Fleiri fréttir

Biskup ætlar að láta af embætti

Karl Sigurbjörnsson biskup ætlar að láta af embætti næsta sumar. Þetta kom fram í setningarávarpi hans til kirkjuþings í Grensáskirkju í morgun.

Starf forstjóra Bankasýslunnar auglýst

Ný stjórn Bankasýslu ríkisins auglýsir laust til umsóknar starf forstjóra Bankasýslunnar. Í auglýsingunni, sem er aðgengileg á Starfatorgi, segir meðal annars að umsækjendur þurfi að hafa háskólapróf sem nýtist í starfi, sérþekkingu á banka- og fjármálum auk leiðtogahæfileika. Fyrri stjórn Bankasýslunnar óskaði eftir að vera leyst frá störfum í lok október vegna umdeildrar ráðningar Páls Magnússonar sem forstjóra. Næsta dag sagði Páll sig frá starfinu. Umsóknarfrestur er til og með 27. nóvember.

Þrjár líkamsárásir og átta ölvaðir undir stýri

Nokkur erill var hjá lögreglunni á höfuðborgarsvæðinu í nótt en átta ökumenn voru teknir vegna gruns um ölvun við akstur og einn ökumaður var tekinn undir áhrifum fíkniefna. Þrjár minniháttar líkamsárásir voru tilkynntar til lögreglu en enginn kæra hefur borist inn á borð varðstjóra. Þá fóru lögreglumenn á þrettán veitingastaði í miðborginni í nótt og að sögn varðstjóra var engum þeirra lokað. Sex gistu fangageymslu. Fjórir vegna ölvunar og tveir vegna ölvunaraksturs - annar þeirra stal reyndar líka bíl í Stigahlíðinni í gærdag og var einungis að sofa úr sér áfengisvímuna áður en hann verður yfirheyrður síðar í dag.

Móðirin vöruð við níðingnum

Móðir drengs, sem þurfti að þola gróft kynferðisofbeldi í áraraðir, var vöruð sterklega við að láta drenginn í hendur brotamannsins fyrir níu árum. Við húsleit hjá manninum, sem var dæmdur barnaníðingur, fundust þá kynferðislegar myndir af börnum og jafnframt myndir af drengnum í fangi hans.

Hreindýr valda milljónatjóni

Tjón á girðingum og ræktarlandi af völdum hreindýra hjá bændum í Flatey á Mýrum á þessu ári nemur um 8,5 milljónum króna. Frá því er greint í Bændablaðinu að hreindýr hafi valdið miklu tjóni hjá bændum á Mýrum í Hornafirði undanfarin ár.

Bjarni og Hanna Birna vilja ekki svara

Bjarni Benediktsson og Hanna Birna Kristjánsdóttir, formannsframbjóðendur Sjálfstæðisflokksins, hafna því að svara spurningalista sem Fréttablaðið sendi þeim. Aðstoðarfólk þeirra hafði samráð sín á milli um að svara ekki spurningunum. Hér á eftir fara spurningarnar sem frambjóðendurnir svöruðu ekki:

Formenn stýri viðræðunum við ESB

Sjálfstæðir Evrópumenn ætla að leggja fram málamiðlunartillögu um aðildarviðræður við ESB á landsfundi Sjálfstæðisflokksins um næstu helgi.

Kjötskortur hækkar lán heimila

Finnur Árnason, forstjóri Haga, segir kjötskort hafa hækkað lán heimilanna um 7,6 milljarða króna. Framleiðendur hafi hækkað verð á allri kjötvöru langt umfram verðlagsþróun. Það hafi áhrif á vísitöluna.

Fresta æfingu vegna leitar

Umfangsmikil leit að týndum ferðamanni við Sólheimajökul sem staðið hefur yfir undanfarna daga veldur því að fresta þarf flugslysaæfingu á Keflavíkurflugvelli sem átti að fara fram í dag.

