Enski boltinn

Manchester City búið að staðfesta kaupin á Aké

Runólfur Trausti Þórhallsson skrifar
Aké skrifaði undir fimm ára samning við Manchester City í dag.
Aké skrifaði undir fimm ára samning við Manchester City í dag. Vísir/Manchester City

Hollenski varnarmaðurinn Nathan Aké er genginn til liðs við enska úrvalsdeildarfélagið Manchester City. Þetta staðfesti félagið á vef sínum nú rétt í þessu. Skrifar leikmaðurinn undir fimm ára samning við félagið.

Það er nóg um að vera á skrifstofu City þessa dagana en spænski vængmaðurinn Ferran Torres gekk til liðs við félagið í gær. Hann kom frá Valencia en Aké kemur frá Bournemouth sem féllu úr ensku úrvalsdeildinni á dögunum.

Hinn 25 ára gamli Aké lék yfir 100 leiki með Bournemouth en hann lék með liðinu frá árinu 2017. Þar áður var hann á mála hjá Chelsea en lék aðeins sjö leiki með aðalliði liðsins.

Talið er að City borgi um 41 milljón punda fyrir þennan hollenska landsliðsmann. Alls á hann 13 A-landsleiki að baki ásamt fjölda leikja fyrir yngri landslið Hollands.


Tengdar fréttir




Fleiri fréttir

Sjá meira


×