Erlent

Fjölmiðlafulltrúi Mike Pence með Covid-19

Kristín Ólafsdóttir skrifar
Katie Miller, fjölmiðlafulltrúi Mike Pence, ræðir við Mark Short, starfsmannastjóra Pence.
Katie Miller, fjölmiðlafulltrúi Mike Pence, ræðir við Mark Short, starfsmannastjóra Pence. Vísir/getty

Katie Miller, fjölmiðlafulltrúi Mike Pence, varaforseta Bandaríkjanna, greindist með kórónuveiruna í dag, daginn eftir að annar starfsmaður Hvíta hússins greindist með veiruna.

Miller er einn af aðalráðgjöfum varaforsetans og náinn samstarfsmaður hans. Þá er hún auk þess gift Stephen Miller, ráðgjafa Donalds Trumps, Bandaríkjaforseta.

Í frétt BBC um málið segir að sex einstaklingum sem starfa fyrir Pence hafi verið fylgt í flýti út úr flugvél hans í Washington DC í dag, rétt áður en hún átti að leggja af stað til Iowa.

Starfsmennirnir sex höfðu allir átt nýverið í samskiptum við Miller. Það höfðu hins vegar hvorki Pence né Trump gert, að því er fram kemur í tilkynningu.

Bæði Trump og Pence eru skimaðir fyrir veirunni á hverjum degi. Greint var frá því í gær að einkaþjónn Trumps hefði greinst með veiruna.

Donald Trump Faraldur kórónuveiru (COVID-19) Bandaríkin

Tengdar fréttir

Veiran hafi aukið andúð á útlendingum

Framkvæmdastjóri Sameinuðu þjóðanna segir að alheimsfaraldur kórónuveirunnar hafi leitt af sér holskeflu haturs og ótta við útlendinga

Kórónuveiran „mesta árás“ á Bandaríkin í sögunni

Donald Trump Bandaríkjaforseti segir að kórónuveirufaraldurinn sem nú geisar sé versta árás sem Bandaríkin hafi orðið fyrir, verri en árás Japana á Pearl Harbour og verri en árásirnar 11. september 2001.

Mest lesið


Fleiri fréttir

Sjá meira


×

Mest lesið