Allardyce sagði nei við Newcastle
Sam Allardyce vill ekki verða knattspyrnustjóri Newcastle á nýjan leik. Honum var boðin stjórastaðan en hafnaði henni.
Newcastle er í leit að stjóra eftir að Rafael Benitez fór til Kína þegar samningur hans rann út fyrr í sumar.
Allardyce, sem hefur farið víða á löngum stjóraferli sínum, var við völd hjá Newcastle frá 2007-2008.
„Það var mjög ánægjulegt að þeir hafi hugsað til mín, en ég vildi ekki fara til baka,“ sagði Allardyce við bresku útvarpsstöðina Talksport.
„Þetta komst aldrei á neitt viðræðustig, ég sagði kurteisislega nei. Ég talaði aldrei við Mike [Ashley, eiganda Newcastle], umboðsmaðurinn minn hafði samband, ég hugsaði málið aðeins en þakkaði þeim svo kærlega fyrir.“
Allardyce hefur ekki verið í stjórastarfi síðan hann fór frá Everton í maí 2018.
Tengdar fréttir
Ræddu við Benitez og hafa ekki lengur áhuga á stjórastarfinu hjá Newcastle
Mikael Arteta og Patrick Vieira munu ekki taka við stjórastólnum hjá Newcastle af Rafa Benitez ef marka má frétt enska götublaðsins The Sun.
Bruce orðaður við Newcastle
Steve Bruce er orðaður við liðið sem hann hefur haldið með alla tíð, Newcastle United.
John Terry orðaður við stjórastarfið hjá Newcastle United
Frank Lampard gæti mætt góðvini sínum í ensku úrvalsdeildinni á næstu leiktíð ef eitthvað er að marka slúðrið hjá Guardian í dag.
Ekki einu sinni Stóri Sam getur bjargað Huddersfield
Huddersfield er á botni ensku úrvalsdeildarinnar átta stigum frá öruggu sæti. Einnig eru þeir þjálfaralausir.
Þrjár af ásökununum á hendur Stóra Sam rangar: „FA átti að bíða eftir sönnunargögnunum“
Rannsóknin sem varð til þess að Sam Allardyce var rekinn úr starfi landsliðsþjálfara Englands átti fullan rétt á sér. Þetta er niðurstaða skýrslu um málið.
