Ferðamaður stal dollurum af flugfreyju Icelandair

Bandarískur ferðamaður var handtekinn á Logan flugvelli í Boston í Bandaríkjunum í gær, sakaður um að hafa stolið 300 dollurum af íslenskri flugfreyju um borð í vél Icelandair, þegar vélin var á leið til Logan.

Kannabisefni komu þrisvar við sögu

Íslenskt kannabisefni kom við sögu í þremur verkefnum lögreglunnar á höfuðborgarsvæðinu í nótt.

Áfram tilkynnt um nauðganir í Osló

Ekkert lát er á bylgju nauðgana sem hrellt hefur íbúa Osló í Noregi undanfarnar vikur. Þrátt fyrir mikinn viðbúnað lögreglu og um 600 sjálfboðaliða á vakt í miðborg Osló um helgina var samt tilkynnt um tvær nauðganir í borginni.

Tveir síbrotamenn teknir í innbroti

Lögreglan handtók í nótt tvo síbrotamenn, sem höfðu brotist inn i vídeóleigu í Árbæjarhverfi í Reykjavík.

Mæðgin sluppu nær ómeidd úr umferðarslysi

Ung kona slapp lítið meidd og barn hennar á öðru ári, alveg ómeitt, þegar hún missti stjórn á bíl sínum á Drottningarbraut á Akureyri í gærkvöldi og bíllinn hafnaði á ljósastaur.

Jólatréið frá Hamborg á leiðinni til landsins

Hamborgarbúar senda jólatré til Reykjavíkur að venju um þessi jóla og er tréið nú á leiðinni til Íslands. Tréð fór í skip síðastliðinn mánudag og er væntanlegt til Reykjavikur með Goðafossi á morgun þriðjudag.

Lyf í verslanir og frjálsari auglýsingar

Hagsmunaaðilar á lyfjamarkaði vilja að heimilt verði að auglýsa lausasölulyf í sjónvarpi og sala á lyfjum verði leyfð í almennum verslunum. Þetta er meðal þess sem kemur fram í nýrri greiningu Félags atvinnurekenda, Frumtaka og Samtaka verslunar og þjónustu, þar sem hinar ýmsu tillögur um breytingar á íslenska lyfjamarkaðnum eru lagðar fram.

Fyrsta opna réttarhaldið yfir fjöldamorðingjanum Breivik er í dag

Gífurlegar öryggisráðstafanir hafa verið gerðar við dómshúsið í Osló en þar mun fjöldamorðinginn Anders Breivik í fyrsta sinn kom fram opinberlega frá því hann framdi fjöldamorðin í miðborg Osló og á Útey sem kostuðu samtals 77 Norðmenn lífið.

Stikuðu tugi kílómetra gönguleiða

Tugir kílómetra gönguleiða voru stikaðir og merktir í Vonarskarði og nágrenni í sumar. „Það var mikið verk að ganga með stikurnar og setja þær niður en frábært að vera úti við og vinna þetta þarfa verk,“ segir Gunnar Njálsson, landvörður í Nýjadal á Sprengisandi, sem vann verkið ásamt Guðmundi Árnasyni landverði auk sjálfboðaliða frá Veraldarvinum og Ingimar Eydal landverði.

Kirkjukórar hætta að syngja vegna þreytu

„Þetta var orðin kvöð og við eiginlega gáfumst bara upp," segir Margrét Böðvarsdóttir, formaður kirkjukórs Hvalsnessóknar sem nú er hættur að syngja við guðsþjónustur í Sandgerði.

Íslenskar vörur oft ódýrari í krónum talið

Íslenskar landbúnaðarvörur eru oft ódýrari hér á landi en aðrar landbúnaðarvörur á Norðurlöndunum sé verðinu breytt í íslenskar krónur. Hafa ber í huga að tölurnar eru ekki kaupmáttarleiðréttar, en kaupmáttur hefur rýrnað hér á landi á síðustu árum á meðan hann hefur aukist á Norðurlöndunum.

