Ekkert lát á norð­austan­áttinni og við­varanir í gildi

Á vef Veðurstofunnar segir að frost verði á bilinu núll til sjö stig.

Viðvaranir eru í gildi á landinu vegna hvassviðrisins fram á kvöld en til morguns á Suðausturlandi.

„Hægt minnkandi norðaustanátt á morgun, strekkings vindur seinnipartinn. Él norðan- og austanlands, svipað frost áfram.

Hægari norðaustlæg átt á fimmtudag og él norðan heiða, en léttskýjað á Suður- og Vesturlandi. Harðnandi frost.“

Veðurhorfur á landinu næstu daga

Á miðvikudag (vetrarsólstöður): Norðaustan 13-20 m/s, en dregur smám saman úr vindi með deginum. Víða él, en bjartviðri suðvestanlands. Frost 0 til 8 stig.

Á fimmtudag: Norðaustan og norðan 5-13 og dálítil él, en léttskýjað á Suður- og Vesturlandi. Frost 4 til 14 stig.

Á föstudag (Þorláksmessa): Norðanátt og dálítil él norðantil, en bjart með köflum sunnan heiða. Talsvert frost.

Á laugardag (aðfangadagur jóla): Norðlæg eða breytileg átt og snjókoma með köflum, en þurrt um landið austanvert. Áfram kalt í veðri.

Á sunnudag (jóladagur) og mánudag (annar í jólum): Útlit fyrir norðanátt með éljum norðan- og austantil á landinu.