Scheffler gaf ellefu metra pútt eftir frammí­köll

Á lokadegi Forsetabikarsins fara allir kylfingar liðanna í holukeppni við mótherja og er reynt að raða í ráshópa til að vinna sem flesta sigra. Scottie Scheffler, sem er efstur á heimslistanum, mætti Kólumbíumanninum Nico Echavarria í dag en leiðinlegt atvik gerðist á fjórtándu holu.

Þegar Echavarria var að slá upphafshöggið sitt kallaði bandarískur stuðningsmaður: „Áfram Scottie“ í miðri aftursveiflu hjá Echavarria. Það sló hann út af laginu og fór upphafshöggið af brautinni og endaði Kólumbíumaðurinn í erfiðri stöðu.

Scottie Scheffler var ekki ánægður með stuðningsmanninn og gekk rakleiðis til hans og skammaði hann. Scheffler endaði á að ná pari á holunni en Echavarria þurfti að setja boltann ofan í holuna af rúmlega ellefu metrum til þess að fella holuna.

Scheffler ákvað að vera herramaður og gaf honum púttið og endaði holan á því að falla. Margir líta upp til ákvörðunar Schefflers þar sem hann vill frekar vinna á jöfnum grundvelli frekar en að nýta öll tækifæri sem gefast. Heiðarleikinn er það sem skiptir máli.

Atvikið má sjá í spilaranum hér að ofan.