Þrír látnir eftir skotárás í Þýskalandi

Skotárás átti sér stað í þýska smábænum Schwalmtal fyrr í kvöld. Að minnsta þrír lágu í valnum áður en byssumaðurinn gafst upp fyrir lögreglu.

Fjórða manneskjan var flutt særð á sjúkrahús, samkvæmt lögreglunni í Dusseldorf, sem fer með málið. Í upphafi var talið að fjórir hefðu verið myrtir en lögregla leiðrétti síðar þær fréttir.

Schwalmtal er um nítján þúsund manna smábær, staðstettur um 38 kílómetra vestur af Dusseldorf.

Lögreglu tókst að yfirbuga manninn eftir nokkurra klukkustunda umsátur fyrir utan heimili hans. Þá hafði hann náð að skjóta þrjá og særa einn til viðbótar. Svo virðist sem hann hafi skotið á vegfarendur sem áttu leið hjá þeim stað sem maðurinn hélt til.

Maðurinn stendur í skilnaði um þessar mundir og var í annarlegu ástandi.