Lægð beinir til okkar hlýju lofti

Sunna Kristín Hilmarsdóttir skrifar 31. mars 2021 07:42

Það er spáð fínu veðri í dag víðast hvar. Vísir/Sigurjón

Suðvestur af landinu er 1037 millibara lægð sem beinir til okkar hlýrri suðvestanátt. Í hugleiðingum veðurfræðings á vef Veðurstofu Íslands segir að í dag verði víða vindur á bilinu fimm til þrettán metrar á sekúndu en norðan- og norðvestanlands verði fimmtán til tuttugu metrar á sekúndu. Í kvöld mun svo hvessa á Austfjörðum.

„Er líður á daginn þykknar upp á vestanverðu landinu og í kvöld verður komin súld eða rigning með köflum þar þó áfram verði bjartviðri austantil. Frostlaust verður á láglendi í dag, hiti 2 til 9 stig,“ segir í hugleiðingunum.

Veðurhorfur á landinu:

Vestan og suðvestan 5-13 m/s og bjartviðri en 15-20 norðan- og norðvestanlands eftir hádegi og austanland seint í kvöld. Þykknar upp vestantil með súld eða lítilsháttar rigningu með köflum síðdegis.

Vestan og suðvestan víða 5-13 en víða hvassara í vindstrengjum við fjöll. Lítilsháttar rigning eða súld um landið noðan- og vestanvert en annars skýjað með köflum og þurrt að kalla. Hiti 2 til 9 stig.

Á fimmtudag (skírdagur):

Vestan og suðvestan 5-13 m/s, skýjað og dálítil súld um vestan- og norðanvert landið en annars þurrt. Hiti 2 til 8 stig yfir daginn.

Á föstudag (föstudagurinn langi):

Suðvestan 5-13 m/s en heldur hvassara norðvestantil. Skýjað á vesturhelming landsins og súld eða rigning um kvöldið en þurrt og bjart veður eystra. Hiti 4 til 9 stig.

Á laugardag:

Vestan 10-18 m/s en snýst í norðan 10-18 seinnipartinn og um kvöldið. Snjókoma í fyrstu en éljagangur eftir hádegi, einkum norðantil. Ört kólnandi veður, talsvert frost um kvöldið.

Á sunnudag (páskadagur):

Allhvöss eða hvöss norðanátt og snjókoma eða él norðan- og austanlands en bjart með köflum suðvestantil. Áfram talsvert frost.

Á mánudag (annar í páskum) og þriðjudag:

Útlit fyrir breytileg átt, bjartviðri og hiti undir frostmarki.

Veður