Newcastle vann fyrsta leikinn undir stjórn Bruce
Newcastle United vann 1-0 sigur á West Ham United í fyrsta leiknum undir stjórn nýja knattspyrnustjórans, Steve Bruce.
Þetta var leikur um 3. sætið í Asíubikarnum, æfingamóti í Kína. Seinna í dag mætast Manchester City og Wolves í úrslitaleik mótsins.
FULL TIME - Newcastle United 1 West Ham United 0
The Magpies win the #PLAsiaTrophy third place play-off at the Hongkou Stadium courtesy of Yoshinori Muto's first half finish! #NUFC pic.twitter.com/GW6dADUjvZ
— Newcastle United FC (@NUFC) July 20, 2019
Bruce var ráðinn stjóri Newcastle á miðvikudaginn við litla hrifningu stuðningsmanna félagsins.
Vegna vegabréfsvandamála mátti Bruce ekki vera á hliðarlínunni í dag. Hann fylgdist því með leiknum úr stúkunni.
Newcastle var sterkari aðilinn í fyrri hálfleik og uppskar mark á 34. mínútu. Japanski framherjinn Yoshinori Muto stýrði boltanum þá í netið eftir fyrirgjöf frá Jamie Sterry.
Newcastle-menn voru ekki jafn öflugir í seinni hálfleik og sluppu með skrekkinn þegar Felipe Anderson skallaði í slá á 63. mínútu. En Skjórarnir héldu út og Bruce fagnaði sigri í fyrsta leiknum sem stjóri Newcastle.
Tengdar fréttir
Steve Bruce nýr stjóri Newcastle United
Enska úrvalsdeildarliðið Newcastle United hefur staðfest ráðninguna á Steve Bruce í starf knattspyrnustjóra félagsins.
Svakaleg yfirlýsing frá stuðningsmannaklúbbum Newcastle
Níu stuðningsmannaklúbbar Newcastle United saka eiganda félagsins um metnaðarleysi og eru mjög ósáttir með ráðningu á nýjum knattspyrnustjóra félagsins.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