Endurskoðun fresti málinu

Stjórn Akureyrarstofu furðar sig á ákvörðun umhverfis- og samgöngunefndar Alþingis um að senda forsendur fyrir framkvæmdum Vaðlaheiðarganga til Ríkisendurskoðunar.

Ætla að máta óvissa framtíð

Vinafélagið stendur að Vinaskákmótinu í dag í samvinnu við velunnara félagsins; Forlagið, Henson og Sögur útgáfu. Mótið er haldið í Vin, athvarfi Rauða krossins Hverfisgötu 47, en þar er mjög blómlegt skáklíf. Æfingar eru alla mánudaga og reglulega er slegið upp stórmótum. Skákfélag Vinjar teflir meðal annars fram tveimur sveitum á Íslandsmóti skákfélaga.

Borgin skýri hömlur á tjáningarfrelsi

Umboðsmaður Alþingis vill að Reykjavíkurborg svari því hvort leikskólastjórum hafi verið skipað að svara ekki spurningum Ríkisútvarpsins um laus pláss á leikskólum og hver hafi þá gefið þau fyrirmæli og á hvaða grundvelli.

Dauðarefsingar á undanhaldi

Hundruð manna eru tekin af lífi í nafni laga og réttar ár hvert um heim allan. Baráttan gegn dauðarefsingum hefur þó skilað sér í fækkun landa sem beita slíkum refsingum. Þorgils Jónsson kynnti sér stöðu mála og baráttuna gegn dauðarefsingum.

Verðhækkanir á kjötvörum ekki eðlilegar

Verð á kjötvörum hefur hækkað langt umfram það sem eðlilegt má teljast að mati forstjóra Haga. Hann segir fákeppni og innflutningshöft á kjötmarkaði skaða almenning í landinu.

Segir Sjálfstæðisflokkinn hafa komið í veg fyrir ríkisábyrgð

Jón Óttar Ragnarsson, stofnandi Stöðvar 2, fullyrðir að Sjálfstæðisflokkurinn hafi með pólitískum vélabrögðum sölsað stöðina undir sig í lok árs 1989 þegar þeir misstu fyrirtækið. Flokkurinn hafi komið í veg fyrir að ríkisábyrgð fengist á lán til Stöðvarinnar.

Lögreglan lýsir eftir Sævaldi

Lögreglan á höfuðborgarsvæðinu lýsir eftir Sævaldi Herði Harðarsyni, 31 ára. Talið er að hann sé klæddur í dökka yfirhöfn,bláar gallabuxur og sé í svörtum skóm.

Réttarsalurinn opinn fjölmiðlum - Breivik vill útskýra ákvörðun sína

Norski fjöldamorðinginn Anders Behring Breivik segist vilja útskýra fyrir dómara og aðstandendum fórnarlambanna í miðborg Oslóar og Úteyjar, hvers vegna hann framdi voðaverkin í sumar. Þetta segir verjandi hans við norska fjölmiðla í dag en Breivik verður leiddur fyrir héraðsdómara á morgun þar sem tekin verður ákvörðun um hvort að gæsluvarðhald yfir honum verði framlengt.

Nokkuð brattur eftir köfunarslys í Silfru

Lögreglan á Selfossi fór ásamt sjúkraflutningarmönnum að Silfru á Þingvöllum eftir hádegi í dag. Kafari þurfti að skjóta sér upp á yfirborðið af 18 metra dýpi en svo virðist sem einhver bilun hafi komið í köfunarbúnað mannsins. Varðstjóri hjá lögreglunni segir að maðurinn hafi verið nokkuð brattur eftir þessa reynslu en þegar farið er upp á yfirborðið af svona miklu dýpi er hætta á að menn slasist.

Hagfræðingur líklega næsti forsætisráðherra Ítalíu

Talið er líklegt að Mario Monti, sextíu og átta ára hagfræðingur og stjórnandi Bocconi háskólans í Mílanó verði næsti forsætisráðherra Ítalíu eftir að Silvio Berlosconi sagði af sér í gær. Stefnt er að því að ný ríkisstjórn takið við stjórnartaumunum í dag.