Áfengisneysla ekki lengur skráð

Hagstofa Íslands hætti nýlega að halda saman upplýsingum um sölu og neyslu áfengis með jafn ítarlegum hætti og hefur verið undanfarin ár. Ástæðan er niðurskurður hjá hinu opinbera.

10 ára gömul stúlka eignaðist barn

Tíu ára gömul stúlka eignaðist barn á spítalanum í Puebla í Mexíkó snemma í þessum mánuði. Stúlkan hafði gengið með barnið í 31 viku. Samkvæmt læknum var stúlkan í lífshættu þegar hún kom á spítalann.

Átök í Varsjá

Átök brutust út milli þjóðernissinna og vinstrisinnaðra mótmælenda í Varsjá í dag. Rúmlega 20 voru fluttir á spítala og um 150 voru handteknir.

Modern Warfare 3 slær sölumet

Tölvuleikurinn Call of Duty: Modern Warfare 3 hefur slegið sölumetið sem forveri sinn státaði af. Leikjaserían er sú vinsælasta í heimi.

Mun boða forstjóra Barnaverndastofu á sinn fund

Björgvin G. Sigurðsson, formaður allsherjar- og menntamálanefndar Alþingis, ætlar að boða Braga Guðbrandsson, forstöðumann Barnaverndastofu, fyrir nefndina til þess að ræða gagnrýni hans á úrræðaleysi í málefnum kynferðisbrotamanna.

Pýramídinn mikli í Giza lokaður vegna 11.11.11

Yfirvöld í Egyptalandi lokuðu fyrir aðgang að Pýramídanum mikla í Giza í dag. Sögusagnir voru um að nokkrir hópar hefðu skipulagt helgiathafnir í pýramídanum í tilefni af einkennilegri dagsetningu - 11.11.11.

Um 60 þúsund Neyðarkallar seldust

Sala björgunarsveitanna á Neyðarkallinum í síðustu viku gekk vel, að sögn Ólafar Snæhólm Baldursdóttur, upplýsingafulltrúa Slysavarnarfélagsins Landsbjargar. Neyðarkallinn var seldur um allt land fyrstu helgina í nóvember og Ólöf segir að menn telji að um 60 þúsund eintök hafi selst. Hver Neyðarkall var seldur á 1500 krónur og því má áætla að tekjur af sölunni hafi numið um 90 milljónum króna.

Flestir gefa ekkert upp

Meirihluti borgarstjórnarflokks Sjálfstæðisflokksins gefur ekki upp afstöðu sína varðandi stuðning við formannsefnin í Sjálfstæðisflokknum. Þrír borgarfulltrúar styðja Hönnu Birnu Kristjánsdóttur í formanninn.

Innanríkisráðherra Mexíkó lést í þyrluslysi

Innanríkisráðherra Mexíkó, Francisco Blake Mora, lést í þyrluslysi í Mexíkó í dag. Yfirvöld segja að átta manns hafi verið í þyrlunni og að allir hafi látið lífið í slysinu.

Meintur kókaínsmyglari í gæsluvarðhald

Hæstiréttur Íslands úrskurðaði í gær Litháa í gæsluvarðhald til 2. desember vegna meints innflutnings á kókaíni. Héraðsdómur Suðurlands hafði áður hafnað gæsluvarðhaldskröfu lögreglu yfir manninum og dæmt hann til að sæta farbanni. Lögreglustjórinn á Selfossi kærði þá til Hæstaréttar úrskurð héraðsdóms um að maðurinn skyldi sæta farbanni í stað gæsluvarðhalds.

Leita fram á nótt

Tæplega 200 manns hafa verið við leit á Sólheimajökli í dag, þar af um 50-60 á jöklinum sjálfum. Áhersla er lögð á að fínkemba jökulinn og svæðið í kringum hann og er það verk langt komið. Einhverjar vísbendingar hafa fundist, meðal annars spor og hanski, og verið er að vinna úr þeim. Þær gefa þó ekki tilefni til að breyta stefnu leitarinnar.

