Túníska tólfburamóðirin var að ljúga

Túnísk kona sem fullyrti að hún bæri 12 börn undir belti er í felum eftir að upp komst að hún var að ljúga um óléttuna.

Konan, sem er 34 ára gömul, greindi læknum í Gafsa, heimaborg sinni, frá því að hún ætti von á sér síðar í mánuðinum. Fréttavefur Telegraph segir að rannsókn heilbrigðisyfirvalda hafi leitt í ljós að konan eigi við sálræn vandamál að stríða og að óléttan sé einungis hugarburður hennar.

Konan hefur þverneitað að fara í læknisskoðun og yfirvöld í Túnis hafa ekki náð tali af henni upp á síðkastið.