áður í eigu Baugs en nú eru skilanefndir Landsbankans og Glitnis stærstu hluthafarnir.

Morðið í Óðinsvéum: Sló stelpuna 20 sinnum

Fertugur danskur karlmaður sem er grunaður um að hafa myrt 13 ára gamla dóttur sína í Óðinsvéum í gær hefur verið úrskurðaður í gæsluvarðhald í fjórar vikur. Samkvæmt læknisráði verðiur maðurinn vistaður á geðdeild á gæsluvarðhaldstímanum.

Kanada ásælist Norðurpólinn

Kanadamenn hafa skipulagt viðamiklar heræfingar við Norður heimskautið á næstunni en æfingarnar eru sagðar vera liður í þeirri viðleitni Kanadamanna að minna á sig og tilkall sitt til svæðisins en margir renna nú hýru auga til svæðisins og þeirra auðlinda sem það hefur að geyma.

19 látnir í sprengingu í Ingúsetsíu

Að minnsta kosti nítján eru látnir eftir að sprengja sprakk við höfuðstöðvar lögreglunnar í Ingúsetsíu sem er múslímskt sjálfstjórnarhérað í Rússlandi. Sprengingin varð í Nazran, stærstu borg héraðsins og talið er að hún hafi innihaldið 20 kílógrömm af sprengiefninu TNT.

Kókaíndollarar algengir í Bandaríkjunum

Á níu af hverjum tíu peningaseðlum í umferð í Bandaríkjunum má finna leifar af Kókaíni. Þetta kemur fram í nýrri alþjóðlegri rannsókn þar sem skoðaðir voru seðlar frá þrjátíu borgum í Bandaríkjunum auk þess sem seðlar frá Japan, Canada, Brasilíu og Kína.

Sundmaðurinn í Burma látinn laus

John Yettaw, Bandaríkjamaðurinn sem synti yfir stöðuvatn til þess að heimsækja Búrmíska stjórnarandstöðuleiðtogann Aung San Suu Kyi hefur verið látinn laus.

Þrettán bretar hafa fallið í Afganistan það sem af er ágústmánuði

Yfirmenn breska hersins í Afganistan segja að hermennirnir þar séu staðráðnir í að halda baráttunni Talíbana áfram þrátt fyrir mikil átök og hækkandi dánartölur. Nú hafa 204 breskir hermenn fallið í Afganistan frá því Bretar hófu afskipti af málum þar árið 2002. Þrettán hermenn hafa fallið í ágúst og fjórir um liðna helgi en hermennirnir reyna nú að auka öryggi borgara í landinu til þess að unnt verði að halda kosningar þar síðar í vikunni.

Karzai nýtur mest stuðnings

Hamid Karzai, sitjandi forseti Afganistans, nýtur mests stuðnings forsetaframbjóðenda í skoðanakönnun sem birt var í kvöld en forsetakosningar fara fram landinu næstkomandi laugardag.

Aukið öryggi opnar á möguleika um frekari aðstoð

Árangur Pakistana í að ná til baka lykillandssvæðum af Talibönum gefur þeim frekara svigrúm til viðræðna við Bandaríkjamenn um orku og efnahagsmál. Þetta sagði sérstakur erindreki Bandaríkjastjórnar í heimsókn sinni til Pakistans í dag.

Mannskæð sprengjuárás í Bagdad

Tvær sprengjur sprungu á sama tíma í kvöld við vinsælan veitingastað í hverfi shíta múslima í austurhluta Bagdad, höfuðborg Íraks. Að minnsta kosti sex féllu og á þriðja tug særðust í árásinni.

Enn loga eldar í Kaliforníu

Eldar loga enn í Kaliforníufylki í Bandaríkjunum en vonar standa til að slökkviliðsmenn nái von bráðar tökum á eldum í grennd við borgina Santa Cruz sunnan af San Francisco.

Tuttugu pör létu pússa sig saman á íþróttaleikvangi í Bosníu

Tuttugu múslímsk pör létu pússa sig saman á Zenica leikvanginum í Bosníu í gærkvöld og sögðu skipuleggjendur þetta stærstu sharía gifingaveislu sem haldin hefur verið að múslímskum sið í Evrópu.

Stærsta muffinskaka í heimi

Stærsta muffinskaka í heimi var bökuð í dag en hún vegur hvorki meira né minna en hálft tonn, og rúmlega það. Kakan var bökuð í bakarí í Michigan í Bandaríkjunum en þetta var önnur tilraun til þess að slá heimsmetið.

Ráðist á borgarstjóra

Ofbeldismaður vopnaður málmröri réðist á borgarastjóra Milwaukee í gærkvöldi. Árásin er ekki sögð tengist starfi hans.

Faðir myrti 13 ára gamla dóttur sína

Fertugur danskur karlmaður er í haldi lögreglu grunaður um að hafa myrt 13 ára gamla dóttur sína á heimili þeirra í Óðinsvé í dag. Móðir stúlkunnar hringdi á lögreglu eftir að átök upphófust á heimili fjölskyldunnar. Stúlkan var flutt á sjúkrahús en hún látin áður en þangað var komið.

Smábarn lést eftir fall af hótelsvölum

18 mánaða breskur drengur lést eftir að hann féll af hótelsvölum á ítölsku eyjunni Sardiníu í gær. Drengurinn var í sumarfríi með fjölskyldu sinni á eyjunni og voru foreldar hans að skipta um föt þegar slysið varð. Drengurinn var fluttur á sjúkrahús þar sem hann var úrskurðaður látinn en hann hlaut alvarlega höfuðáverka.

Bjargaði eigin lífi

Ellefu ára bresk stúlka náði á síðustu stundu að bjarga lífi sínu þegar bíll sem hún sat í, féll fram af kletti og ofan í sjó.

200 breskir hermenn hafa fallið í Afganistan frá 2001

Yfir 200 breskir hermenn hafa fallið í Afganistan frá því stríðið hófst þar árið 2001. Nú um helgina létust tveir. Gordon Brown, forsætisráðherra, sagði sumarið hafa verið sérlega erfitt en árangur hefði þó náðst í baráttunni við hryðjuverkamenn og merki um það væru komandi forsetakosningar í Afganistan.

Tvær rússneskar herþotur hröpuðu

Tvær rússneskar herþotur hröpuðu í morgun en undirbúningur fyrir stóra flugsýningu stendur nú yfir í Rússlandi. Flugvélarnar voru hluti af úrvalshópi Rússnesku riddaranna, en þær voru við æfingar þegar þær skullu saman.

Undirbúa starfsmenn skóla undir svínaflensuna

Heilbrigðisstarfsmenn vestanhafs reyna nú hvað þeir geta að undirbúa kennara og aðra starfsmenn skóla undir svínaflensuna. Viðbúið er að þegar skólastarf hefst verði töluverð aukning flensutilfella.