Íslenski boltinn

Mynda­syrpa: Vals­konur tryggðu sér tólfta Ís­lands­meistara­titilinn

Runólfur Trausti Þórhallsson skrifar
Valskonur fögnuðu með stuðningsfólki sínu.
Valskonur fögnuðu með stuðningsfólki sínu. Vísir/Hulda Margrét

Valur er Íslandsmeistari kvenna í knattspyrnu. Liðið tryggði sér titilinn með glæstum 6-1 heimasigri á Tindastól í gærkvöld. Hér að neðan má sjá myndir úr leiknum sem og fagnaðarlátunum eftir leik.

Spennustigið í Valsliðinu virtist fullkomlega stillt en þær vissu fyrir leik gærdagsins að sigur myndi tryggja þeim titilinn. Elín Metta Jensen kom Val yfir strax á 6. mínútu og Cyera Makenzia Hintzen bætti við marki tíu mínútum fyrir lok fyrri hálfleiks.

Mist Edvardsdóttir skoraði svo í upphafi síðari hálfleik og þá var leikurinn svo gott sem búinn. Ásdís Karen Halldórsdóttir bætti við fjórða markinu og Fanndís Friðriksdóttir tveimur til viðbótar.

Jacqueline Altschuld minnkaði muninn fyrir Tindastól með marki úr vítaspyrnu í stöðunni 5-0 en það var ekkert nema sárabótamark.

Lokatölur 6-1 og Valskonur gátu leyft sér að fagna í leikslok. Þær fá þó ekki bikarinn fyrr en í síðasta heimaleik sínum. Hann er þann 12. september en þá kemur Selfoss í heimsókn á Hlíðarenda. Hér að neðan má sjá myndir úr leik gærkvöldsins.

Myndasyrpa

Valskonur fagna einu sex marka sinna.Vísir/Hulda Margrét
Dóra María Lárusdóttir horfir á Laufey Hörpu Halldórsdóttur hreinsa.Vísir/Hulda Margrét
Elísa Viðarsdóttir í baráttunni við Jacqueline Altschuld.Vísir/Hulda Margrét
Úr leiknum.Vísir/Hulda Margrét
Murielle Tiernan í baráttunni fyrir Stólana.Vísir/Hulda Margrét
Valskonur fagna einu marka sinna.Vísir/Hulda Margrét
Fagnaðarlætin byrja.Vísir/Hulda Margrét
Valskonur fagna.Vísir/Hulda Margrét
Pepsí Max deild kvenna sumar 2021 fótbolti KSÍ
Þær leyfðu Pétri Péturssyni að vera með.Vísir/Hulda Margrét
Pétur Pétursson fagnar sínum öðrum Íslandsmeistaratitli á þremur árum.Vísir/Hulda Margrét
Alsæl Fanndís Friðriksdóttir.Vísir/Hulda Margrét

Pepsi Max deild kvenna er á Stöð 2 Sport en upplýsingar um útsendingar má finna hér. Pepsi Max deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.


Tengdar fréttir

„Rútuferðirnar voru örugglega hluti af þessu“

„Tvær rútuferðir. Ein á Húsavík og önnur á Krókinn. Eftir það var þetta pottþétt,“ sagði Pétur Pétursson, þjálfari nýkrýndra Íslandsmeistara Vals, sposkur á svip þegar hann var spurður hvað hefði skilað liðinu titlinum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.