Rúmenía flokkast nú sem grænt land á korti Sóttvarnastofnunar Evrópu um stöðu faraldursins í álfunn. Ísland hefur verið flokkað grænt í nokkrar vikur og hefur verið nær eitt hingað til, auk Möltu sem var grænmerkt fyrir viku síðan.
Engin önnur ríki hafa náð þessum stimpli en þó er stór hluti Póllands og Finnlands grænmerktur. Enn eru engin gögn til hjá Svíþjóð og Írlandi, en tölvukerfi fyrir skráningu Covid-19 tilfella þeirra hrundu fyrir rúmri viku síðan.
Stór hluti Frakklands, Danmerkur og Spánar er enn rauðmerktur, auk þess sem Litháen og Lettland eru al-rauðmerkt.
Flest önnur ríki eru enn gulmerkt, þar á meðal Þýskaland, Sviss og Ítalía að hluta.
Ísland er enn flokkað grænt á uppfærðu korti Sóttvarnastofnunar Evrópu, sem segir til um stöðuna í hverju ríki vegna kórónuveirufaraldursins. Stór hluti Finnlands er nú einnig flokkaður sem grænt svæði.
Ísland er áfram eina græna landið á uppfærðu korti Sóttvarnastofnunar Evrópu um stöðu kórónuveirufaraldursins í þeim ríkjum sem tölurnar ná til.
