United búið að fá sig fullsadda af Raiola og hækka verðmiðann á Pogba
Ummæli umboðsmannsins umdeilda Mino Raiola hefur ekki hjálpað umbjóðanda hans, Paul Pogba, að komast frá Manchester United en Mirror greinir frá þessu.
Mino Raiola hefur farið mikinn í fjölmiðlum og sagði meðal annars frá því í síðustu viku að heimsmeistarinn Pogba vildi fara frá United. Hann vildi sækjast í nýja áskorun.
Þessi ummæli, sem og önnur frá umboðsmanninum, hafa farið öfugt ofan í forráðamenn Manchester sem hafa í staðinn ákveðið að hækka verðmiðann á Pogba upp í 180 milljónir punda.
Man Utd change Paul Pogba price tag after Mino Raiola's transfer comments | @DiscoMirror https://t.co/1JFXDG8LMI pic.twitter.com/wqZry1roqm
— Mirror Football (@MirrorFootball) July 12, 2019
Upphaflega var talið að verðmiðinn á Pogba væri um 150 milljónir punda en eftir fíflagang Raiola undanfarnar vikur hefur United hækkað verðmiðann um 30 milljónir punda.
Því má teljast ólíklegt að Real Madrid rífi upp veskið og kaupi miðjumanninn en sagt var frá því í gær að Juventus væri búið að gefast upp á Pogba.
Tengdar fréttir
Juventus hefur ekki lengur áhuga á Pogba
Juventus verður að minnsta kosti ekki næsti áfangastaður Pogba.
„Við erum Manchester United, við þurfum ekki að selja leikmenn“
Ole Gunnar Solskjær sagði við Paul Pogba að Manchester United þurfi ekki að selja leikmenn, en franski miðjumaðurinn hefur sagt opinberlega að hann vilji fara frá Old Trafford.
„United eytt 780 milljónum punda í nýja leikmenn síðan 2014 og sitja uppi með þennan hóp“
Blaðamaður á Englandi sendir Manchester United tóninn og setur spurningarmerki við leikmannahóp félagsins.
Manchester United búið að finna arftaka Pogba yfirgefi hann félagið
Miðjumaður Lazio vekur áhuga Manchester United. Frönsku meistararnir í PSG eru einnig sagðir áhugasamir.
Umboðsmaður Pogba staðfestir að hann vilji komast burt frá Manchester United
Ólíklegt er að Paul Pogba verði áfram í herbúðum Manchester United.