Hanna Birna vill ekki í ríkisstjórn með Samfylkingunni vegna ESB

Hanna Birna Kristjánsdóttir telur að Sjálfstæðisflokkurinn eigi ekki að mynda ríkisstjórn með Samfylkingu fyrr en samfylkingarmenn breyta um kúrs í evrópumálum. Hún telur vænlegast að halda í krónuna áfram.

Dirty Night fór fram á Players þrátt fyrir kæru Kópavogsbæjar

Hinn margumtalaði viðburður Dirty Night var haldinn á skemmtistaðnum Players í Kópavogi í gær þrátt fyrir kæru bæjarins.

Ölvaður velti bíl í Þverholti

Nokkur erill var hjá lögreglunni á höfuðborgarsvæðinu í nótt og töluvert mikið af fólki í miðborg Reykjavíkur, enda fullt tungl, að sögn varðstjóra.

Stofnandi Bleiku slaufunnar látin

Evelyn Lauder, fyrrum stjórnarformaður snyrtivörufyrirtækisins Estée Lauder, er látin 75 ára að aldri. Lauder er eflaust þekktust fyrir að hafa kynnt bleiku slaufuna fyrst allra en slaufan merki þeirra sem vilja minna baráttunni gegn krabbameini hjá konum.

Réðust inn í sendiráð Sádí-Arabíu og Katars

Æstur múgur réðst inn í sendiráð Sádí-Arabíu og Katar í Damaskus í gærkvöldi eftir að samtök Arabaríkja greiddu atkvæði um að vísa Sýrlandi úr samtökunum fyrir að ganga of hart fram gegn mótmælendum.

Skjálftar í Mýrdalsjökli

Um tíu grunnir jarðskjálftar í Mýrdalsjökli komu fram á mælum Veðurstofunnar á um fjörutíu mínútna kafla í kringum klukkan sex í morgun. Samkvæmt upplýsingum frá Veðurstofunni er skjálftahrina sem þessi ekki óalgeng en undanfarnavikur hafa skjálftar mælst á svæðinu. Enginn af skjálftunum í morgun var stærri en 3 á richter og segir vaktmaður á spádeild að enginn gosórói sé í eldsstöðinni.

Ekki í belti og kastaðist út úr bílnum

Ökumaður missti stjórn á bíl sínum við Kálfholt á Hellu rétt fyrir klukkan sjö í morgun. Samkvæmt upplýsingum frá varðstjóra hjá lögreglunni á Selfossi voru tveir í bílnum, kona og karl, og kastaðist annað þeirra út úr bílnum. Samkvæmt varðstjóra var sá sem kastaðist úr úr bílnum ekki í bílbelti en hann lenti í mýri.

Handtóku eiturlyfjaklíkur

Sérsveitir brasilísku lögreglunnar náðu í morgun einu stærsta fátækrahverfi Rio de Janeiro á sitt vald en þar hafa brasilískir eiturlyfjabarónar ráðið lögum og lofum um þriggja áratuga skeið.

Tónleikum Costello í Hörpu frestað

Fyrirhuguðum tónleikum Elvis Costello í Hörpu hefur verið frestað. Tónleikarnir áttu að fara fram mánudaginn 21. nóvember.

Grunur um íkveikju

Um þrjú leytið í nótt barst tilkynning um eld í nýbyggingu við Bergstaðastræti í miðborg Reykjavíkur. Töluverður eldur var í klæðningu og stillösum þegar slökkvilið kom á vettvang og fóru dælubíll, körfubíll og sjúkrabíll á staðinn. Mikið tjón varð á húsinu en lögreglu grunar að um íkveikju sé að ræða. Málið er í rannsókn.

Smábarn á launum hjá ríki

Nýfæddu barni í Nígeríu var bætt á launaskrá ríkisins og hefur fengið 150 dollara á mánuði síðustu þrjú árin. Saksóknari hefur greint frá þessu.

Gosið er enn í fullum gangi

Gosið á hafsbotni við Kanaríeyjar er enn í fullum gangi, andstætt því sem kom fram í frétt blaðsins í gær.

Umfangsmesta leit síðari ára

Sænski ferðamaðurinn sem leitað hafði verið á Sólheimajökli í tæpa tvo sólarhringa fannst látinn rétt fyrir hádegi í dag. Hann var ofan í jökulsprungu en ekki er hægt að fullyrða hvort hann féll ofan í sprunguna eða fór þar ofan í til að leita skjóls.

Efnilegir kvikmyndagerðarmenn

Hrekkjóttir legókallar og sönglandi nunnur fóru með aðalhlutverk í myndböndum ungra og upprennandi kvikmyndagerðarmanna sem voru verðlaunaðir fyrir verk sín við hátíðlega athöfn í dag.

Segir Jackson hafa vætt rúmið

Conrad Murray er hvergi af baki dottinn þótt hann hafi verið sakfelldur fyrir manndráp af gáleysi í vikunni. Í gærkvöldi sýndi bandaríska sjónvarpsstöðin MSNBC heimildarmynd eftir lækninn.

Eyði jólagjöf í heimabænum

Jólagjöf starfsmanna Grindavíkurbæjar á þessu ári verður gjafabréf sem virkar sem greiðsla upp í kaup á vöru og þjónustu í Grindavík. Að því er segir á heimasíðu Grindavíkurbæjar er stefnt að því að starfsmennirnir fái gjafabréfin í lok nóvember svo þeir geti nýtt þau fyrir jólin. „Viðkomandi fyrirtæki fá síðan upphæðina greidda á skrifstofu Grindavíkurbæjar gegn framvísun gjafabréfsins,“ segir á vef sveitarfélagsins-

Aðeins 17 prósent yfir kostnaðaráætlun

Kostnaður vegna Héðinsfjarðarganga reyndist 17,2 prósentum meiri en áætlanir gerðu ráð fyrir, aðallega vegna vatnsaga. Þetta kemur fram á vef Vegagerðarinnar, en þar er tekið fram að rangar tölur þar um hafi verið í gangi. Á fundi umhverfis- og samgöngunefndar Alþingis hafi til dæmis „ranglega verið haldið fram að umframkostnaður við þessi göng hlaupi á jafnvel 80 til 90 prósentum. Því fer fjarri," segir á vef Vegagerðarinnar. Þar segir jafnframt að misskilninginn megi rekja til þess að fólki hafi láðst að umreikna upphæðir með tilliti til verðlagsþróunar. - þj

Dómsmálaráðherra hættir

Norðmenn fengu nýjan dómsmálaráðherra í gær þegar Grete Faremo varnarmálaráðherra tók við embætti Knuts Storberget sem sagði af sér. Faremo hefur áður verið dómsmálaráðherra, árin 1992 til 1996.

27 fórust í sprengingu í herstöð

Að minnsta kosti tuttugu og sjö fórust þegar sprengja sprakk í herstöð í grennd við Tehran höfuðborg Írans í morgun. Sprengingin varð þegar verið var að flytja vopn í geymslu í herstöðinni og segir talsmaður hersins að rúður hafi sprungið í íbúðarhúsum í grennd við herstöðina. Mikill eldur kviknaði sem erfitt var að slökkva en samkvæmt frétt breska ríkisútvarpsins heyrðist sprengingin í miðborg Tehran sem er í fjörutíu kílómetra fjarlægð.

Norrænir slökkviliðsmenn funda í Reykjavík

Stjórn samtaka norænna slökkviliðsmanna fundaði í dag vegna ráðstefnu sem haldin verður í Bergen í Noregi á næsta ári. Á ráðstefnunni koma saman um 120 slökkviliðsmenn frá höfuðborgum allra Norðurlandanna, ásamt Gautaborg og Bergen, en ráðstefnan er haldin einu sinni á ári.