Segja að nýr spítali spari þrjá milljarða

Í nýrri skýrslu sem unnin hefur verið fyrir Landspítalann kemur fram að bygging nýs spítala á Hringbraut muni spara hátt í þrjá milljarða króna í rekstri árlega. Norska ráðgjafafyrirtækið Hospitalitet as vann skýrsluna en þar voru bornir saman tveir valkostir, að halda áfram núverandi rekstri í Fossvogi, við Hringbraut og víðar, eða að byggja einn stóran spítala við Hringbraut. Í heild sýna útreikningarnir að 2,6 milljarðar sparast árlega. Jafnframt sýna núvirðisreikningar á kostnaði og sparnaði til næstu 40 ára að mun hagkvæmara sé að byggja við Hringbraut.

Pyntaður af djöfladýrkendum í tvo daga

Tvær ungar konur frá Milwaukee í Bandaríkjunum eru nú í haldi lögreglu sakaðar um að hafa pyntað átján ára gamlan mann og stungið hann rúmlega 300 sinnum. Pilturinn hafði ferðast frá Arizona til Milwaukee til þess að hitta stelpu sem hann hafði kynnst í spjalli á Netinu. Þegar hann bankaði upp á tóku tvær stúlkur á móti honum og yfirbuguðu hann snarlega.

Bjarni og Cameron funduðu í Lundúnum

Bjarni Benediktsson formaður Sjálfstæðisflokksins fundaði í dag með kollega sínum David Cameron, forsætisráðherra Bretlands. Þeir hittust í Lundúnum í morgun og ræddu ESB, efnahagsmál og Icesave en Bjarni sækir nú ráðstefnu íhaldsflokka í Lundúnum.

Flugslysaæfingu frestað vegna Svíans

Flugslysaæfingu sem fyrirhuguð varað halda á Keflavíkurflugvelli á morgun, laugardaginn 12. nóvember, hefur verið frestað en stór hluti viðbragðsaðila er nú við leitarstörf á Suðurlandi, þar sem leitað er Svía.

Harður árekstur á Snorrabraut

Harður árekstur varð á Snorrabraut um klukkan hálftvö í dag og voru lögregla og sjúkralið kölluð til. Þrátt fyrir miklar skemmdir á bifreiðunum urðu lítil meiðsl á fólki að sögn slökkviliðsins. Tveir voru þó fluttir á slysadeild til nánari skoðunar.

Ítalska öldungadeildin samþykkir niðurskurðartillögur

Ítalska öldungadeildin samþykkti í dag niðurskurðartillögur ríkisstjórnarinnar sem ætlað er að koma í veg fyrir að Ítalía þurfi að leita á náðir Evrópusambandsins með lánapakka. Búist er við að tillögurnar verði samþykktar í neðri deild þingsins um helgina en Silvio Berlusconi forsætisráðherra hefur sagst ætla að segja af sér um leið og þær hafa verið samþykktar. Ný stjórn er í burðarliðnum og er talið að fyrrverandi yfirmaður framkvæmdastjórnar Evrópusambandsins, Mario Monti, muni leiða hana.

Gæsluvarðhald framlengt yfir meintum höfuðpaur

Héraðsdómur hefur úrskurðað mann á fimmtugsaldri í áframhaldandi gæsluvarðhald til 9. desember næstkomandi að kröfu lögreglu. Maðurinn er grunaður um að vera höfuðpaurinn í stærsta fíkniefnasmygli sem uppgötvast hefur hér á landi á þessu ári. Hann hefur þegar kært úrskurðinn til Hæstaréttar.

Gaf 200 björgunarsveitarmönnum plokkfisk

Kokkurinn Grímur Gíslason gaf björgunarsveitarfólki 200 skammta af plokkfiski, og var það væntanlega kærkomin búbót, enda björgunarsveitarmenn búnir að standa í ströngu við leit á Svía á þrítugsaldri sem er týndur á eða nærri Sólheimajökli.

