Enski boltinn

Sofnaði í fanginu á uppáhalds leikmanninum sínum

Ingvi Þór Sæmundsson skrifar
Bradley og Jermain Defoe eru miklir vinir.
Bradley og Jermain Defoe eru miklir vinir. vísir/getty
Barátta hins fimm ára gamla Bradleys Lowery við sjaldgæfa tegund af krabbameini hefur vakið mikla athygli undanfarna mánuði.

Bradley litli er mikill stuðningsmaður Sunderland en félagið hefur hjálpað honum í veikindunum.

Í gær fékk Bradley góða heimsókn á sjúkrahús en Jermain Defoe, Vito Mannone, John O'Shea og Sebastian Larson, leikmenn Sunderland, litu við.

Strákurinn var að vonum ánægður með heimsóknina og endaði á því að sofna í fanginu á Defoe sem er í miklu uppáhaldi hjá honum.

Bradley vakti mikla athygli þegar hann var lukkudrengur á leik Sunderland og Chelsea í desember.

Fyrir leikinn lék hann sér með leikmönnum liðanna og tók víti á Asmir Begovic, varamarkvörð Chelsea. Bradley skoraði að sjálfsögðu hjá Bosníumanninum en markið var valið mark desembermánaðar í ensku úrvalsdeildinni, ásamt sporðdrekamarki Henrikhs Mkhitaryan, leikmanns Manchester United.

Bradley fékk í kjölfarið yfir 250.000 jólakort frá fólki í Bretlandi sem tók miklu ástfóstri við guttann.

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið