Lampard í viðræðum við Derby um framlengingu
Frank Lampard gefur lítið fyrir sögusagnir um að hann sé að taka við Chelsea og er í samningaviðræðum við Derby County um framlengingu á samningi sínum.
Chelsea hefur enn ekki haft samband við Derby samkvæmt frétt BBC en Lampard er sagður efst á óskalista blárra til þess að taka við starfi Maurizio Sarri. Það virðist aðeins tímaspursmál hvenær Sarri verður tilkynntur nýr stjóri Juventus.
Derby vill framlengja samning sinn við Lampard, en hann á enn eftir tvö ár á núverandi samningi sínum. Því þarf Chelsea að borga um 4 milljónir til Derby fyrir knattspyrnustjórann.
Lampard var á sínu fyrsta tímabili sem knattspyrnustjóri í vetur og fór með Derby alla leið í úrslitaleik umspilsins um sæti í ensku úrvalsdeildinni.
Tengdar fréttir
Þurfa að greiða Derby fjórar milljónir punda til að fá Lampard
Chelsea þarf að punga út fjórum milljónum punda til að losa Frank Lampard.
Sarri fer ekki til Juventus fyrr en arftaki hans er fundinn
Maurizio Sarri verður ekki kynntur sem nýr knattspyrnustjóri Juventus þar til Chelsea er búið að finna eftirmann hans.