Verðkönnun ASÍ: Lítill munur á Bónus og Krónunni

Lítill verðmunur var á milli Bónuss og Krónunnar þegar ASÍ kannaði verð á matarkörfunni í matvöruverslunum síðastliðinn þriðjudag. Munurinn var 175 krónur á milli verslananna tveggja og í meira en helmingi tilvika var munurinn á milli einstakra vörutegunda minni en tvær krónur. Að þessu sinni var karfan ódýrust hjá Bónus þar sem að hún kostaði 16.596 kr. en dýrust hjá Samkaupum - Úrvali á 19.816 kr. sem er 3.220 kr. verðmunur eða 19%.

Neitar að hafa kyrkt nýfæddan son sinn

„Ég er ekki sammála þessu. Ég drap ekki barnið," sagði Agné Krataviciuté, litháísk kona, við þingfestingu ákæru á hendur henni í Héraðsdómi Reykjavíkur í gær.

Norðmenn vilja út úr EES

Rúmlega helmingur Norðmanna myndi vilja að Noregur segði skilið við Evrópska efnahagssvæðið, að því tilskildu reyndar að í staðinn fengist viðunandi tvíhliða fríverslunarsamningur við ESB.

Vigdís Hauks: Eiríkur þarf að biðja þjóðina afsökunar

Vigdís Hauksdóttir, þingmaður framsóknarflokks, segir að Eiríkur Bergmann, dósent við Háskólann á Bifröst, þurfi að biðja þjóðina afsökunar á því að líkja framsóknarmönnum við fasista. Hún telur að Eiríkur sé beinlínis að ráðast gegn framsóknarmönnum vegna afstöðu þeirra í Evrópumálum.

Framsóknarmerkið tilvísun í þjóðrembu Jónasar frá Hriflu

"Nú er komið fram ný útgáfa af merki framsóknarflokksins með yfirskriftinni "Ísland í vonanna birtu. Þar er rísandi sól með íslenskan fánaborða fyrir aftan kornmerki um akuryrkjuna sem er meira tákn fyrir erlenda bændur en íslenska og bein tilvísun í þýska og rússneska bændamenningu sem fjölmörg dæmi eru um.“

Storberget segir af sér í Noregi

Dómsmálaráðherra Noregs, Knut Storberget, hefur sagt af sér. Jens Stoltenberg forsætisráðherra Noregs staðfesti þetta í dag á blaðamannafundi. Greta Faremo mun taka við embættinu. Stoltenberg segir það hafa legið fyrir í nokkurn tíma að Storberget myndi segja af sér enda fylgi mikið álag embættinu.

Hætti við að lóga Randver

„Ég var hættur þessu og ætlaði ekkert að gera meira af svona hlutum. En þegar starfsmenn Pegasus sáu reiðhestana mína gengu þeir mjög hart að mér og ég lét til leiðast,“ segir Jens Pétur Högnason hestabóndi.

Sleit sæstreng Gagnaveitunnar - Míla þarf samt að borga

Héraðsdómur Reykjavíkur dæmdi Mílu til þess að greiða fyrirtækinu Djúptækni ehf. rétt tæplega tuttugu milljónir fyrir viðgerð á sæstreng Gagnaveitu Orkuveitu Reykjavíkur. Djúptækni tók að sér sem verktaki að leggja sæstreng sem liggur vestan Elliðaeyjar og í land á Heimaey.

Gammar flæktu málin í háloftunum - magnað myndband

Rússneski svifvængjaflugmaðurinn Paravoffka komst heldur betur í hann krapann á dögunum þegar hann var að svífa um Himalayafjöllinn á Indlandi. Þar sem hann sveif um í rólegheitunum koma tveir stærðarinnar gammar á fullri ferð í átt að honum.

Sjö ára drengur fékk þunga girðingu yfir sig á skólalóð

Sjö ára drengur fékk þunga girðingu, sem verktakar höfðu reist, yfir sig í gærmorgun á skólalóð Norðlingaskóla. Faðir drengsins sendi íbúasamtökum Norðlingaholts bréf þar sem hann lýsti atvikinu og samtökin birtu á heimasíðu sinni.

Sjá næstu 50 fréttir

Mest lesið