Juventus hefur ekki lengur áhuga á Pogba
Ítölsku meistararnir í Juventus hafa ekki lengur áhuga á að klófesta franska heimsmeistarann, Paul Pogba, en Pogba er sagður vilja burt frá Manchester United.
Pogba hefur verið duglega orðaður burt frá Manchester-liðinu undanfarnar vikur en nú er Juventus úr sögunni. Þetta tilkynnti aðstoðarforseti Juventus, Pavel Neved, í samtali við umboðsmann Pogba, Mino Raiola.
Paul Pogba dealt transfer blow after Juventus 'end interest' in Man Utd midfielder https://t.co/TOBYUleqVq pic.twitter.com/UUllicaKqI
— Mirror Football (@MirrorFootball) July 12, 2019
Raiola sagði í síðustu viku að Pogba vildi nýjar áskoranir og Juventus hafði verið nefndur sem hans næsti áfangastaður en hann lék þar við góðan orðstír frá 2012 til 2016.
United hefur hent 150 milljóna punda verðmiða á Pogba en Juventus mun nú leita eftir öðrum möguleikum á miðjuna hjá sér fyrir næstu leiktíð. Pogba er að minnsta kosti úr sögunni.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