Fannst látinn

Sænski ferðamaðurinn sem hefur verið leitað að síðan á miðvikudagskvöld, fannst látinn rétt fyrir klukkan tólf í dag. Hann fannst í um 600 metra hæð á Sólheimajökli. Þetta kemur fram í tilkynningu frá lögreglustjóranum á Hvolsvelli.

Ferðamaðurinn fundinn

Sænski ferðamaðurinn sem leitað hefur verið að á Sólheimajökli fannst rétt fyrir klukkan tólf í dag. Hann fannst ofarlega í jöklinum en yfir 300 björgunarsveitarmenn hafa leitað að honum síðasta tvo og hálfan sólarhring. Aðstæður á jöklinum voru mjög slæmar í morgun og veður mjög slæmt. Nánari upplýsingar liggja ekki fyrir að svo stöddu.

Alltaf að bæta mig

Kristján Magnús Karlsson, þroskahamlaður íþróttamaður og starfsmaður Vífilfells, æfir íþróttir af kappi alla daga vikunnar nema sunnudaga. Vilhelm Gunnarsson ljósmyndari og Kjartan Guðmundsson fylgdust með Kristjáni í leik og starfi.

Capacent kemur ekki að ráðningu forstjóra Bankasýslunnar

Stjórn Bankasýslu ríkisins mun skipa þriggja manna ráðninganefnd vegna ráðningar nýs forstjóra Bankasýslunnar. Ráðningafyrirtækið Capacent mun ekki koma að ferlinu, líkt og áður. Ný stjórn Bankasýslu ríkisins hefur auglýst laust til umsóknar starf forstjóra Bankasýslunnar. Auglýsingin er samhljóða fyrri auglýsingu um stöðuna, en hún er aðgengileg á vefnum Starfatorg. . "Stjórnin hefur ákveðið að skipa sérstaka ráðningarnefnd til að annast ráðningarferlið þannig að það verður ekki ráðningarstofa sem heldur utan um það eins og síðast," segir Guðrún Ragnarsdóttir, formaður stjórnar Bankasýslunnar. "Við ákváðum að velja þessa leið þar sem hún hefur verið notuð með góðum árangri í ráðningum innan stjórnsýslunnar og þá er yfirleitt farin sú leið að það eru skipaðir þrír aðilar í nefndina. Við eigum eftir að gera það og munum væntanlega gera það eftir helgi," segir Guðrún. Ekki liggur fyrir hvort umsækjendur fara í gegn um samskonar próf og í fyrra ráðningarferli. "Nefndin kemur með tillögur að mótun á ferlinu, það er að segja hvaða ferli það verður sem umsækjendur þurfa að fara í gegn um. Það er stjórnin sem alltaf ber ábyrgð á þessu ferli og stjórnin mun alltaf þurfa að samþykkja þá aðferð eða það ferli sem nefndin leggur til. Síðan er það nefndin sem kemur með tillögur að þremur umsækjendum, líklegast, í lokin til stjórnarinnar og stjórnin síðan velur úr þeim hópi. Þetta er alltaf á ábyrgð stjórnarinnar en nefndin er framkvæmdaraðili fyrir hönd stjórnar," segir hún. Afar fáir sóttu um stöðuna þegar hún var auglýst í fyrra skipti. Spurð hvort gerðara hafa verið sérstakar ráðstafanir til að auka áhuga fólks á að sækja um, segir Guðrún: "Fyrsta skrefið er alltaf að auglýsa og ég vil nota tækifærið til að hvetja fólk til að sækja um. Þetta er auðvitað spennandi starf og gríðarlegt tækifæri til að fá að taka þátt í að móta framtíðarmynd fjármálakerfisins hér á Íslandi." Hún segist vonast til þess að umræðan um Bankasýsluna að undanförnu leiði til þess að fleiri sæki um stöðuna. Umsóknarfrestur er til og með 27. nóvember.