Redknapp: Lampard verður stjóri Chelsea
Harry Redknapp segir allar líkur á því að Frank Lampard verði knattspyrnustjóri Chelsea áður en sumarið er úti.
Redknapp átti langlífan feril sem knattspyrnustjóri, þar sem hann stýrði meðal annars Tottenham, auk þess sem eiginkona Redknapp er móðursystir Lampard.
„Ef Chelsea kallar á hann þá verður erfitt fyrir hann að segja nei,“ sagði Redknapp við BBC.
„Mitt persónulega mat er að hann verði knattspyrnustjóri Chelsea. Það lítur allt út fyrir að það gerist.“
Maurizio Sarri hætti sem stjóri Chelsea á dögunum og er Lampard, sem er goðsögn á meðal stuðningsmanna Chelsea, talinn efstur á óskalista þeirra bláu.
„Þetta er staða þar sem hann getur ekki tapað, nema þeir nái ekki sjötta sæti. Það býst enginn við því að hann nái í fyrsta, annað eða þriðja sæti á fyrsta tímabilinu.“
„Ef hann nær í Meistaradeildina þá verður það góður árangur.“
Tengdar fréttir
Félagsskiptabann Chelsea gott fyrir Lampard
Félagsskiptabannið sem Chelsea á yfir höfði sér myndi hjálpa Frank Lampard taki hann við stöðu knattspyrnustjóra hjá sínu gamla félagi.
Lampard í viðræðum við Derby um framlengingu
Frank Lampard gefur lítið fyrir sögusagnir um að hann sé að taka við Chelsea og er í samningaviðræðum við Derby County um framlengingu á samningi sínum.
Þurfa að greiða Derby fjórar milljónir punda til að fá Lampard
Chelsea þarf að punga út fjórum milljónum punda til að losa Frank Lampard.
