Handteknir fyrir að ráðast á strætóbílstjóra í Danmörku

Atli Ísleifsson skrifar 5. febrúar 2021 09:47

Mennirnir eru sagðir hafa slegið og sparkað strætisvagnabílstjórann í höfuðið. Hann ku þó ekki vera í lífshættu. Getty

Lögregla í Danmörku hefur handtekið þrjá einstaklinga fyrir að hafa ráðist á strætóbílstjóra í Tønder á Suður-Jótlandi eftir að bílstjórinn hafði krafist þess að þeir notuðu grímu um borð og greiddu sömuleiðis fargjald.

Uppfært: Í fyrstu fréttum danskra fjölmiðla kom fram að mennirnir væru allir Íslendingar. Nú hefur komið fram að árásarmaðurinn hafi verið sænskur ríkisborgari og einn að verki. Sjá hér.

Ekstrabladet segir frá þessu, en strætisvagnabílstjórinn, sem er 71 árs, var fluttur á sjúkrahús eftir árásina. Þar segir að tveir mannanna séu 23 ára og einn 51 árs.

Fyrir árásina hafði einn stolið úr matvöruverslun Dagli'Brugsen í Højer skammt frá. Hafði hann falið áfengi innan klæða og þegar starfsmaður gekk á hann hafi maðurinn haft í hótunum og svo stungið af.

Mennirnir eru sagðir hafa slegið og sparkað í höfuð bílstjórans. Hann ku þó ekki vera í lífshættu.

Í greininni er sérstaklega tekið fram að enginn mannanna sé skráður til heimilis í Danmörku.

Fréttin hefur verið uppfærð.

Danmörk Íslendingar erlendis

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.